ޕީޕީއެމްގެ އިންތިޚާބުތަކުގައި ވާދަ ނުކުރެވޭ ގޮތަށް ނަހުލާ ސަސްޕެންޑުކޮށްފި
ޕީޕީއެމްގެ އެތެރޭގެ އިންތިޚާބުތަކުގައި ވާދަނުކުރެވޭ ގޮތަށާއި ޕީޕީއެމްގެ ޖަލްސާތަކުގައި ވާހަކަނުދެއްކޭ ގޮތަށް، މާލޭ ސިޓީ ކައުންސިލްގެ ޕީޕީއެމް މެމްބަރު ނަހުލާ އަލީ ސަސްޕެންޑު ކޮށްފިއެވެ.
ނަހުލާ ސަސްޕެންޑު ކޮށްފައި ވަނީ 2024ގެ ނިޔަލަށެވެ.
އޮންލައިން ނޫހަކަށް މައުލޫމާތު ދެއްވަމުން ޕީއެންސީގެ ރައީސް އަދި އިދިކޮޅު ކޯލިޝަން ހިންގުމާ މިވަގުތު ހަވާލުވެ ހުންނެވި ޢަބްދުއްރަހީމް ޢަބްދުﷲ (އަދުރޭ) ވިދާޅުވީ ނަހުލާ ވަނީ ޕާޓީގެ އަސާސީ ގަވާއިދުތަކާ ހިލާފުވެފައި ކަމަށާއި އެހެންކަމުން ސަސްޕެންޑު ކޮށްފައި ކަމަށެވެ. ނަމަވެސް ނަހުލާ ޚިލާފުވީ ކޮން ކަމަކާ ކަމެއް އެ ނޫހުން ބުނެފައެއް ނުވެއެވެ.
"ޕީޕީއެމްއަކީ ޑިމޮކްރެސީގެ ހަމަތަކަށް ލޯބިކުރާ ޕާޓީއެއް. ޕާޓީގެ ގަވާއިދުތަކާ ޚިލާފުވާ މީހުންނަށް ފިޔަވަޅު އަޅަން ފަސް ނުޖެހޭނަން،" އަދުރޭ ވިދާޅުވިއެވެ.
ޕީޕީއެމްގެ އިންތިޚާބުތަކުގައި ވާދަ ނުކުރެވޭ ގޮތަށް ނަހުލާ ސަސްޕެންޑު ކޮށްފައިވާ ކަމަށް އަދުރޭ ވިދާޅުވި ނަމަވެސް، ނަހުލާ ވިދާޅުވީ އޭނާއާ މެދު އެއްވެސް ފިޔަވަޅެއް އަޅާފައި ނުވާ ކަމަށެވެ.
