ފަރުވާ ހޯދަމުން ދިޔަ "ވާނުވާގައި"ހުރި ގައިދީއެއް މަރުވެއްޖެ

ޝަރީއަތް ނިމެންދެން ބަންދުކޮށްފައި ހުރި ބިދޭސީއަކަށް ފަރުވާދެނިކޮށް އޭނާ މަރުވެއްޖެއެވެ.

Ads by MWSC

މޯލްޑިވްސް ކަރެކްޝަނަލް ސާވިސްއިން ވިދާޅުވީ މަރުވެފައި ވަނީ ބަނގްލަދޭޝަށް ނިސްބަތްވާ އުމުރުން 50 އަހަރުގެ އެމްޑީ އަކްތަރު ހޮސެއިން ނަމަކަށް ކިޔާ މީހެއް ކަމަށެވެ.

އޭނާ މަރުވީ ގޮޅީތެރޭ ތާސްކުޅެން އިންދާ މެއަށް ތަދެއް އަރައި، ނޭވާލުމަށް އުނދަގޫތަކެއް ހުރުމުން އެމަޖެންސީ ހާލަތުގައި އައިޖީއެމްއެޗަށް ގެންގޮސް ފަރުވާ ދެނިކޮށް ކަމަށް ވެސް ކަރެންޝަނުން ވިދާޅުވިއެވެ.

އޭނާ މަރުވެފައި ވަނީ ހާޓް އެޓޭކެއް ޖެހުމުގެ ސަބަބުންކަމަށް ހޮސްޕިޓަލުން މައުލޫމާތު ދީފައިވާ ކަމަށާއި އޭނާއަކީ މީހަކު މެރުމުގެ ކުށުގައި ޝަރީއަތް ނިމެންދެން މާލެ ޖަލުގައި ބަންދުކޮށްފައި ހުރި މީހެއް ކަމަށް ވެސް ކަރެކްޝަނުން ވިދާޅުވިއެވެ.