ބިޔޯންޑް ދަ ސްޓާ އޮން ސަލްމާން ޚާން"އިން ބެލުންތެރިންގެ އެތައް ސުވާލެއްގެ ޖަވާބު"
އިންޑިއާގެ މުނިފޫހިފިލުވުމުގެ ދާއިރާގައި އެންމެ މުހިންމު އެއް ކޮންޓެންޓް ޕްރޮވައިޑަރު އުފައްދާ ސަލްމާން ޚާންގެ ޑޮކިއުމެންޓްރީއެއް ކަމަށްވާ "ބިޔޯންޑް ދަ ސްޓާ އޮން ސަލްމާން ޚާން"އިން ބެލުންތެރިންގެ އެތައް ސުވާލެއްގެ ޖަވާބު ލިބިގެންދާނެ ކަމަށް އެ ޕްރޮޖެކްޓުގައި ހަރަކާތްތެރިވާ ފަރާތަކުން ބުނެފިއެވެ.
އެ ޝޯއަކީ ސަލްމާންގެ ކުޑައިރުން ފެށިގެން ދުވަހަކު ވެސް ނުފެންނަ ފަދަ ފޮޓޯތަކާއި ވިޝުއަލްތައް ވެސް ހިމެނޭނެ ގޮތަށް އުފައްދައިފައިވާ ޑޮކިއުމެންޓްރީއެކެވެ.
މި ޕްރޮޖެކްޓުގައި ހަރަކާތްތެރިވި ފަރާތަކުން ހާމަކުރާ ގޮތުގައި މި ޑޮކިއުމެންޓްރީގައި ސަލްމާންގެ ބެލުންތެރިން އަބަދުވެސް އެނގެން ބޭނުންވި ނަމަވެސް ނޭނގި އޮތް ގިނަ ކަންތައްތަކެއް އެނގިގެންދާނެއެވެ.
ސަލްމާންގެ ވާހަކަތައް ކިޔައިދޭނެ ކަމަށް ބެލެވޭ މީހުންގެ ތެރޭގައި އޭނާގެ ބައްޕަ ސާލިމް ޚާންއާއި އޭނާގެ ބޭބެ އަރްބާޒް އަދި ސޮހައިލްއާއި އޭނާގެ ކޯ ސްޓާރުންނާއި ޑައިރެކްޓަރުން ކަމަށްވާ ސާޖިދު ނަޑިއަޑްވާލާ، ޑޭވިޑް ދަވަން، ސޫރަޖް ބަރްޖަތިޔާ، ސަންޖޭ ލީލާ ބަންސާލީ، ސުބާޝް ގާއީ އަދި ޕްރަބޫ ދޭވާ ހިމެނެއެވެ.
އެ ފަރާތުން އިތުރަށް ބުނެފައި ވަނީ ސަލްމާނާ އެކު މަސައްކަތްކޮށްފައިވާ ގާތްގަނޑަކަށް ކޮންމެ މީހަކު ވެސް އޭނާގެ ވާހަކަ ދައްކަން ބޭނުންވާ ކަމަށެވެ. އެގޮތުން އޭނާގެ ސަބަބުން މިނިސްޓްރީއަށް ނިކުތް ހިމޭޝް ރޭޝަމިޔާއާއި ކަމާލް ޚާން (ލަވަކިޔުންތެރިޔާ) ފަދަ މީހުން ފެނިގެންދާނެއެވެ.
