"ހޯސްލާ ރަކް"ގެ ޕްރޮޑިއުސަރު ޝެހެނާޒްގެ އިންތިޒާރުގައި!
އެކްޓަރް ސިދާތު ޝުކްލާގެ ކުއްލި މަރާއެކު ލިބުނު ޝޮކު ހުރި އޭނާގެ ލޯބިވެރިޔާ ޝެހެނާޒް ގިލް އަލުން ޝޫޓިންއަށް ނުކުންނާނެ ދުވަހެއް ނޭނގޭތީ މަސައްކަތް ފަށައިފައިވާ ފިލްމް "ހޯސްލާ ރަކް"ގެ ޕްރޮޑިއުސަރު އޭނާގެ އިންތިޒާރުގައި ހުރިކަމަށް ބޮލީވުޑްގެ ޚަބަރުތައް ބުނެފިއެވެ.
މި މަހުގެ ދެވަނަ ދުވަހު ހާޓް އެޓޭކެއް ޖެހިގެން ސިދާތު މަރުވިއިރު އޭނާގެ ފަހުވަގުތުކޮޅު ވެސް ހޭދަ ކޮށްފައި ވަނީ ޝެހެނާޒްއާ އެކުގައި ކަމަށް މީޑިޔާތަކުގައި ވަނީ ރިޕޯޓްކޮށްފައެވެ.
"ހޯސްލާ ރަކް"ގައި ޝެހެނާޒްއާ އެކު ފެނިގެންދާނީ ދިލްޖީތު ދޯސާންޖްއާ އެކުއެވެ. އަދި މިފިލްމްގެ ޝޫޓިންއަށް މިދެމީހުން ބޭރުގެ ގައުމުތަކަށް މީގެ ކުރިން ވެސް ގޮސްފައިވެއެވެ. އެހެން ނަމަވެސް މިމަހުގެ 15 ވަނަ ދުވަހު ޝޫޓްކުރަން އޮތް އެފިލްމްގެ ޕްރޮމޯޝަނަލް ވީޑިޔޯ އަދިވެސް ޝޫޓް ނުކުރެވި ލަސްވެފައި ވަނީ ސިދާތުގެ ކުއްލި މަރާ އެކު ޝެހެނާޒްއަށް ލިބިފައިވާ ކުއްލި ޝޮކުގެ ސަބަބުންނެވެ.
"އަހަރުމެން މި އިންތިޒާރުކުރަނީ އޭނާއަށް ލިބިފައިވާ ހިތާމަތަކުން އަރައިގަންނާނެ ވަގުތަކަށް. މިމަހުގެ 15 ވަނަ ދުވަހު ލަންޑަނުގައި ޝޫޓްކުރަން ހަމަޖެހުނު ޝޫޓްް ދެން ދިމާވި ކަމަކުން ލަސްވީ. އެހެން ނަމަވެސް އަހަރުމެން މި އުއްމީދު ކުރަނީ ވީ އެންމެ އަވަހަކަށް ތާރީހެއް ކަނޑައެޅުމަށް އަދި ޝެހެނާޒް ވެސް ހިމަނައިގެން މިކަން ކުރުމަށް އޭނާގެ މެނޭޖަރާ ވާހަކަ ދައްކަމުން މިދަނީ އުއްމީދަކީ ވަރަށް އަވަހަށް ޝެހެނާޒް އަހަރުމެންނާ ގުޅުން" ޕްރޮޑިއުސަރ ދިލްޖީތު ތިންޑް ބުންޏެވެ.
ސިދާތު ޝުކްލާގެ މަރާ އެކު ލިބުނު ހިތާމަތަކުން ޝެހެނާޒްއަށް އަދިވެސް އަރައިގަނެވިފައިނުވާއިރު ސިދާތުގެ މަރަށްފަހު މިހާތަނަށް ވެސް އޭނާ އާއްމުތަނަކުން ފެނިފައެއް ނުވެއެވެ.
