މިސްކިތަށް ކުޑަކަމުދާ މީހާގެ ނަފްސާނީ މައްސަލައެއް ނެތް: ޖެންޑާ
މިސްކިތަށް ތަކުރާރުކޮށް ކުޑަކަމު ގޮސް ޚަތިމަކަށް ކުޅު ޖެހި މީހާގެ ނަފްސާނީ އެއްވެސް މައްސަލައެއް ނެތް ކަމަށް މިނިސްޓްރީ އޮފް ޖެންޑަރ ފެމިލީ އެންޑް ސޯޝަލް ސާވިސްއިން ވިދާޅުވެއްޖެއެވެ.
ޖެންޑާ މިނިސްޓްރީން ވިދާޅުވި ގޮތުގައި އެ މިނިސްޓްރީން އެ މައްސަލަ އިތުރަށް ބަލައި އޭނާގެ އަމަލުތައް ގާތުން މޮނިޓަރ ކުރި ނަމަވެސް އޭނާއަކީ އެއްވެސް ކަހަލަ ނަފްސާނީ ބަލި ކަމަކާ ކުރިމަތިލަމުންދާ ފަރާތެއް ނޫން ކަމަށެވެ.
މީގެ ކުރިން އިސްލާމީ މަރުކަޒާއި ހުކުރު މިސްކިތް އަދި ރައީސް އޮފީސް ކުރިމައްޗަށް ކުޑަކަމު ދިޔުމުން ވެސް ދޫކޮށްލައިފައިވާ ހަސަން ޒިޔާދު، އިއްޔެ މިސްކިތެއް ތެރެއަށް ވަދެ ޚަތިމަކަށް ކުޅު ޖެހުމުން ދީނީ އިލްމުވެރިންނާއި އާންމުންގެ ގިނަ ބަޔަކު އަންނަނީ އޭނާއާ މެދު ފިޔަވަޅު އެޅުމަށް ގޮވައިލައި، ފުލުހުންނާއި ސަރުކާރަށް ވަރަށް ބޮޑަށް ފާޑު ކިޔަމުންނެވެ.
40 އަހަރުގެ މި މީހާގެ މައްސަލަ މިހާރު މޯލްޑިވްސް ޕޮލިސް ސާވިސްއިންނާއި، ނޭޝަނަލް ޑްރަގް އޭޖެންސީއަށް ފޮނުއްވައިފައިވާ ކަމަށް ޖެންޑާ މިނިސްޓްރީއިން ވަނީ ވިދާޅުވެފައެވެ.
ނަފްސާނީ މައްސަލަ ހުރީ އިބޫގެ ސަރުކާއި މޯދީގެ ސަރުކާރުގައި
ކޮންމެވެސް ނުކުޅެދުމެއް ހުރެފާނެ ތޯއްޗެއް އަދިވެސް ޓްސްޓު ހަދާބަލަ އުންޞުރުގަ ގްރާމެއް ވެސް ހުރިތޯ ބަލަން