ދިވެހި ކިޔަވާކުދީން ހަނގުރާމައިގެ މައިދާނުގައި ތާށިވެފައި!
ބުރާސްފަތި ދުވަހު ހެނދުނުއްސުރެ ރަޝިޔާގެ އަސްކަރީ ފައުޖުތަކުން ހަމަލާދެމުން އަންނަ ޔޫކްރެއިންގައި ތާށިވެފައި ތިބި ދިވެހިންގެ ހާލަތު ބަޔާންކޮށް، އެ ދަރިވަރުންގެ ފަރާތުން ބަޔާނެއް ނެރެފިއެވެ.
ޔޫކްރެއިންގައި މިވަގުތު ތާށިވެފައި ހުރި ދަރިވަރަކު މިއަދު ފޭސްބުކްގައި އާއްމު ކުރި ބަޔާނެއްގައި ބުނެފައި ވަނީ، އެ ޤައުމުން ބޭރު ނުވެވި މި ވަގުތު ތާށިވެފައި ތިބި ހުރިހައި ދަރިވަރުން ވެސް ތިބީ އެއް ތަނެއްގައި ކަމަށެވެ. އެ ގޮތުން ރައްކާތެރިވުމުގެ ގޮތުން ހުރިހައި ދަރިވަރުން ވެސް ތިބީ ހާރްކީވްގެ މެޓްރޯ ސްޓޭޝަނެއްގައި ކަމަށް އެ ދަރިވަރު ބުނެފައި ވެއެވެ.
ރަޝިޔާގެ އަސްކަރިއްޔާއިން ހާރަކީވަށް އަރައި ބޮމުގެ ހަމަލާތައް ފޮނުވަމުން އެބަދެއެވެ. މިހެންވެ، ގިނަ ބަޔަކު ބޮމުން ރައްކާތެރިވުމަށް މެޓްރޯ ސްޓޭޝަންތަކާއި ބިންގަރާސްތަކަށް ދަނީ ވަންނަމުންނެވެ.
މި ވަގުތު ޔޫކްރެއިންގައި ތާށިވެފައި ތިބީ ނުވަ ދަރިވަރެކެވެ. އޭގެ ތެރެއިން އަށް މީހުން ތިބީ ހާރްކީވްގައެވެ. އެކަކު ހުރީ ނިޕްރޯގައެވެ. ހަނގުރާމަ ފެށި، ޔޫކްރެއިންގެ ވައިގެ ދަތުރުތައް މަނާ ކުރިއިރު އެ ޤައުމުގައި 35 ދަރިވަރަކު ތިއްބެވެ. އެ ޤައުމުގައި ހަނގުރާމަ ފެށުމުގެ ކުރިން 50 ދަރިވަރަކު ދިޔައީ ތައުލީމް ހާސިލް ކުރަމުންނެވެ. ނުވަ ދަރިވަރަކު ފިޔަވައި ބާކީ ތިބި ދަރިވަރުން ރާއްޖޭގެ ފޮރިން މިނިސްޓްރީގެ އެހީގައި މިހާރު ވަނީ ރާއްޖެ ގެނެސްފައެވެ.
ޔޫކްރެއިންގެ މިވަގުތުގެ ހާލަތު ބަޔާން ކުރަމުން އޭނާ ބުނެފައި ވަނީ، މި ވަގުތު ދަތުރު ކުރުމަކީ ރައްކާތެރި ކަމެއް ނޫން ކަމަށެވެ. އަދި ފިހާރަތަކުން ކާނާ ހުސްވަމުންދާ ކަމަށާއި އޭޓީއެމްތައް މަސައްކަތް ނުކުރާ ކަމަށް އޭނާ ބުންޏެވެ. އަދި ރަޝިޔާގެ އަސްކަރިއްޔާއިން އާއްމުން ދިރިއުޅެމުން އަންނަ ސަރަހައްދުތަކަށް ހަމަލާދެމުން އަންނަ ކަމަށާއި މިހެންކަމުން އެކުދިން ތިބީ ބިރުވެރި ކަމެއްގައި ކަމަށް އެ ބަޔާނުގައި ބުނެފައިވެއެވެ.
އެ ބަޔާނުގައި އިތުރަށް ބުނެފައި ވަނީ، ޔޫކްރެއިންގެ ހުޅަނގު ބޯޑަރަށް ދެވިއްޖެ ނަމަ ޤައުމުން ބޭރުވާނެ ގޮތް ޖަރުމަނުގައި ހުންނަ ދިވެހި އެންބަސީން ހަމަޖައްސައިދީފައިވާ ކަމަށެވެ. ނަމަވެސް އެ ބޯޑަރަކީ ވަރަށް ދުރު ކަމަށާއި މިހާރުގެ ހާލަތަށް ބަލައި އެ ގޮތަށް ކަންތައް ވާނެ ކަމަށް ޤަބޫލު ނުކުރެވޭ ކަމަށް އޭނާ ބުނެފައި ވެއެވެ. އަދި ފުރަތަމަ ޕްލޭން ކުރީ، ބަހެއްގައި ނިޕްރޯގައި ހުރި ދަރިވަރާ އެކު ހުޅަނގުގެ ބޯޑަރަށް ދިއުން ކަމަށާއި އެހެން ނަމަވެސް ހަމަލާތަކާ ގުޅިގެން ބަސް ދަތުރުތައް ހުއްޓައިލައިފައިވާކަން އޭނާ ފާހަގަކުރިއެވެ.
ބަޔާން ނިންމައިލަމުން ދަރިވަރުން ވަނީ ޖަރުމަނުގައި ހުންނަ ރާއްޖޭގެ އެންބެސަޑަރު އަޙްމަދު ލަތީފް، އެ ކުދީންގެ ސަލާމަތަށް ކުރަމުންދާ މަސައްކަތް ފާހަގަކޮށް ޝުކުރު ދަންނަވައިފައެވެ. އަދި އަވަހަށް ޔޫކްރެއިނުން ބޭރަށް ދެވޭނެ ގޮތެއް ވޭތޯ ސަރުކާރުގެ ކިބައިން ވަނީ އެދިފައެވެ.
ސަރުކާރުން ތިކަމާ އުޅެން އަދި ތަންކޮޅެއް އަވަސް