މާރިޔާ, ރައީސް ޔާމީނަށް: ކޮންމެ ކަމެއްގެ ހައްލަކީ ކުއްލި ނުރައްކާ އިއުލާންކޮށް ކަންކަން ކުރުންތޯ؟
ކުރީގެ ރައީސް އަބްދުﷲ ޔާމީން އަބްދުލްޤައްޔޫމްގެ ވެރިކަމުގައި ކޮންމެ ކަމެއްގެ ހައްލަކީ ކުއްލި ނުރައްކާ އިއުލާނު ކުރައްވައިގެން ކަންކަން ކުރެއްވުންތޯ، ޑިފެންސް މިނިސްޓަރ މާރިޔާ ދީދީގެ ސުވާލު ކުރައްވައިފިއެވެ.
އިދިކޮޅު ޕީޕީއެމްގެ ފަރާތުން ރޭ ކާނިވާ ސަރަހައްދުގައި ބޭއްވި ޖަލްސާއެއްގައި ރައީސް ޔާމީން ވިދާޅުވީ ސުޕްރީމް ކޯޓުގެ ހުކުމް އައީ މިރާއްޖޭގައި ނަސްލެއް ނައްތައިލާން މަސައްކަތް ކުރާތީ ނޫން ކަމަށާއި އެއްވެސް ގޮތަކަށް ބަޔަކަށް އަނިޔާ ކުރާތީކީ ވެސް ނޫން ކަމަށެވެ. އެހެން ނަމަވެސް، އަވައްޓެރި ބައެއް ގައުމުތަކުގައި އެހާލަތު އޮތީ އެގޮތަށްތޯއާއި އެގައުމުގައި މަރުވެގެން އެދަނީ ކިތައް މީހުންތޯ އަދި ފުރާނަ ގެއްލިގެން އެދަނީ ކޮން ނަސްލުތަކެއްގެ މީހުންތޯ ރައީސް ޔާމީން ސުވާލު އުފެއްދެވިއެވެ.
ރައީސް ޔާމީންގެ އެ ވާހަކަތަކާ ގުޅިގެން ޑިފެންސް މިނިސްޓަރ މިއަދު ކުރެއްވި ޓްވީޓުތަކެއްގައި ވިދާޅުވީ ސުޕްރީމް ކޯޓުގެ ފުރާޅުން ޓިނު ނެގި މައްސަލައިގައި ރައީސް ޔާމީނަށް އައު ވާހަކަތަކެއް ވިދާޅުނުވެވޭ ކަމަށެވެ. އަދި އަބަދުވެސް އެމަނިކުފާނު ވިދާޅުވަމުންދަނީ ކުއްލި ނުރައްކާ ހިންގެވި ވާހަކަ ކަމަށް ވިދާޅުވިއެވެ. އަދި ކޮންމެ ކަމެއްގައި އޮތް ހައްލަކީ ކުއްލި ނުރައްކާ އިއުލާންކޮށް ކަންކަން ކުރުންތޯ މިނިސްޓަރ މާރިޔާ ވަނީ ސުވާލު ކުރައްވައިފައެވެ.
"އަބަދުވެސް ރައީސް ޔާމީން ވިދާޅުވޭ ޤާނޫނުން ވާން ނެތީމާ ކުއްލި ނުރައްކާ ހިންގައިގެން ކުރީއޭ. އައު ވާހަކައެއް ނެތް! ސުވާލަކީ މީތޯ ޤާނޫނުގައި ކަންކަން އޮންނަ ގޮތަކީ؟" މިނިސްޓަރ މާރިޔާ ވިދާޅުވިއެވެ.
މާރިޔާ ވިދާޅުވީ ރައީސް ޔާމީންގެ މައްޗަށް ކްރިމިނަލް ކޯޓުން އިއްވައިފައިވާ ހުކުމް ސުޕްރީމް ކޯޓުން ބާތިލް ކުރި ނަމަވެސް ރައީސް ޔާމީން ކަން ކުރެއްވީ ރައީސަކަށް ހުންނަވައިގެން ކަން ކުރައްވަން ޖެހޭ ގޮތަކަށް ނޫންކަމަށް ހުކުމުގައި ވަރަށް ސާފުކޮށް ބުނެފައިވާ ކަމަށެވެ. އެހެންކަމުން މި ހާލަތުގައި ވެސް ސަރުކާރުން ކުއްލި ހާލަތު އިއުލާންކޮށް ރައީސް ޔާމީން ހައްޔަރު ކުރުމަކީ ޤާނޫނު ހުއްދަކުރާ ކަމެއްތޯ ޑިފެންސް މިނިސްޓަރ މާރިޔާ ވަނީ ސުވާލު ކުރައްވައިފައެވެ.
އެނޫން ގޮތެއް ނެތް. އަމުރު ނެރުނު ނަމަ …
ޚިތަންމެ ތުއި ވެފައިނަސް ތީ އިންެޑިޔާގެ ފިދަނައެއް މިގަުމަށް ގައްދާރު ފިދަނަްއެއް ލަދުކޮބާ
އިންޑިއާއަށް ގައުމު ވިއްކާލުން ދޯ ހުރިހާ ކަމެއްގެ ހައްލަކީ. މީނަ އަދި އަނގަވެސް ތަޅައޭ ލަދުހަޔާތް މަދުކަމުން.