ޔޫކްރެއިންގައި ތިބި ހުރިހައި ދިވެހީންނަށް ވެސް ރާއްޖެ އާދެވޭނެ މަގު ތަނަވަސްވެއްޖެ
ޔޫކްްރެއިންގައި މިވަގުތު ތިބި ހުރިހާ ދިިވެހީން، ހަންގޭރީގެ ބޯޑަރު ހުރަސް ކުރުމަށް މިއަދު ދަތުރު ފަށާނެ ކަމަށް ރާއްޖޭގެ ފޮރިން މިނިސްޓްރީން މިއަދު ވިދާޅުވެއްޖެއެވެ.
ޔޫކްރެއިންގައި މިހާރު ފެށިފައިވާ ހަނގުރާމައާ ގުޅިގެން، އެ ޤައުމުގައި ތިބި ދިވެހިން އަނބުރާ ރާއްޖެ ގެނައުމަށް ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ފޮރިން މިނިސްޓްރީން ވިދާޅުވީ، އެ ހުރިހައި ދިވެހިން ވެސް ރާއްޖެ އަންނާނީ ހަންގޭރީ މަގުން ކަމަށެވެ.
ރަޝިއާއާއި ޔޫކްރެއިންއާ ދެމެދު މިދިޔަ ބުރާސްފަތި ދުވަހު ފަތިހުން ފެށިގެން ކުރިއަށްދާ ހަނގުރާމަ މިހާރު ހޫނުވެފައިވާ އިރު، ޔޫކްރެއިންގައި ތާށިވެފައި ނުވަ ދިވެހިން ތިއްބެވެ. އެއީ ހަރްކިވްގައި ތިބި އަށް ދިވެހިންނާއި ނިފްރޯގައި ހުރި އެކަކެވެ.
އެ ދެޤައުމު ދެމެދު ހަނގުރާމަ ފެށުނު ފަހުން ޔޫކްރެއިންގެ ވެރިރަށް ކިޔޭވްގައި ތާށިވި ތިން ދިވެއްސަކު މިހާރު ވަނީ ބޯޑަރު ހުރަސްކޮށް، ހަންގޭރީއަށް ގޮސްފައެވެ.
ޔޫކްރެއިންގައި ތިބި ދިވެހިންނާ ގުޅޭ ގޮތުން ފޮރިން މިނިސްޓްރީން އެންމެ ފަހުން ދިން އަދާހަމައިގައި ވިދާޅުވެފައިވަނީ ހަރްކިވްގައި ތިބި އަށް ދިވެހިންނާއި ނިފްރޯގައި ހުރި މީހާ އިއްޔެގެ ވަގުތެއްގައި އެ ސިޓީއިން، ހުޅަނގު ބިތުގައި އޮންނަ ލިވީވްއަށް ދަތުރު ފެށި ކަމަށާއި މިއަދު އެ އަވަށަށް ފޯރައިފައިވާ ކަމަށެވެ. އަދި މިއަދުގެ ވަގުތެއްގައި އެ މީހުން ހަންގޭރީގެ ބޯޑަރު ހުރަސްކުރުމަށް ދަތުރު ފަށާނެ ކަމަށް ވެސް ފޮރިން މިނިސްޓްރީން ވިދާޅުވިއެވެ.
އެ މިނިސްޓްރީން އިތުރަށް ވިދާޅުވީ، ރާއްޖޭގެ ފޮރިން މިނިސްޓަރާއި ހަންގޭރީގެ ފޮރިން މިނިސްޓަރާ ކުރެއްވި މަޝްވަރާތަކަށް ފަހު، ހަންގޭރީއަށް އެތެރެވުމުގެ މަގު އަމާންކޮށްދީފައިވާ ކަމަށާއި އެ ގައުމަށް އެތެރެވުމުން ފޮރިން މިނިސްޓްރީގެ ޓީމުން އެ ދިވެހިންނާ ހަވާލުވާނެ ކަމަށެވެ.
ށުކުރީޔާ ސަރުކާރު