ފުލުހުން އަންގަނީ "އިންޑިއާ އައުޓް" ދިވެހިން ލިޔުމަށް: އިދިކޮޅު
ރާއްޖޭގައި ތިބި އިންޑިއާ ސިފައިން މި ރާއްޖެއިން ބޭލުމަށް ގޮވާލައި އިދިކޮޅު ކޯލިޝަނުން މިއަދު ކުރިއަށް ގެންދިޔަ އެއްވުމުގައި، ލައިގެން ތިބި "އިންޑިއާ އައިޓު" ޓީޝާޓުގައި އެ މެސެޖު ދިވެހި ބަހުން ލިޔުމަށް ފުލުހުން އެންގެވިކަމަށް އިދިކޮޅު ކޯލިޝަނުން އަންގައިފިއެވެ.
އިދިކޮޅު ކޯލިޝަންގެ ތަރުޖަމާން ހީނާ ވަލީދު ވިދާޅުވީ، މިއަދު މާލޭގެ މަގުތަކުގައި އިންޑިއާ އައުޓް ކެމްޕެއިން ކުރިއަށް ގެންދިއުމަށް މަސައްކަތް ކުރުމުން ފުލުހުން ވަނީ ދިވެހި ބަހުން "އިންޑިއާ އައުޓް" ލިޔެގެން ހަރަކާތް ކުރިއަށް ގެންދިއުމަށް އަންގައިފައި ކަމަށެވެ. އަދި "އިންޑިއާ އައުޓް" ޓީޝާޓު ލައިގެން ނުތިބެވޭނެ ކަމަށް ވެސް ފުލުހުން އެންގެވި ކަމަށް ހީނާ ވިދާޅުވިއެވެ.
ނަމަވެސް އިދިކޮޅު ކޯލިޝަނުން މިއަދު ޕީޕީއެމް އޮފީސް ދޮރުމަތީގައި ކުރަމުންދާ އިހުތިޖާޖު ކުރަމުންދަނީ އިންޑިއާ އައުޓް އިނގިރޭސި ބަހުން ލިޔެފައިވާ ބެނާތަކާ އެކުގައެވެ. އިއްޔެ ވެސް އިދިކޮޅުން ވަނީ އިންޑިއާ އައުޓް މުޒާހަރާއެއް ކޮށްފައެވެ. މި މުޒާހަރާގައި 11 މީހަކު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ. އެ އެންމެން ވެސް ރޭގެ ވަގުތެއްގައި ވަނީ ދޫކޮށްލައިފައެވެ. މިއަދުގެ އިހުތިޖާޖުގައި މިހައިތަަނަށް ތިން މީހަކު ހައްޔަރު ކޮށްފައިވާ ކަމަށް ވެސް ހީނާ ވިދާޅުވިއެވެ.
ހެހެހެހެހެ ވަކި ބަހަކުން ލިޔާކަށް ނޭންގޭނެ.ބަލަ މިއުޅެނީ މުޅި ދުނިޔެއަށް އެކަން އަންގާށެވެ. ކޮސް ނުގޮވާ.
މިހެން މިއަންގަނީ މޯދީތޯ. ދެން އިންޑިއާ އައުޓް އޮސްޓްރޭލިއާ ބަހުން ނޫނީ ފައްޅި އަޅަން ފަންޑު ކުރާ ކެނެޑާ ބަހުން ލިޔަންވީނު. ފުލުހުން ތިތިބީ ގައިރު ޤާނޫނީ އަމުރަށް ތަބާވެގެން، ރައްޔިތުމީހާ ނުޖެހޭނެ މިފަދަ އަމުރު ތަކަށް ތަބާވާކަށް. ީއިންޑިއާ މިލިޓަރީ ޖެހޭނީ މިގައުމުން ފާއިބާން. ހަސަން ކިރުސީވެސް ޖެހޭނީ ހަމަ ފާއިބާން