ފެނަކައިން ކުރި ގާނޫނާ ހިލާފު ކަންކަމާ ގުޅިގެން ވަކިކުރަންވީ ފެނަކައިގެ އެމްޑީ: އުޝާމް
އިއްޔެ ބޭއްވި ކޮމަންޑޫ ދާއިރާގެ ބައި-އިލެކްޝަންގައި، ފެނަކައިން ކުރި ގާނޫނާ ހިލާފު ކަންކަމާ ގުޅިގެން މަގާމުން ވަކިކުރަންވީ އެ ކުންފުނީގެ މެނޭޖިންގް ޑިރެކްޓަރ އަހްމަދު ސައީދު މުހައްމަދު ކަމަށް، ރައްޔިތުންގެ މަޖިލީހުގެ ވިލިމާލެ ދާއިރާގެ މެމްބަރު އަހުމަދު އުޝާމް ވިދާޅުވެއްޖެއެވެ.
އެމްއެންޕީގެ ނައިބު ރައީސްކަން ވެސް ކުރައްވާ އުޝަމް މިހެން ވިދާޅުވެފައި މިވަނީ، އިއްޔެ ބޭއްވި ކޮމަންޑޫ ދާއިރާގެ ބައި-އިލެކްޝަންގައި, ފެނަކައިގެ މުވައްޒިފުން އެމްޑީޕީގެ ކެނޑިޑޭޓް މުޙައްމަދު ރާޝިދަށް ވޯޓު ނުދީފި ނަމަ ވަޒީފާއިން ވަކިކުރާނެކަމުގެ އިންޒާރުދީ، އެ ކުންފުނީގެ އޮޕަރޭޝަން ހެޑް ، ޒާހިރު އުސްމާން ބިރު ދެއްކިކަމުގެ މައްސަލައާ ގުޅިގެންނެވެ.
ޒާހިރުގެ މި އަމަލާ ގުޅިގެން އެތައް ބައެއްގެ ފަރާތުން އޭނާއަށް ވަނީ ފާޑުކިޔުން އަމާޒުވެފައެވެ. އެގޮތުން ބައެއް ފަރާތްތަކުން ވަނީ ޒާހިރު ފެނަކައިގެ އެ މަގާމުން ބޭރުކުރުމަށް ވެސް ގޮވައިލައިފައެވެ. ޒާހިރު މަގާމުން ވަކި ކުރުމަށް ގޮވައިލި މީހުންގެ ތެރޭގައި އޭނާ ނިސްބަތްވާ އެމްޑީޕީގެ ބައެއް އެކްޓިވިސްޓުން ވެސް ހިމެނެއެވެ.
އެމްޑީޕީގެ ބައެއް އެކްޓިވިސްޓުން ބުނަމުން އަންނަނީ ޒާހިރަކީ ޕީޕީއެމް މީހެއް ކަމަށެވެ. އަދި ޕީޕީއެމް ވެރިކަމުގައި ވެސް އޭނާ އެފަދައިން ވޯޓް ދިނުމަށް ވަޒީފާގެ ބިރު ދައްކަމުން އައި ކަމަށް ޓްވިޓަރގައި ޚިޔާލު ފާޅު ކުރާ ފަރާތްތަކުން ބުނެއެވެ.
މިކަމާ ގުޅިގެން މެމްބަރު އުޝާމް މިއަދު ކުރެއްވި ޓްވީޓެއްގައި ވިދާޅުވީ، ފެނަކައިގެ އެމްޑީގެ އެންގުމަށް ނޫން ގޮތަކަށް، އެ ކުންފުނީގެ ވެރިން ކޮމަންޑޫ ދާއިރާއަށް ގޮސް، މުވައްޒަފުންނަށް ބިރު ނުދެއްކީސް ކަމަށެވެ. އަދި އެމްޑީޕީގެ އެކްޓިވިސްޓުން ވެސް އެކަމާ ގުޅިގެން ބަހެއް ނުބުނާ ކަމަށް ވެސް އުޝާމް ވިދާޅުވިއެވެ.
އުޝާް ކަލޭ މަށަށްހީވޭ ރިލޯޑް ލިބެން އުޅޭހެން
ޥިލިމާލެ ދާއިރާގެ މެމްބަރ އުޝާމްގެ ވާހަކަޔަށް ތާއީދުކުރަން