ދިވެހިން މާ މުއްސަދި ވެއްޖެ، އާސަންދަ ކަނޑާލާ: ޖާބިރު
މަޖިލީހުގެ ރައީސް، ރައީސް މުޙައްމަދު ނަޝީދުގެ ވެރިކަމުގައި ރާއްޖެއަށް ތައާރަފް ކުރެވުނު އާސަންދައިގެ ސަބަބުން ދިވެހިން މާ ބޮޑަށް މުއްސަދި ވެއްޖެ ކަމަށާއި މިކަމުގެ ސަބަބުން ދިވެހިން މަސައްކަތް ކުރަން ބޭނުންނުވާ ކަމަށް ބުނެ އާސަންދަ ކަނޑާލަން، މަޖިލީހުގެ ކާށިދޫ ދާއިރާގެ މެންބަރު އަބްދުﷲ ޖާބިރު މަޖިލީހުގައި ގޮވަައިލައްވައިފިއެވެ.
ދިވެއްސަކު ނިވާފައްގަނޑަކަށް ވެގެން ހުރެ، ބިދޭސީއަކަށް މަންފާވާނެ ގޮތަށް ކުރަމުންދާ ވިޔަފާރި ހުއްޓުވުމަށް، ސަރުކާރުގެ ފަތުން، ކުރެންދޫ ދާއިރާގެ މެންބަރު ޢަބްދުލްޣަނީ ޢަބްދުލްޙަކީމް ހުށަހަޅުއްވައިފައިވާ، ޤާނޫނު ނަންބަރު 2014/19 (އަމިއްލަ ފަރުދުންގެ ވިޔަފާރި)އަށް އިޞްލާޙު ގެނައުމުގެ ބިލަށް ބަހުސް ކުރައްވަމުން ޖާބިރު ވިދާޅުވީ މިއަދު ރާއްޖޭގައި ކުރަމުންދާ ހުރިހާ މަސައްކަތެއް ކުރަމުން އަންނަނީ ބިދޭސީން ކަމަށެވެ. އަދި މަސައްކަތް ކުރާ ފަރާތްތަކަށް އެކަން ކުރެވޭނެ މަގު އޮންނަން ޖެހޭ ކަމަށް ވިދާޅުވެ، ބަނގްލަދޭޝްއިން ރާއްޖެ އަންނަ ފަރާތްތަކަށް ރާއްޖޭގައި ވިޔަފާރި ކުރުމުގެ ހުއްދަ ދޭން ޖެހޭ ކަމަށް ޖާބިރު ވިދާޅުވިއެވެ.
ޖާބިރު ވިދާޅުވީ، މިއަދު ދިވެހިން މާ މުއްސަދި ވެއްޖެ ކަމަށާއި އޭގެ އެއް ސަބަބަކީ ހިލޭ ބޭސްފަރުވާ ލިބިދޭ ނިޒާމު އާސަންދަ ކަމަށެވެ. އަދި ދިވެހިން މަސައްކަތަށް ނިކުންނާނީ އެފަދަ ނިޒާމުތައް ކަނޑައިލައިގެން ކަމަށް ވެސް ޖާބިރު ވިދާޅުވިއެވެ.
"ބަންގާޅާއިންނޭ މިހާރު ރާއްޖޭގައި މަސައްކަތް ކުރަނީ، ދިވެހި ރާއްޖޭގައި ބަންގާޅަގޮތުގައި ގެނައި ލޭބަރުންނާއި ޤަވާއިދެއް ހަދާ ލައިސެންސް ދޭން ބަހައްޓައިފައި، ދިވެހިން ޖުއްބާ ލައިގެން ގުޑުގުޑާ ބޯން ބީޗްގައި. ދިވެހިން މިހާރު މާ މުއްސަދިވީއޭ. އާސަންދަ ހިލޭ ދޭތީ، އެއީއޭ އެމްޑީޕީއިން ކުރި ޣައިރު ދުސްތޫރީކަމަކީ. އާސަންދަ ކަނޑާލާށޭ، ދިވެހިން މަސައްކަތަށް ނިކުންނާށޭ." ޖާބިރު ވިދާޅުވިއެވެ.
ޖާބިރުގެ ވާހަކަފުޅުގައި އިތުރަށް ވިދާޅުވީ، ރާއްޖޭގައި ވިޔަފާރިއެއް ކުރުމުގެ ފުރުސަތު ނޯންނަ ކަމަށެވެ. އަދި ބޭރުގެ ބައެއް މުއްސަދިންގެ ނަން ވިދާޅުވަމުން ވިދާޅުވީ، އެ ބޭފުޅުން މުއްސަދިވީ ވައިޓް ހައުސްއަށް ވަދެގެނެއް ނޫން ކަމަށެވެ. އެހެން ނަމަވެސް ރާއްޖޭގައި މުއްސަދިވާން ބޭނުން ނަމަ މަޖިލީހަށް ނޫނީ ސަރުކާރުގެ ކެބިނެޓަށް ވަންނަން ޖެހޭ ކަމަށް ވިދާޅުވިއެވެ.
"ވިޔަފާރިއެއް ރާއްޖޭގައި ކުރެވޭކަށް ނެތެއް ނޫންތޯ. ދައުލަތުން ވިޔަފާރި ކުރަން ވެގެން، ވަޒީރު ކަމަށް އަންނަ މީހާ ދެ ދުވަހުން މުއްސަދިވާން އެބަ ޖެހޭ، ވިޔަފާރި ވެރިއަކަށްވާން ޖެހޭ. މި މަޖިލީހަށް އައިސްފައި އެބަ ބޭނުންވޭ ބީއެމްޑަބްލިއު ކާރު ފުރަތަމަ ދުވަހު ވޯޓް ވިއްކައިގެން ހޯދަން" ޖާބިރު ވިދާޅުވިއެވެ.
ޖާބިރަކީ ވަރަށްނުބައި ނުލަފާމީހެއް ޖާބިރަށް ހެޔޮވިސްނުން ދެއްވާށި އާމީން
ޖާބިރޫ ބަލަ ކަލޭވެސް ބޭސްފަރުވާ ކުރަނީ ތި އާސަންދައާއި ނޫސަންދައަކުން ނޫންތަ. ކަލޭ ރާއްޖެއިން ކުރާ ބޭސްފަރުވާ ހުއްޓާލާފަ ކަލޭ ނިކަމެތި ރައްޔިތުންނަށް ދޭންހުރި ދަރަނި އަދާކޮށްފަ އަނގަހުޅުވަބަލަ. މީހާގެ ލަދުހަޔާތް ކޮބާބާއޭ މަގޭ ހިތަށްއަރާ. މީދެން ކިހާބޮޑުވެއްޖެ މސބތެއް.
މަތިވެރިން ކަލޭގެ ނޮހޮރޮއްޕާން ބޮޑުވެގެން ޢެރަށުން ބޭލީ ގައުމުން ބޭރު ނުކުރަނީސް މައިތިރި ވޭ. ނޫނީ ރައްޔިތުން ނުކުމެ މުޒާހަރާ ކުރަންޖެހިދާނެ. ކާށިދޫ ރައްޔިތުންނަށް ދަރާފަ އޮތް ދަރަނި އަދާކޮށްބަލަ..
ޖާބިރު ބަގުރާ ބޮއޭ
ޖާބިރު އޮޔާލާ ކާށިދޫ ކަޑުން ބޭރުކޮށްލާ.