18އަހަރުން ދަށުގެ ކުއްޖަކު ބަލިވެއިން މައްސަލައެއް ފެންމަތިވެއްޖެ!
އުމުރުން 18 އަހަރު ނުފުރޭ ކުއްޖަކު ބަލިވެއިން މައްސަލައެއް ފެންމަތިވެ، ޖެންޑާ މިނިސްޓްރީން އެ މައްސަލަ ބަލަން ފަށައިފިއެވެ.
ޖެންޑާއިން މިއަދު ނެރުނު ބަޔާނެއްގައި ވިދާޅުވެފައި ވަނީ، މާލެ ސަރަހައްދުގައި ދިރިއުޅޭ އުމުރުން 18 އަހަރު ނުފުރޭ ކުއްޖަކު ބަލިވެއިން މައްސަލައެއް އިއްޔެ ހަވީރު އެ މިނިސްޓްރީގެ ޗައިލްޑް އެންޑް ޕްރޮޓެކްޝަން ސާވިސްއަށް ހުށަހެޅިފައިވާ ކަމަށެވެ.
މި މައްސަލައިގައި ދެން ވެސް ޝާމިލު ވެފައި ވަނީ 18އަހަރު ނުފުރޭ ކުޑަ ކުއްޖެއް ކަމަށާއި އެހެންކަމުން އެ ދެ ކުދިންގެ ރައްކާތެރިކަން ކަށަވަރުކޮށް، އިތުރަށް ބަލަންޖެހޭ ބެލުންތައް އެ ސާވިސްއިން ދަނީ ޚާއްސަ ސަމާލުކަމެއް ދީގެން ބަލަމުން ކަމަށް ވެސް ޖެންޑާއިން ވިދާޅުވެފައިވެއެވެ.
ޖެންޑާއިން އިތުރަށް ވިދާޅުވީ، މިކަމުގައި ޝާމިލުވާ ދެ ކުދިންގެ ވެސް ރައްކާތެރިކަން ކަށަވަރު ކުރުމަށް ޓަކައި ދިވެހި ފުލުހުންގެ ހިދުމަތާ ގުޅިގެން މަސައްކަތްކޮށް އަޅަން ޖެހޭ ފިޔަވަޅުތައް އަޅައިފައިވާނެ ކަމަށެެވެ.
މީގެ އިތުރުން މި ހާދިސާގެ ސަބަބުން ކުދިންގެ އާއިލާއަށް ބޭނުންވާ ނަފްސާނީ އަދި އިޖުތިމާއީ އެހީތެރިކަން ފޯރުކޮށްދިނުމަށްޓަކައި ވެސް އެ ސާވިސްގެ އިޖްތިމާއީ ހިދުމަތްތެރިން މަސައްކަތް ކުރަމުންދާ ކަމަށެވެ.
ކުޑަ ކުދިންބަނޑު ބޮޑު ވޭތަ