އަރްޖުންއާއި މަލައިކާ ރުޅިއެއް ނުވޭ!
އަރުޖުން ކަޕޫރާއި މަލައިކާ އަރޯރާ ރުޅިވެއްޖެކަމުގެ އަޑުތަކެއް ފެތުރެން ފަށައިފައިވަނިކޮށް އެ ދެ ތަރިން މިކަން ދޮގުކޮށްފިއެވެ.
ބުދަދުވަހު އަރްޖުން ވަނީ މަލައިކާއާ އެކު ނަގައިފައިވާ ސެލްފީއެއް އޭނާގެ އިންސްޓަގްރާމުގައި ހިއްސާކޮށްފައެވެ. އެ ފޮޓޯގެ ކެޕްޝަނުގައި އޭނާ ލިޔެފައި ވަނީ އެ ކަހަލަ އަޑުތަކަށް އެދެމީހުންގެ ދިރިއުޅުމުގައި ޖާގަައެއް ނެތް ކަމަށާއި އެންމެން ވެސް އެކަކު އަނެކަކަށް ހެޔޮ އެދެން ޖެހޭނެ ކަމަށެވެ. އެ ފޮޓޯއަށް މަލައިކާ ކޮމެންޓުކޮށްފައި ވަނީ ރަތް ހިތް އިމޯޖީއެކެވެ.
އަރުޖުން، 36، އާއި މަލައިކާ، 48، ރައްޓެހިވީ 2018ގައެވެ. މަލައިކާއަކީ ސަލްމާންގެ ޚާންގެ ކޮއްކޮ އަރުބާޒް ޚާންގެ ކުރީގެ އަންހެނުންނެވެ. އެ ދެމީހުންގެ ކައިވެންޏަށް ދަރިޔަކު ވެސް ލިބިފައިވެއެވެ. އެއީ މިހާރު 19 އަހަރުގެ އަރުހާން ޚާނެވެ.
މަލައިކާ އެންމެ ފަހުން ފެނިފައި ވަނީ ސޮނީ ޓީވީން މިދިޔަ އާދީއްތަ ދުވަހުގެ ރޭ ނިންމައިލި "އިންޑިއާސް ބެސްޓް ޑާންސާ"ގެ ދެވަނަ ސީޒަނުންނެވެ.
އަރްޖުން ދެން ފެނިގެންދާނީ ސަސްޕެންސް ޑްރާމާ "ދަ ލޭޑީ ކިލަރ"ގައި އެކްޓަރު ބޫމީ ޕެޑްނޭކަރް ކަޕޫރާ ދެކޮޅަށްކުޅޭ ރޯލަކުންނެވެ. އަޖޭ ބަހަލް ޑައިރެކްޓްކުރާ މި ފިލްމު ޕްރޮޑިއުސްކުރަނީ ބޫޝަން ކުމާރާއި ޝާއިލެޝް އާރް ސިންގްއެވެ. ލޭޑީ ކިލަރ ގެނެސްދޭނީ ގުލްޝަން ކުމާރާއި ޓީ ސީރީޒްއިން ކަރްމާ މީޑިއާ އެންޑް އެންޓަޓެއިންމަންޓާ ގުޅިގެންނެވެ.
