ރައީސް ޔާމީން ދައްކަވަންޖެހޭ ޖޫރިމަނާފައިސާ ނުދައްކަވާ މައްސަލައިގެ އަޑުއެހުންތައް އަންނަމަހު
މަނީ ލޯންޑްރިންގގެ ޢަމަލެއް ހިންގުމުގެ ކުށް ސާބިތުވާ ކަމަށް ކަނޑައަޅައި އެ ކުށުގެ ޢުޤޫބާތެއްގެ ގޮތުން ކުރީގެ ރައީސް، ޢަބްދުﷲ ޔާމީން ޢަބްދުލްޤައްޔޫމް 5 އަހަރު ދުވަހުގެ މުއްދަތަށް ޖަލަށް ލުމާއެކު، ޖޫރިމަނާގެ ގޮތުގައި ދައުލަތަށް ދައްކަން ކަނޑައެޅި 5,000,000 ޔޫއެސް ޑޮލަރު ދައްކާފައިނުވާތީ، އެޓާނީ ޖެނެރަލްގެ އޮފީހުން ސިވިލް ކޯޓަށް ހުށަހެޅި މައްސަލައިގެ އަޑުއެހުންތައް އަންނަ މަހު ފަށަން ތާވަލުކޮށްފިއެވެ.
އެޓާނީ ޖެނެރަލްގެ އޮފީހުން ނެރެފައިވާ ނޫސްބަޔާނެއްގައި ވިދާޅުވީ ރައީސް ޔާމީނަށް ކޮށްފައިވާ ހުކުމުގެ އެބައި ތަންފީޛުކުރުމަށް ދައުލަތުން ސިވިލް ކޯޓަށް ހުށަހަޅައިފައި ވަނީ 24 އޮގަސްޓް 2021ގައި ކަމަށެވެ. އަދި އެ މައްސަލަ ހުށަހެޅުމުން އެ ކޯޓުން އަންގަވައިފައި ވަނީ "ކޯޓުން އިސްނަގައިގެން ޙުކުމް ތަންފީޛު ކުރުމުގައި ޢަމަލުކުރާނެ ގޮތުގެ އުޞޫލު"ގެ ދަށުން ކްރިމިނަލް ކޯޓުގެ އެ ޙުކުމް ތަންފީޒުކުރުމުގެ މައްސަލަ ކުރިއަށް ގެންދާ ކަމަށްވެސް މި ނޫސްބަޔާނުގައި ވަނީ ވިދާޅުވެފައެވެ.
"އެގޮތުން އެ މައްސަލައިގެ ޙުކުމް ތަންފީޒުކުރުމުގެ ފުރަތަމަ އަޑުއެހުން 06 އޮކްޓޯބަރ 2021 ވަނަ ދުވަހުގެ 11:20 އަށް ތާވަލުކޮށްފައިވާކަން ސިވިލް ކޯޓުން މި އޮފީހަށް ވަނީ އަންގައިފައެވެ." އެޓާނީ ޖެނެރަލްގެ އޮފީހުގެ ނޫސްބަޔާނުގައި ވިދާޅުވެފައި ވެއެވެ.
ރައީސް ޔާމީނަށް ޖަލު ހުކުމެއް އިއްވައި 5 މިލިއަން ޑޮލަރުން ޖޫރިމަނާކުރަން ކްރިމިނަލް ކޯޓުން ހުކުމް ކުރީ 28 ނޮވެމްބަރު 2019ގައެވެ.
ފައިސަ ނުދައކައިފިއްޔާ އެހެންމީހުންނަށްވެސް ހަދާގޮތް ހަދާބަލަ. އަހަރެމެން ނުދެއްކީމާ އަހަރެމެންގެ މުޅި މުދަވެސް ނަގަންވީ. އެމީހަ ނުދައްކައިފިއްޔާ ހަމަ އެމީހަޔެ ކިޔާފަ ހަމަ އޯކޭ. ކިހާ ތާހިރު
ބަލަމިޤައުމުގައި ހުރި ހުރިހާކޯޓަކުން މައްސަލަބަލާ ނިމެންދެން ކެތްކޮށްލަބަލަ. އަދިނޭނގޭނުން ނިމޭގޮތެއް