ވައްޑެ ނާޒިމަށް: ކޮންމެ ފަހަރަކު ބަޣާވާތް ކޮށްގެން ކަންކަން ހާސިލް ކުރައްވަން ނޫޅުއްވާ
ކޮންމެ ފަހަރަކު ވޯޓުން ބޭރުން ބަޣާވާތް ކޮށްގެން ކަންކަން ހާސިލް ކުރައްވަން ނޫޅުއްވުމަށް އެމްޑީޕީގެ އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑެ) ގޮވައިލައްވައިފިއެވެ.
ވައްޑެ މިފަދައިން ވިދާޅުވެފައި ވަނީ ރައްޔިތުންގެ މަޖިލީހުގެ ކޮމަންޑޫ ދާއިރާގެ ގޮނޑި މިހާރު ވެސް އެމްއެންޕީއަށް ލިބިފައިވާ ކަމަށް ގަބޫލުކުރައްވާ ކަމަށް އެ ޕާޓީގެ ރައީސް އަދި ދަނގެތީ ދާއިރާގެ މެމްބަރު މުހައްމަދު ނާޒިމް ވިދާޅުވުމާ ގުޅިގެންނެވެ.
މިކަމާ ގުޅިގެން ވައްޑެ ވިދާޅުވީ އިންތިޚާބުގެ ގޮތް ނިންމާނީ ވޯޓުން ކަމަށެވެ. އަދި ކޮންމެ ފަހަރަކު ވޯޓުން ބޭރުން ބަޣާވާތް ކޮށްގެން ކަންކަން ހާސިލް ކުރަން ނޫޅުއްވުމަށް ވައްޑެ ވަނީ ގޮވައިލައްވައިފައެވެ.
ކޮމަންޑޫ ދާއިރާ އަށް އެމްއެންޕީގެ ފަރާތުން ވާދަކުރައްވާ އަބްދުލްހަންނާނު އިދުރީސްގެ ކޮމަންޑޫ ކެމްޕޭނު އޮފީސް ހުޅުވުމަށް މިރޭ ބޭއްވި ޖަލްސާގައި ވާހަކަދައްކަމުން ނާޒިމް ވިދާޅުވީ އެމްއެންޕީއަކީ ޒިންމާދާރު އަދި ސަރުކާރުން ވެފައިވާ ވައުދުތައް ހަނދާންކޮށްދޭނެ ޕާޓީއެއް ކަމަށެވެ.
ކޮމަންޑޫ ދާއިރާގެ ބައި-އިލެކްޝަން ބޭއްވުމަށް ހަމަޖެހިފައި ވަނީ މިއަންނަ މަހު ފަސް ވަނަ ދުވަހުއެވެ. އެ ދާއިރާއަށް ވާދަކުރައްވަނީ ތިން ކެނޑިޑޭޓުންނެވެ. އެއީ ވެރިކަން ކުރާ މައި ޕާޓީ އެމްޑީޕީގެ ކެނޑިޑޭޓް މުޙައްމަދު ރާޝިދުއާއި އިދިކޮޅު ޕީޕީއެމްގެ ކެނޑިޑޭޓް މޫސާ ފަތުހީއާއި އެމްއެންޕީގެ ކެންޑިޑޭޓް ޢަބްދުލްހަންނާނު އިދުރީހެވެ.
އަސްލު ދިވެހިރާއްޖެ ދުށްމުޑުދާރު ތަނެއްދޮރެއްނުދަންނަ ރޯނުއެދުރުންގެ ތެރޭ ކަޅުއަކުރުން ލިޔެލަންރަނގަޅުނަމެއް
ވަހީދުގެނަން!