އަންނަ ނޮވެމްބަރު މަހު ، ނިޒާމީ ވޯޓެއް ނަގަން ސިޔާސީ ޕާޓީތަކުން އެއްބަސް: ރައީސް ނަޝީދު
ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ފުރޮޅާލުމާ މެދު ގޮތެއް ނިންމަން އަންނަ ނޮވެމްބަރު މަހު ވޯޓެއް ނަގަން ސިޔާސީ ޕާޓީތަކުން އެއްބަސްވެއްޖެ ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ މިހާރުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
އެމްޑީޕީގެ ޤައުމީ މަޖިލީހުގެ ވަޓްސްއެޕް ގްރޫޕަށް ފޮނުއްވި މެސެޖެއްގައި ރައީސް ނަޝީދު ވިދާޅުވީ، ބަރުލަމާނީ ނިޒާމެއް ގެނައުމާ މެދު ފެންނަ ނުފެންނަ ވޯޓެއް ނަގާނީ އަންނަ އަހަރުގެ ނޮވެމްބަރުގައި ކަމަށާއި އެކަމަކު ނިޒާމަށް ވެރިކަން ބަދަލުކުރާނީ ރިޔާސީ އިންތިހާބު އޮންނަ 2023 ވަނަ އަހަރުގައި ކަމަށެވެ.
މިއީ ސިޔާސީ ޕާޓީތަކުން ވެސް އެއްބަސްވާ ވިސްނުމެއް ކަަމަށް ރައީސް ނަޝީދު ވިދާޅުވިޔަސް، މިކަމާ ގުޅޭ ގޮތުން އެއްވެސް ޕާޓީއަކުން މިހާ ތަފްސީލްކޮށް ވާހަކަ ދެކެވުނު ކަމަކަށް އާއްމުކޮށްފައެއް ނުވެއެވެ.
ރައީސް ނަޝީދު ވިދާޅުވީ 2023ގައި ބަރުލަމާނީ ނިޒާމުގެ މަސައްކަތް ފަށަން ބޭނުންފުޅުވާ އެއް ސަބަބަކީ ރިޔާސީ އިންތިހާބުގައި ރައީސް އިބްރާހިމް މުހައްމަދު ޞާލިޙާ ވާދަކުރައްވަން ބޭނުން ނުވުން ކަމަށެވެ.
"ބޭފުޅުން ވިސްނަވާ. ރައީސުލްޖުމްހޫރިއްޔާއާއި އަޅުގަނޑާ ވާދަކުރާ ޕްރައިމަރީއެއް ނުވަތަ އިންތިހާބަކަށް ވުރެން މި ގޮތް ރަނގަޅުވާނެ ކަމަށް ފެންނަނީ. މިކަމުގައި ގައުމީ މަޖިލީސް ބައިބައި ނުވުން ވަރަށް އެދެން. ފުންކޮށް ވިސްނާލީމަ މިއީ ޕާޓީއަށާއި ރާއްޖެއަށް އެންމެ ރަނގަޅު ގޮތް ކަމަށް ފެނޭ" ނަޝީދުގެ މެސެޖުގައި ވިދާޅުވެފައިވެއެވެ.
ރައީސް ނަޝީދު ބޭނުންފުޅު ވަނީ ރާއްޖޭގެ ވެރިކަން ބަރުލަމާނީ ނިޒާމަކަށް ބަދަލުކޮށް، ބޮޑު ވަޒީރަކަށް ވެވަޑައިގަތުމަށް ކަމަށް މީގެ ކުރިން ވަނީ ވިދާޅުވެފައެވެ.
ޕާޓީ އަށާއި ގައުމަށް އެންމެ ފައިދާ ބޮޑީ ރައީސްގެ ފަހަތަށް ނަޝީދުޖެހި އެމްޑީޕީއަށް 2023 ކާމިޔާބު ކުރުމަށް މަސައްކަތް ކުރުން. އަމިއްލަ އެދުންތައް ފަހަތައް ޖެއްސައި ޕާޓީއަށް ކާމިޔާބު ހޯދަން މަސައްކަތް ކުރުން.
މިކަލޭގެ ބޭނުންހާގޮތެއް ހަދާކަށްނުޖެހޭ. ނުވެސްހެދޭނެ. ކިތަންމެ ބޫތުކައިފަ ހުއްޓަސް ދެނެއް މީނައަކަށް ވެރިކަމަކަށް ނާދެވޭނެ. ހުރިހާބާރެއް ލިބުނީމަ ޤައުމަށް ކަމެއް ކޮށްދިނުމުގެ ބަދަލުގައި މި ދުވަނީ ވެރިކަމާއިގެން. މީ ބޮޑުވަރު.
ވެރިކަމުގެ ވައްތަރު ބަދަލުނުކޮށްގެނެއް ނޫން ހެޔޮވެރިކަން މި ނުކުރެވެނީ ، ނަމަވެސް އިހްލާސްތެރި ވެރިޔެއް ނެތިގެން، ވެރިކަމަށް އައުމުގެ ކުރިން ގޮވީ ” މައުމޫނުގެ އާއިލީ ވެރިކަމޭ ” އެހެނަސް މިހާރު އޮތީހަމަ އެބުނާ އާއިލީ ވެރިކަން. ދެންބުނީ އޮތީ ހުސް ކޮރަޕްޝް އޭ ނަމަވެސް މި ދިޔަސަރުކާރު ތަކަށް ވުރެން ބޮޑައް މިހާރު ކައިފި، ޕާޓީގެ އަގުލަބިއްޔަތު އޮތީ އެހެންނަމަވެސް ހެޔޮވެރިކަމެއް ނުކުރެވޭ ، ދެން ކޮން ނިޒާމެއް ތޯ ބަދަލުކުރާންވީ ، މީ ދިވެހިން ވަރައް ވިސްނާން ވެއްޖެކަމެއް !!
ކުޑަކުއްޖެއް ހެންބޮޑާހާކަނީ.ގޮތްދޫކޮށްގެން މަޑުން ހުރީމަ ނިމުނީ އިބުރާހީމެއް ނޫޅޭ ކުރިިަތިލާކަށް އިބުރާހިމްގެ ނެތެއްނު ވެރިކަމަށް ދެވަނަ ފަހަރަށް ލާނެހާ ޤާބިލް ކަމެއް އެމްޑީޕީއަކީ އަދިވެސް ރައީސް ނަޝީދު
ީތީކޮންވައްތަރެއް ޖައްސާކަށް ރައީސް ނަޝީދޫ ކެތްތެރިވެބަލަ ﷲވޮޑިގެން ވަނީ ކެތްތެރިންނާ އެކު