މަޝްހޫރު ފިލްމީތަރި މޯނީ ރޯއީ ކައިވެނިކުރަނީ ގޯއާގައި
ކައިވެނި ސީޒަން ކުރިއަށް ދާއިރު ގިނަ ތަރިންތަކެއް ވަނީ ފާއިތުވެދިޔަ މަސްތަކުގައި ކައިވެނީގެ ގޮށް ޖަހައިފައެވެ. މިއަހަރު ފިލްމީތަރި މޯނީ ރޯއީ ވެސް އޭނާގެ ދުވަސްވީ ލޯބިވެރިޔާ ސޫރަޖް ނަމްބިއާރްއާ ކައިވެނި ކުރާނެކަމަށް ރިޕޯޓު ތަކުގައިވެއެވެ. މި ދެ ތަރިން ކައިވެނި ކުރަން ނިންމައިފައި ވަނީ މި މަހުގެ27 ވަނަ ދުވަހު ގޯއާގައެވެ.
ހިންދުސްތާނީ ޓައިމްސް ނޫހުގެ ބަޔާނެއްގައި ވާގޮތުން މޯނީ ރޯއިގެ ކައިވެނީގެ ހަފްލާ ބާއްވަން ގޯއާގެ ފަސްތަރީގެ ރިސޯޓެއް ވަނީ ބުކްކޮށްފައެވެ. އަދި މިހާރު ބައެއް މީހުންނަށް ދައުވަތު ދީފައިވާ ކަމަށާއި، ކައިވެނީގެ ހަބަރު އެހައި ބޮޑަށް ނުފެތުރުމަށް އެދެ ތަރިން އެދިފައި ވާކަމަށް ވެސް ވެއެވެ. އަދި ކައިވެނީގެ ހަޕްލާއަށްދާ ހުރިހާ މީހުން ވެސް ވެކްސިން ފުރިހަމަ ކުރި ކަމުގެ ކާޑު ގެންދިއުމަށް އެދިފައިވާކަމަށް ވެސް އެ ބަޔާނުގައިވެއެވެ.
ރިޕޯޓްތައް ބުނާގޮތުން އެ ދެ ތަރިން ކައިވެނި ކުރަން ނިންމައިފައި ވަނީ ވަގަޓޯރ ބީޗް ކައިރީގައި އޮންނަ ޑަބްލިއު ގޯއާގައެވެ. އަދި ކައިވެނި ހަފްލާ އޮންނާނީ މެންދުރު ފަހު ކަމަށާއި އެ ހަފްލާ ވެގެންދާނީ މޫދު ކައިރީގައި އޮންނަ ހަފްލާއަކަށް ކަމަށް ވެސް ރިޕޯޓުތަކުގައި ވެއެވެ.
މި ބޮޑު ކައިވެންޏަށް ފަހު މި ދެތަރިން މިހާރު ރާވަމުން ދަނީ 28 ޖަނަވަރީގައި ޕާޓީއެއް ބޭއްވުމަށެވެ. ރިޕޯޓްތައް ބުނާ ގޮތުން މޯނީ ރޯއީގެ ގާތް ރަހުމަތްތެރިން އަދި ޑާންސް ރިއަލިޓީ ޝޯގެ ކުރީގެ ދެ ދަރިވަރުން ކަމަށްވާ ޕްރަތީކް އުޓޭކަރްއާއި ރާހުލް ޝެޓީ އަންނަނީ އެ އިވެންޓަށް އޭނާއާ އެކު ތައްޔާރުވަމުންނެވެ.
މި ހަފްލާއަށް ދައުވަތު ދީފައިވާ މީހުންގެ ތެރޭގައި ޕްރޮޑިއުސަރުން ކަމަށްވާ ކަރަން ޖޯހަރްއާއި އޭކްތާ ކަޕޫރު، ޑިޒައިނަރު މަނީޝް މަލްހޯތުރާ، ކުރީގެ އެކްޓްރެސްއާޝިކާ ގޯރާޑިއާ ހިމެނެއެވެ.
މޯނީ ރޯއީގެ ބެޗްލަރޭޓް ޕާޓީ ގޯއާގައި ފާހަގަ ކޮށްފައިވާއިރު ގޯއާގައި ފާހަގަކޮށްފައިވާ އިރު އޭނާ ވަނީ އެ ފޮޓޯތައް އޭނާގެ ސޯޝަލް މީޑިއާގައި ހިއްސާކޮށްފައެވެ.
ނާގިންގެ ތަރި ކަމަށްވާ މޯނީ ރޯއި ކައިވެނީގެ ހުރިހާކަމެއް އަމިއްލައަށް ބަލަހައްޓަމުން ދާތީ އޭނާ ދަނީ މުމްބާއީއާއި ގޯއާއާ ދެމެދު ދަތުރުކުރަމުންނެވެ. ސޫރަޖް ވެސް އެ ގައުމުގައި އުޅޭ އިރު އޭނާ ހުންނަނީ ވީހައި ވެސް ސްޕޮޓްލައިޓުން ބޭރުގައެވެ.
