ފިލްމީތަރި ސަލްމާންޚާންގެ ގައިގައި ހަރުފައެއް ދައިގެންފި
އުފަންދުވަހާ ދިމާކޮށް ސަލްމާން ޚާން އޭނާގެ ޕަންވެލް ފާމްހައުސްއަށް ގޮސް ހުއްޓާއި އޭނާގެ ގައިގައި ވިހަ ނޫން ހަރުފައެއް ދަތް އަޅައިފިއެވެ.
މި ހާދިސާ ހިނގައިފައި ވަނީ މިއަދުގެ ހެނދުނުގެ ވަގުތެއްގައެވެ. މި ހާދިސާ ހިނގުމުން ކަމޯތީގެ އެމްޖީއެމް ހޮސްޕިޓަލަށް ސަލްމާން ގެންގޮސް ފަރުވާދީފައި ވެއެވެ. ހަރުފަ ދަތްއަޅައިފައި ވަނީ ސަލްމާންގެ އަތުގައެވެ. އޭނާއަށް އެންޓި-ވެނޮމް ބޭހެއްދީ، އޮބްޒަވޭޝަންގައި ބޭއްވުމަށް ފަހު އޭނާގެ ހާލު ރަނގަޅުވުމުން ހެނދުނު 09:00ގައި ވަނީ ގެއަށް ފޮނުވައިފައެވެ.
އޭނާގެ ލަގްޒަރީ ޕަންވެލް ފާމްހައުސްގައި އުފަންދުވަސް ފާހަގަކުރުމަކީ މި އެކްޓަރުގެ އާދައެކެވެ. މިހާދިސާ ހިނގި ނަމަވެސް އުފަންދުވަސް ފާހަގަކުރުމުގެ ގޮތުން އޭނާގެ ގާތް މީހުންނާ އެކު މިރޭ ޕާޓީއެއް ބޭއްވުމަކީ އެކަށީގެންވާ ކަމެކެވެ. މިދިޔަ އަހަރު ލޮކްޑައުންގައި އޭނާ އެންމެ ގިނައިން އުޅެފައި ވަނީ މި ފާމްހައުސްގައެވެ. އޭނާ މި ފާމްހައުސް އަށް ނަންދީފައި ވަނީ ވަނީ އޭނާގެ އެއްބަނޑު އެއްބަފާ ކޮއްކޮ އަރްޕިތާ ޚާން ޝަރްމާގެ ނަމުންނެވެ.
ސަލްމާން ވަނީ އޭނާ ދަނޑުމަތީގައި މަސައްކަތް ކުރާ އިރު ނަގައިފައިވާ ގިނަ ފޮޓޯތަކާއި ވީޑިއޯތައް ސޯޝަލް މީޑިއާގައި ހިއްސާކޮށްފައެވެ. މީގެ އިތުރުން ސަލްމާން ޚާން ވަނީ މިދިޔަ އަހަރު ޖެކޮލިން ފެނާންޑޭޒްއާ އެކު އޭނާގެ ފާމްހައުސްގައި ލަވައެއް ވެސް ޝޫޓް ކޮށްފައެވެ.
ސަލްމާން ޚާންގެ ކުރިއަށް ރާވައިފައިވާ މަސައްކަތްތަކަށް ބަލާއިރު އޭނާ ވަނީ ޝާހްރުކްޚާން ލީޑްރޯލުން ފެނިގެންދާ "ޕަތަން"ގެ ކެމިއޯއަކަށް ޝޫޓްކޮށްފައެވެ. އަދި 2022ވަނަ އަހަރު "ޓައިގަރ 3"ގެ ޝޫޓިން ކުރިއަށް ގެންދިޔުމަށް ކެޓްރީނާ ކައިފްއާއި އެކު މި އެކްޓަރު މަސައްކަތް ކުރާނެ ކަމަށް ބެލެވެއެވެ. ސަލްމާން ޚާން ޕޫޖާ ހެޖްއާ އެކު "ކަބީ އީދު ކައްބީ ދިވާލީ" މަސައްކަތް ކުރުމަށް ހަމަޖެހިފައިވާއިރު ޖެކޮލިން ފެނާންޑޭޒްއާ އެކު "ކިކް 2" ގައި ވެސް މަސައްކަތްކުރާ ތަން ފެނިގެންދާނެއެވެ. މީގެ އިތުރުން އާމިރުޚާންގެ "ލާލް ސިންގް ޗަދާ"ގެ ކެމިއޯއަކުން ވެސް އޭނާ ފެނިގެންދާނެއެވެ.
އަރުޕިތާ އެއީ އޭނަގެ އެއްބަނޑު އެއްބަފާ ކޮއްކޮ އެއްނޫން