ހާޓް އެޓޭކެއް ޖެހިގެން ސިދާތު ޝުކްލާ މަރުވެއްޖެ
ހިންދީ ޑްރާމާތަކުން ދިވެހިންގެ ހިތް އަތުލައިފައިވާ ސިދާތު ޝުކްލާ ހާޓް އެޓޭކެއް ޖެހިގެން މަރުވެއްޖެއެވެ،
ޚަބަރު ލިިބިފައިވާގޮތުގައި އޭނާ މަރުވެފައި ވަނީ މިއަދުގެ ހެނދުނުގެ ވަގުތެއްގައި ކޫޕަރ ހޮސްޕިޓަލުގައި ފަރުވާ ދެމުން ދަނިކޮށްށެވެ.
އުމުރުން 40 އަހަރުގެ ސިދާތު ވަނީ ކާމިޔާބު އެތައް ޑްރާމާއެއް ބެލުންތެރިންނާ ހަމައަށް ގެނެސްދީފައެވެ. އޭނާގެ މަރުގެ ހަބަރާއެކު އިންޑިޔާގެ ފަންނާނުން ވަނީ ބޮޑު ޝޮކެއްގެ ތެރޭގައެވެ. އަދި ފޭނުން ދަނީ އެކަމާ ހިތާމަ ފާޅުކޮޅު މުޅި ސޯޝަލް މީޑިޔާ ފުރައިލާފައެވެ. ފޭނުން ބުނާ ގޮތުގައި މިއީ ގަބޫލުކުރަން ދަތި ޚަބަރެކެވެ.
ޑްރާމާ ތަރި ޝެހެނާޒް ގިލްއާއި ލޯބީގެ ގޮތުން ގުޅިގެން އުޅޭ ކަމަށް އަޑު ފެތުރިފައިވާ ސިދާތުގެ މަރާ އެކު އިންޑަސްޓްރީ ވަނީ ފުން ހިތާމައެއްގެތެރޭގައެވެ.
ބިގްބޮސް ސީޒަން 3ގެ ޓްރޮފީ ކާމިޔާބު ކޮށްފައިވާ ސިދާތުގެ ކާމިޔާބު ޑްރާމާތަކަށް ބަލާލާއިރު ކަލާރސް ޓީވީއިން ދެއްކި "ދިލްސޭ ދިލް ތަކް" އަދި "ބަލިކާ ވަދޫ" ހިމެނެއެވެ. މީގެ އިތުރުން ވެސް އޭނާ ވަނީ "ސަވްދާން އިންޑިޔާ"ގެ ޝޯތަކެއް ވެސް ހުށައަޅައިދީފައެވެ. އޭނާ އެންމެ ފަހުން ފެނިގެން ގޮސްފައި ވަނީ އެކްތާ ކަޕޫރުގެ ވެބް ސީރީޒް "ބްރޯކަން ބަޓް ބިއުޓިފުލް 3" އިންނެވެ.
