މިސަރުކާރުން ތަރައްގީގެ މަސައްކަތް ކުރިއަށް ގެންދާނީ ރައްޔިތުންގެ އަޑު އަހައިގެން: ނައިބު ރައީސް
ރައީސް އިބްރާހިމް މުޙައްމަދު ޞާލިޙްގެ މި ސަރުކާރުން، ތަރައްގީގެ މަސައްކަތް ކުރިއަށް ގެންދާނީ، ރައްޔިތުންގެ އަޑުއަހައިގެން ކަމަށް ނައިބު ރައީސް ފައިސަލް ނަސީމް ވިދާޅުވެއްޖެއެވެ.
ނައިބު ރައީސް މިހެން ވިދާޅުވީ، ރައްޔިތުންގެ މަޖިލީހުގެ ހުސްވެފައިވާ ކޮމަންޑޫ ދާއިރާގެ ގޮނޑިއަށް ވެރިކަން ކުރާ އެމްޑީޕީގެ ފަރާތުން ވާދަކުރައްވާ ކެންޑިޑޭޓް މުހައްމަދު ރާޝިދުގެ ކެމްޕެއިން ޖަލްސާއެއްގައި ށ. މަރޮށީގައި މިރޭ ވާހަކަ ދައްކަވަމުންނެވެ.
ފައިސަލް ނަސީމް ވިދާޅުވީ، ކޮމަންޑުއަށް ރިޔާސީ ވައުދެއްގެ ގޮތުގައި ރައީސުލްޖުމްހޫރިއްޔާ ވެވައިޑެންފައިވާ ވައުދުގެ މަސައްކަތް ފެށިފައިވާ ކަމަށެވެ.
"އެ މަސައްކަތް ދެން ދާނީ ބާރަށް ކުރިއަށް، އެ މަސައްކަތެއް ދެން ނުވެސް ހުއްޓޭނެ، އިރާދަކުރެއްވިއްޔާ އޭގެ ފޮނި މީރުކަން ކޮމަންޑޫ ރައްޔިތުންނަށް ދާދި އަވަހަށް ފެނިގެންދާނެ" ނައިބު ރައީސް ފައިސަލް ނަސީމް ވިދާޅުވިއެވެ.
މީގެ އިތުރުން ނައިބު ރައީސް ވިދާޅުވީ، ކޮމަންޑުއާއި މުޅި ދާއިރާގެ ތަރައްގީއަށް ޓަކައި ސަރުކާރުން ކުރަމުންދާ މަސައްކަތްތައް ބާރަށް ކުރިއަށް ދާނެ ކަމަށެވެ. އަދި މި ސަރުކާރަކީ ރައްޔިތުންގެ އިހުސާސްތައް ދަންނަ ސަރުކާރެއް ކަމަށް ވެސް ފައިސަލް ނަސީމް ވިދާޅުވިއެވެ.
މި ސަރުކާރަކީ ބަހާ އަމަލާ ދިމާނުވާ ބައެއް އުޅޭ ސަރުކާރެއް ދެންކޮން ރައިއްޔަތުންނަކާ ގުޅޭ ވާހަކައެއް މި ދައްކަނީ، މި ސަރުކާރަށް ކުރެވޭނެހާވެސް ކަމަކީ މީހުނާ އެއްސިގަނެގެން އުޅުމާ ދޮގާ މަކަރު ހެދުމާ ފަސާދަކުރުމާ އިސްލާމްދީން ނެތިކޮށްލަން އުޅެންޏާ އެބައެއްގެ ތާއީދު ހޯދުމާ ގައމު އަޅުވެތި ކުރުން، އެކަންކަން ފަތުއަޑު ކިއާފަ ކުރިއަށް އެބަދޭ.
ރައްޔިތުންގެ އަޑުއަހާނަމަ ލ.ކަލައިދޫ އާއި ދަނބިދޫ އާއި ދެމެދު ކޯޒުވޭ އެޅުމުގެ ވައްދު ފުއްދުމާއި ބެހޭ ގޮތުން ސަރުކާރުން އެބަޖެހޭ އެ ދެރަށުމީހުންނަށް އުއްމީދީ ޖަވާބެއް ދެއްވަން