"އިންޑިއާ އައުޓް" މުޒާހަރާ: ހަތަރު މީހަކު ހައްޔަރުކޮށްފި
ރާއްޖޭގައި ތިބި އިންޑިއާ ސިފައިން ބޭލުމަށް ގޮވައިލައި އިދިކޮޅު ޕްރޮފްރެސިވް ކޯލިޝަނުން ކުރިއަށް ގެންދާ "އިންޑިއާ އައުޓް" ކެމްޕޭނުގެ ދަށުން، ހުޅުމާލޭގައި މިއަދު ބޭއްވި މުޒާހަރާގެ ތެރެއިން ހަތަރު މީހަކު ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ އެމީހުން ހައްޔަރު ކުރަން ޖެހުނީ، ފުލުހުންގެ އަމުރަށް ނުކިޔަމަންތެރިވުމުގެ ސަބަބުން ކަމަށެވެ.
އިދިކޮޅުގެ ފަރާތުން މިއަދު ބޭއްވި މުޒާހަރާގެ ތެރެއިން މީހުން ހައްޔަރު ކޮށްގެން ގެންދާ މަންޒަރު ދައްކުވައިދޭ ފޮޓޯތަކެއް ވެސް މިހާރު މީސްމީޑިއާގައި ދަނީ ދައުރުވަމުންނެވެ. އެގޮތުން މުޒާހަރާގައި ބޭނުން ކުރި ސައިކަލެއް ވެސް ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.
އިންޑިއާ ސިފައިން ރާއްޖެއިން ބޭލުމަށް ގޮވައިލައި "އިންޑިއާ އައުޓް"ގެ ނަމުގައި ކުރިއަށްގެންދާ ކެމްޕޭނު، މާލެ ސަރަހައްދުގެ އިތުރުން ރަށްރަށުގައި ވެސް ދަނީ ކުރިއަށްގެންދަމުންނެވެ. އެގޮތުން ބައެއް ރަށްރަށުގައި މި ކެމްޕޭނު ކުރިއަށް ގެންދިޔުމުގައި އިދިކޮޅު ލީޑަރު އަދި ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމް ވެސް ބައިވެރިވެވަޑައިގެންފައިވެއެވެ.
އިންޑިއާއާ ދެކޮޅަށް އިދިކޮޅުން ހިންގާ މި ހަރަކާތްތަކާ ދެކޮޅަށް ސަރުކާރާއި ރައްޔިތުންގެ މަޖިލީހުގެ ބައެއް މެންބަރުން ވެސް ގެންދަވަނީ ވާހަކަ ދައްކަވަމުންނެވެ.
ޢެހެންވިއްޔާ ކަލޭމެން ދަރިންނަށް ކިޔަވައިދޭ ޓީޗަރުންތައްވެސް ފޮނުވާލާ. ނަރުހުންތައްވެސް ފޮނުވާލާ. ނުވިތާކަށް ހަޑޫ ފުށް އުފައްދަން ފަށާ.