އަންހެނުންގެ ދުވަހަށް ޚާއްސަ އެމްއެންޕީގެ ޚާއްޞަ ޖަލްސާއެއް!

އަންހެނުންގެ ދުވަހަށް ޚާއްސަކޮށް، މޯލްޑިވްސް ނޭޝަނަލް ޕާޓީ (އެމްއެންޕީ)އިން ޖަލްސާއެއް ބާއްވަން ނިންމައިފިއެވެ.

Ads by Hajj Corporation

އެ ޕާޓީން ކޮންމެ ދެ ހަފްތާއަކުން އެއް ހަފްތާ ބާއްވަމުން އަންނަ "ރައްޔިތުންގެ އުދާސް" ޖަގަހަ ޖަލްސާ މި ހަފްތާގައި ހާއްސަކޮށްފައި ވަނީ އަންހެނުންނާ ގުޅޭ މައްސަލަތަކަށެވެ.

އެމްއެންޕީގެ ރައީސް ކާނަލް މުހައްމަދު ނާޒިމް ވިދާޅުވީ މި ޖަލްސާގައި ވީހައި ވެސް ގިނަ އަންހެން ބޭފުޅުން ބައިވެރިވެވަޑައިގަތުމަށް އެދިވަޑައިގަންނަވާ ކަމަށެވެ. އަދި އެ ޖަލްސާގައި ބައިވެރިވުމަށް އެމްއެންޕީގެ ރައީސް ވަނީ ހުރިހާ އަންހެން ބޭފުޅުންނަށް ދައުވަތު ފޮނުއްވައިފައެވެ.

މި ޖަލްސާ ބޭއްވުމަށް ހަމަޖެހިފައި ވަނީ މާދަމާ ރޭ 9:00 ސިއްތިމާވާ ހިނގުމުގައި ހުންނަ އެ ޕާޓީގެ ޖަގަހައިގައި ކަމަށް އެމްއެންޕީން މައުލޫމާތު ދެއްވައިފައިވެއެވެ.