ދިވެހިން މިފަހަރު އިހްތިޔާރު ކުރާނީ އެމީހުންގެ މައްސަލަތަކަށް ސީދާ ހައްލު ހޯދައިދޭނެ މީހެއް: އުމަރު
ކުރިއަށް އޮތް ރިޔާސީ އިންތިހާބުގައި ދިވެހިން މިފަހަރު އިހްތިޔާރު ކުރާނީ އެމީހުންގެ ހުރި މައްސަލަތަކަށް ސީދާ ހައްލު ހޯދައިދޭނެ މީހެއް ކަމަށް ކުރީގެ ހޯމް މިނިސްޓަރ އުމަރު ނަސީރު ވިދާޅުވެއްޖެއެވެ.
އުމަރު ނަސީރު މިހެން ވިދާޅުވެފައި ވަނީ އޮންލައިން ނޫސް "އަވަސް"އަށް އެ މަނިކުފާނު ދެއްވި އިންޓަވިއެއްގައެވެ. އެ އިންޓަވިއުގެ ކުޑަ ވީޑިއޯކޮޅެއް އުމަރު މިއަދު ވަނީ ޓްވިޓާގައި ހިއްސާ ކުރައްވައިފައެވެ. އެ ގޮތުން ކުރީގެ ހޯމް މިނިސްޓަރ ވިދާޅުވީ މިފަހަރު އިރާދަކުރެއްވިއްޔާ ދިވެހިން އިހްތިޔާރު ކުރާނީ އެމީހުންގެ މައްސަލަތަކަށް ސީދާ ހައްލު ހޯދައިދޭނެ މީހެއް ކަމަށެވެ.
"އެމީހުންނަށް ގޯތި ގެދޮރު ހޯދައިދޭނެ މީހެއް. ފްލެޓަށް ވައްދާ މީހާއެއް ނޫން. ފްލެޓަށް ވައްދަ ދީފާނެ ކޮންމެ މީހަކު ވެސް އައިސް. ދިވެހިން ޗޫޒް ކުރާނީ ސީދާ ބިން ކަނޑައިފައި އެމީހުންނަށް ދޭނެ މީހަކު" އުމަރު ނަސީރު ވިދާޅުވިއެވެ.
މީގެ އިތުރުން އުމަރު އިތުރަށް ވިދާޅުވީ ދިވެހިން ހޯދަނީ މަސްތުވާތަކެތީގެ ސަޕްލައި ލައިން ފުނޑުފުނޑު ކޮށްލާނެ މީހެއް ކަމަށެވެ.
"އެއީ ބަޑި ޖަހަން ޖެހިއްޖިއްޔާ ބަޑި ޖަހައިގެން ވިޔަސް، ސަޕްލައި ހުއްޓުވައިލާނެ މީހެއް" އުމަރު ވިދާޅުވިއެވެ.
ދާދި ފަހުން ދިން އިންޓަވިއުއެއްގައި އުމަރު ނަސީރު ވަނީ، ކުރިއަށް އޮތް 2023 ވަަނަ އަހަރުގެ ރިޔާސީ އިންތިހާބުގައި ވާދަކުރަން ނިންމެވި ނިންމުން ބަދަލު ނުކުރައްވާނެ ކަމަށާއި ވާދަ ކުރައްވާނީ މިނިވަން ކެނޑިޑޭޓެއްގެ ގޮތުގައި ކަމަށް ވެސް ވިދާޅުވެފައެވެ.
އުމަރާ މަމީ ކުރިން ތި އުމަރަށް ތާއިދު ކުރި މީހެއް ، ޔާމީން ދައުރުގައި މިނިސްޓާރ ކަން ބޮލާލާޖަހާ މަގުމައްޗަށް ނިކުތީމަ އެނގިއްޖެ ތީ ތާކުންތާކުނުޖެހޭ ފިޑިއެއްކަން ، ވެރިކަން ކުރެވޭވަރު މީހަކަށް ނުވިކަން އެނގޭ މިހާރު . ފިލާއޮވޭ ގޭގަ