އަމިއްލައަށް ނިންމޭ ނިންމުމެއް ނަމަ ހިޔާ ފުލެޓްތައް ތަޅައިލާނަން: އަސްލަމް
ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފުލެޓްތަކުގެ މަޝްރޫއުއަކީ ގޯސް ޕްލޭނެއް ކަމަށާއި އެ ފުލެޓްތައް ތަޅައިލާން ވެސް ވިސްނިކަމަށް ހައުސިންގ އެންޑް ޕްލޭނިންގް މިނިސްޓަރު މުހައްމަދު އަސްލަމް ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ނައިފަރު ދާއިރާގެ މެމްބަރު އަހުމަދު ޝިޔާމް ކުރެއްވި ސުވާލަކަށް ޖަވާބު ދެއްވަމުން މިނިސްޓަރ ވިދާޅުވީ 7 ހާސް ފުލެޓް އަޅަން 25 ބުރީގެ އިމާރާތްތަކެއް ޖެހިޖެހިގެން އެޅި އެޅުން އެއީ ހަމަ ގޯސް ޕްލޭނިންއެއް ކަމަށެވެ.
"7 ހާސް ފުލެޓް އަޅަން 25 ބުރީގެ އިމާރާތްތަކެއް ޖެހިޖެހިގެން ފުރަތަމަ އެޅި އެޅުން އެއީ ހަމަ ގޯސް ޕްލޭނިންއެއް. އައްޑޫ ސިޓީގެ އާބާދީއަށް ވުރެ ބޮޑު އާބާދީއެއް ކުޑަކުޑަ ތަންކޮޅަކަށް ޖަމާކޮށްފައި ބާއްވަން އެ ޕްލޭން ކުރި ކުރުން އެއީ ފުރަތަމަ ގޯސް ނިންމުމެއް. ސަރުކާރުން ކޮށްފައި އޮތް ކަމެއް އޭރުގައި އެނިންމުން އަޅުގަނޑުމެންނާ ހަމައަށް އައި އިރު އޮތީ މަސައްކަތް ފަށާފައި މަސައްކަތް ނުހުއްޓޭ ހިސާބަށް ކުރިއަށް ގެންގޮސްފައި.ވިސްނިން ތަޅައިލާން ވެސް. އަޅުގަނޑު އަމިއްލައަށް ނޫނީ އެކަނި ނިންމާ ނިންމުމެއް ނަމަ ތަޅާލީމުސް." މިނިސްޓަރު ވިދާޅުވިއެވެ.
އަސްލަމް ވިދާޅުވީ ހިޔާފުލެޓްތަކުގައި ކުށް ކުރުމުގެ މައްސަލަތައް އިތުރުވެފައިވާއިރު އެކަންކަން އެހެން ހިނގާނެ ކަމުގެ ވާހަކަ ކުރިންވެސް ދެންނެވިކަމަށާއި އެހެން ނަމަވެސް އެވާހަކަ އަޑު ނޭހި ކަމަށެވެ.
"އޭރު ވެސް ދެންނެވިން މިހަދަނީ ކޮތަރު ކޮއްޓެކޭ. އެވާހަކަ ދައްކަން ފެށީމައި އަޅުގަނޑާ ދިމާލަށް ހެއްދެވި ނުހެއްދެވިއަށް ގޮވި. ތިޔަ ހެވޭ ކޮތަރު ކޮއްޓަކަށް ވިޔަސް ތިމަންނަމެންނަށް ދޭށޭ ތިތަން. މިހާރު އެހުރީ ދީފައި ނިންމައިފައި. ދިނީމައި ދިމާވާ މައްސަލައިގެ ވަހަކަ ތި ދައްކަވަނީ. އެހާ ކުޑަ ތަންކޮޅަކަށް އެހާ ގިނަ މީހުން އެއްކޮށްލީމައި ދިމާވާނެ ކަންކަމުގެ ވާހަކަ ތި ދައްކަވަނީ. ސަރުކާރުން ބަލަހައްޓާނެ ދެން. އަންނަން އޮތް ހުރިހާ ސަރުކާރަކުން ވެސް އެކަން ބަލަހައްޓާނެ. ދެން ޖެހޭނީ ބަލަހައްޓަން ފުލުހުން ވެސް އެތާ ތެރެއަށް ވަދެ. ކަންކަން ހުއްޓުވަން އެނޫން ގޮތެއް އެތާކުއެއް ނުހެދޭނެ. " އަސްލަމް ވިދާޅުވިއެވެ.
ހިޔާ ފުލެޓްތަކުގައި މީހުން އާބާދުވާން ފަށައިފައިވާ އިރު އެސަރަހައްދުން އިޖްތިމާއީ ގިނަ މައްސަލަތަކެއް ކޮންމެ ދުވަހަކު ފެންމަތިވަމުން ދާއިރު އެކަންކަމަށް ސަރުކާރުން އެކަށީގެންވާ ފިޔަވަޅެއް ނާޅާކަމަށް ބުނެ ގިނަ ބަޔަކު ދަނީ ސަރުކާރަށް ފާޑުކިޔަމުންނެވެ.
އެތަން ތަޅައިލާކަށް ނުޖެހޭ އެ އީ ހަމަ ދެކޮޓަރީގެ ފްލެޓްސްތައް. 1 އަދި 3 ކޮޓަރީގެ ފްލެޓްސް ތައް ވެއްޖެ އޮޅުވައިލުމާ މަކަރު ހެދުން ނޫންކަމެއް ނެތެއްނު.
މީނާއަކީ ދަންނަ ނުދަންނަ ރޯނު އެދުރެއް
ލަދުޙަޔާތްކުޑަ ވަގެއް އަންނިގެ ވެރިކަމުގައި ބަޖެޓް ފުލުގޮހޮރަސް ދިރުވާލައިގެންހުރި ގައްދާރެއް
ޥަރަށް ތަންދޮރު ނުދަންނަ ދެބަނދިހަރެް މިއީ. މި އަސްލަމަށް ވަޒީރުކަން ދިން މީހުންނަކިވެސް އެފަދަ 2 ބޯބުރާންތި މީހުން. އަލަށް ކައިވެނި ކުރި މީހުނަށް ދިން 1 ކޮޓަރީގެ ފްލެޓް ފޭރިގަތުމަށްފަހު ކަލޭމެން ތިޔަ މަސައަކަތް ކުރަނީ ޕާރޓީ މީހުނަށް ދޭން. 3 ކޮޓަރި ފޭރިގަތުމަށް ފަހު ވިނަރެސް ފްލެޓް ކިޔާފައި ތިޔަ ދެނީ ކަލޭމެން ކުރި ކަމެއް ކަމަށް ހަދަން ވެގެން. މަކަރުވެރި ނުބައި ކަން ބޮޑު ސަރުކާރެއް. ޥިއްސަކަށް ތިރީހަކަށް ފަހަރު ތައްބައްލަކަ. މީދެން ކާކުތަ! ނަސީބެއްނުން ﷲ ގެ ކުޅަދުން ވަންތަކަމުން ބާރެއް ނުދެއްވިކަން. ނުބައިކަން ބޮޑުކަން ނިކަން ދެކިބަލަ. ޚަނޑު ފަޅުގައި ލެއްވި ނަމަ އިންސާނުންނަށް އޮޑި ދޯނި ފަހަރުވެސް ނުދުއްވޭނެ.