ބެނާތައް ނަގަން ނިކުންނަ ފުލުހުންނަށް: "ޚަބަރުދާރު! ދަޢުވާކުރާނަން!"
އިންޑިއާ އައުޓް ޖަހައިފައިވާ ބެނާތައް ނަގަން ނިކުންނަ ފުލުހުން ޤާނޫނާ ޚިލާފަށް ޢަމަލު ހިންގައިފި ނަމަ ފިޔަވަޅު އަޅުއްވާނެކަމަށް ވިދާޅުވެ ، އިދިކޮޅު ޕްރޮގްރެސިވް ކޯލިޝަންގެ ޑެޕިޔުޓީ ލީޑަރ އާދަމް ޝަރީފް ޚަބަރުދާރު ކުރައްވައިފިއެވެ.
އިދިކޮޅުން ފުޅާކޮށްފައިވާ އިންޑިއާ އައުޓް ކެންޕެއިންގެ ދަށުން ޕީޕީއެމްގެ އޮފީހާއި ރައީސް ޔާމީންގެ ގެކޮޅާއި އަދިވެސް އިތުރު ބައެއްގޭގެ ބޭރުގައި ވަނީ "އިންޑިއާ އައުޓް"ބެނާތައް ދަމައިފައެވެ. ފުލުހުން ވަނީ މި ބެނާތައް ނެގުމަށް ގޭގޭގެ ވެރިފަރާތްތަކަށް އަންގަވައިފައެވެ.
މި އެންގެވުމާ ގުޅިގެން އާދަމް ޝަރީފް ކުރެއްވި ޓްވީޓެއްގައި ވިދާޅުވީ "އިންޑިއާ އައުޓް"ކެންޕެއިނަކީ ޤާނޫނުގެ ތެރޭގައި ހިންގާ ކެންޕެއިނެއް ކަމަށާއި އެ ކެންޕެއިން ނުހުއްޓުވޭނެ ކަމަށެވެ.
"ޚަބަރުދާރު!ބެނާތައް ނަގަން ނިކުންނަ ފުލުހުން ޤާނޫނާ ޚިލާފަށް ހިންގާ ޢަމަލުތަކަށް ދަޢުވާކުރާނަން! އިންޑިއާ ސިފައިން ތިބުމާ ދެކޮޅަށް ހިންގާ ކެންޕެއިނަކީ ޚިޔާލުފާޅު ކުރުމުގެ މިންގަނޑުގެ ތެރޭގައި ހިންގާ ޙަރަކާތެއް، ނުހުއްޓުވޭނެ" އާދަމް ޝަރީފް ޓްވީޓް ކުރައްވައިފައި ވެއެވެ.
"އިންޑިއާ އައުޓް"ބެނާތައް ނަގަން އެންގުމާ ގުޅޭގޮތުން ފުލުހުން ވިދާޅުވީ "އިންޑިއާ އައުޓް" ޖަހައި ބެނާ ދަމާފައި ހުރުމަކީ, ވަކި ގައުމަކަށް ނިސްބަތްކޮށް ހިންގޭ، އެ ގައުމުގެ ގަދަރާއި ކަރާމާތަށް އުނިކަން ލިބޭ ފަދަ އަމަލެއްގެ ގޮތުގައި ސިފަވުމާއި، ބައިނަލްއަގުވާމީ ގުޅުންތަކާއި އަވަށްޓެރި ގައުމުތަކާއި ދިވެހިރާއްޖެއާ ދެމެދު އޮންނަ ހާރިޖީ އަދި ސަގާފީ ގުޅުންތަކަށް އޭގެ ސަބަބުން ނުރަނގަޅު އަސަރުކޮށް އެ ގައުމުތަކުގައި ދިރިއުޅޭ އަދި ޒިޔާރަތްކުރާ ދިވެހީންގެ މަސްލަހަތަށް ވެސް ގެއްލުން ވެދާނެކަމެއް ކަމުގައި ދިވެހި ފުލުހުންގެ ޚިދުމަތުން ދެކޭ ކަމަށެވެ.
ތިޔަހެން ދައުވާ ކޮއްކޮއް ތިއްބާ އެނަގަނީ، ސަރީފޫ ތިހެންނަހައްދަވާ
ތި ތަކެތި ނެގުން މިހާރުވެސް މާލަސްވެއްޖެ
ރައީސް ޔާމީނުގަދަ ލީޑަރެއް