ރައްޔިތުންގެ ޓެކްސް ފައިސާއިން މަޖިލީހުގެ މެމްބަރުން ހަދަނީ ހިތުހުރި ގޮތެއް: ޖަމީލް
ރައްޔިތުންގެ ޓެކްސް ފައިސާއިން ރައްޔިތުންގެ މަޖިލީހުގެ މެމްބަރުން ހަދަނީ ހިތުހުރި ގޮތެއް ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
ޖަމީލް މިފަދައިން ވިދާޅުވީ ރައްޔިތުން މަޖިލީހުގެ މެންބަރުކަން ކުރައްވައިފައިވާ ބޭފުޅުންގެ އާއިލާއަށް ހެލްތު އިންޝުއަރެންސް ދިނުމާ ގުޅޭ މައްސަލަ މަޖިލީހުގެ ތަޅުމަށް ގެންގޮސްގެން ތަޅުމުން ގޮތެއް ނިންމުމަށް މަޖިލީހުގެ އާންމު ކޮމިޓީން ނިންމުމާ ގުޅިގެންނެވެ.
މިކަމާ ގުޅިގެން ޖަމީލް ވިދާޅުވީ ރައްޔިތުންގެ ޓެކްސް ފައިސާއިން މަޖިލިސް މެމްބަރުން ހަދަނީ ހިތުހުރި ގޮތެއް ކަމަށާއި އޭގެން ގަނޑުވަރު ހަދައިފި ކަމަށެވެ. އަދި ކުރީގެ މެމްބަރުންގެ އާއިލާ ވެސް “ރޯޔަލްވެއްޖެ” ކަމަށާއި މެމްބަރުންގެ އަމާޒު ހުރީ ނިކަމެތި މީހާގެ ބުރަ މަސައްކަތުން ހޯދާ ފައިސާކޮޅު ދަމައިގަންނަން ކަމަށެވެ. ޖަމީލް ވަނީ އެމްޑީޕީއަށް އެނގެނީ ހަމައެކަނި ޚަރަދުކުރަން ތޯ ސުވާލު ކުރައްވައިފައެވެ.
ރައްޔިތުންގެ މަޖިލީހުގެ މެންބަރުންނާއި، މެންބަރުންގެ ޑިޕެންޑެންޓުންނާއި، މަޖިލީހުގެ މެންބަރުކަން ކުރައްވައިފައިވާ ބޭފުޅުންނަށް މެޑިކަލް އިންޝުއަރެންސް ހިދުމަތް ފޯރުކޮށްދޭނެ ފަރާތެއް ހޯދުމަށް އަމަލުކުރާނެ ގޮތެއް ހަމަޖައްސަވައި ދެއްވުން އެދިވަޑައިގެން ކޮމިޓީއަށް މައްސަލަ ފޮނުއްވައިފައިވަނީ މަޖިލީހުގެ ކުރީގެ މެމްބަރަކެވެ.
Ads by STO
