ރައީސް ޔާމީނާ އެކު އިދިކޮޅު އެންމެން ވެސް ޖަލަށް ލައިދިނުމަށް އަދުރޭ އެދިއްޖެ
ރައީސް ޔާމީނާއެކު، އިދިކޮޅު ލީޑަރ ޝިޕްގެ ބޭފުޅުންވެސް ޖަލަށް ލުމަށް ޕްރޮގްރެސިވް ކޯލިޝަނުގެ ވަގުތީ ލީޑަރ އަބްދުއްރަހީމް އަބްދުﷲ ގޮވާލައްވައިފިއެވެ.
ޕްރޮގްރެސިވް ކޯލިޝަނުން މިރޭ ބޭއްވި ކުއްލި ނޫސްވެރިންގެ ބައްދަލުވުމެއްގައި އަދުރޭ ވިދާޅުވީ ރޭ އެ ޕާޓީން ބޮޑު ޖަލްސާއެއް ބޭއްވުމުން އަނެއްކާ މާދަމާ ރައީސް ޔާމީން ކޯޓަށް ހާޒިރު ކުރާކަމަށެވެ.
"އަޅުގަނޑު ހަމަ މިރޭ ދަންނަވާލަން ބޭނުން މާފަސޭހަ ގޮތެއް އެބަ އޮތޭ. އެގޮތަކީ ރައީސް ޔާމީނާ އެކީގައި އިދިކޮޅު އެންމެން ޖަލަށް ލާށޭ ހުކުމެއް ކޮށްފަ. އޭރުން ސަރުކާރުން ނުޖެހޭނެތާ އިދިކޮޅުން ދައްކާ ވާހަކަ އަޑު އަހަން އިދިކޮޅުގެ އުނދަގުލާ ހެދި އުޅޭކަށެއް" އަދުރޭ ވިދާޅުވިއެވެ.
އަދުރޭ ވިދާޅުވީ ލީކްވެފައިވާ އޯޑިއޯތަކާއި ރައީސް އޮފީހުގެ ޗީފް އޮފް ސްޓާފް އަލީ ޒާހިރާ މެދު ކުރެވުނު ތުހުމަތު ތަކުގެ ސަބަބުން އޭނާ މިހާރުން މިހާރަށް މަގާމުން ދުރުކުރަން ޖެހޭ ކަމަށާއި އެކަން ކުރެއްވުމަށް ރައީސް ޞާލިހަށް ގޮވައިލައްވާކަމަށެވެ.
"ހާއްސަ ގޮތެއްގަައި ހަސަން ނަޖީބުގެ ވާހަކަ އަޅުގަނޑު ފާހަގަ ކޮށްލަން ހަސަން ނަޖީބް ވިދާޅުވީ އަޅުގަނޑުމެން ހަމަ ފުރަތަމަ ދުވަހުން ފެށިގެން ތުހުމަތު ކުރަމުން މިގެންދާ އަލީ ޒާހިރު ޗީފް އޮފް ސްޓާފް ރައީސް ޔާމީންގެ ކޮށްފައި ހުރި ބައެއް ކަންތައް ތަކުގެ ވާހަކަ ހަސަން ނަޖީބް ވިދާޅުވި، މާތް ﷲ ގަންދީ." އަދުރޭ ވިދާޅުވިއެވެ.
އަދުރޭ ވިދާޅުވީ މިއަދު ފަނޑިޔާރުން ދެއްކެވި ވާހަކަފުޅުން ރައީސް ޔާމީނުގެ މައްސަލައަށް ނުފޫޒު ފޯރުވައިފައިވާ މިންވަރު ހާމަވެގެންދާކަ މަށެވެ.
"އެހެންވީމަ އަޅުގަނޑު މިރޭ ހަމަ ސަރުކާރަށް ގޮވާލަން. މިހާރުން މިހާރަށް މިމައްސަލަ ތަހްގީގު ކޮށްދެއްވާށޭ. ތަހްގީގް ކުރެވެންދެން ވެސް އެ ތިން ފަނޑިޔާރުން މިހާރު ވެސް ސަސްޕެންޑް ކޮށްދެއްވާށޭ. އެއީ މި ސަރުކާރުން ވަރަށް ފަސޭހައިން ކުރައްވާ ކަމެއް." މިރޭގެ ނޫސްވެރިންގެ ބައްދަލުވުމުގައި އަދުރޭ ވިދާޅުވިއެވެ.
ކުރީގެ ރައީސް ޔާމީންގެ ޝަރީއަތަށް ސަރުކާރުން ނުފޫޒު ފޯރުވާކަމަށާއި މިގޮތުން ރައީސް އޮފީހުގެ ޗީފް އޮފް ސްޓާފް އަލީ ޒާހިރު ކޯޓުތަކުގައި ހިންގާ ޝަރީއަތްތަކަށް ނުފޫޒު ފޯރުވާކަމަށް ކްރިމިނަލް ކޯޓުގެ ކުރީގެ ގާޒީ ހަސަން ނަޖީބް ވަނީ ވިދާޅުވެފައެވެ. ޔާމީންގެ ޝަރީއަތް އެންމެ ފުރަތަމަ ބެއްލެވީ ގާޒީ އަލްއުސްތާޒު އަހުމަދު ހައިލަމް ކަމަށާއި އަލީ ޒާހިރު ހައިލަމް ފޯނަށް ގުޅައިގެން ވާހަކަ ދެއްކެވިއިރު ސްޕީކަރަށް ލައިގެން ވާހަކަ ދެއްކި ކަމަށް ފަނޑިޔާރު ނަޖީބު ވިދާޅުވިއެވެ. އަދި ރާއްޖޭގެ ސްޕްރީމްކޯޓުން ހައިލަމަށް ޖާގަ ކަށަވަރުވެފައިވާ ކަމަށް އަލީ ޒާހިރު ހައިލަމް ގާތުގައި ބުނެފައިވާކަމަށް ފަނޑިޔާރު ނަޖީބު ވިދާޅުވިއެވެ.
ކަލޯ އަދުރޭ މަށާއެކީ މަގުފުޅަ ޓީނު ގަޑަކާ ހުނިގޮޑިޔެއްވެސް ޖަލަށް ލާން ހުކުމްކޮށްދޭތި އިގޭ.
ޔާމީނު ކާލިވަރުގެ ލާރިގަނޑެއް ޕީޕީ އެމްގެ ވަގުންތައްވެސް ކާލިހާ އަވަހަކަށް ޖަލައް ލާން ތައްޔާރަށް މިތިބީ! އަދުރޭ ކޮބާ ފުރާޅުގަ ޓިނު އެބަހުރިތޯ!