“އިންޑިއާ އައުޓް” ހަރަކާތް ހުއްޓުވަން ރައީސް ޞާލިޙްގެ ގަރާރެއް
އިދިކޮޅު ޕްރޮގްރެސިވް ކޯލިޝަނުން ހިންގާ "އިންޑިއާ އައުޓް" ހަރަކާތަކީ ގައުމީ ސަލާމަތަށް ހުރި ނުރައްކަލެއް ކަމަށް ގައުމީ ސަލާމަތާ ބެހޭ މަޖިލީހުން ކަނޑައަޅައި ގަރާރެއް ނެރެފިއެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް މިއަދު ނެރުއްވި ގަރާރުގައި ވިދާޅުވެފައި ވަނީ އިންޑިއާއާ މެދު ނަފުރަތު އުފެއްދުމަށް ހިންގާ ހަރަކާތްތަކަކީ ގައުމީ ސަލާމަތަށް ހުރި ނުރައްކަލެއް ކަމަށް ގައުމީ ސަލާމަތާ ބެހޭ މަޖިލީހުގެ 2022ވަނަ އަހަރުގެ ތިންވަނަ ބައްދަލުވުމުގައި ކަނޑައަޅައިފައިވާ ކަމަށެވެ.
އަދި ދިވެހި ސަރުކާރުގެ ސިޔާސަތަކީ ގާނޫނުއަސާސީން ކަށަވަރުކޮށްދީފައިވާ ޚިޔާލު ފާޅުކުރުމުގެ މިނިވަންކަމާއި އެއްވެ އުޅުމުގެ މިނިވަންކަމަށް އެންމެ ފުޅާމިނެއްގައި ޖާގަދީ ޑިކޮމްރެޓިކް މުޖުތަމައުތަކުގައި އަމަލުކުރަމުންދާ އަސާސްތައް ދެމެހެއްޓުން ކަމަށްވީ ނަމަވެސް، އެ މިނިވަންކަމުގެ ނާޖާއިޒް ފައިދާ ނަގަމުން އަންނަ ކަމަށް ގަރާރުގައި ވިދާޅުވެފައިވެއެވެ.
މީގެ އިތުރުން އިންޑިއާ އައުޓް ހަރަކާތަކީ ރާއްޖޭގެ ސުލްހަމަސަލަސްކަން ނަގައިލުމުގެ ނިޔަތުގައި ކުރިއަށްގެންދާ ހަރަކާތެއް ކަމަށާއި އެއީ ހުއްޓުވަން ޖެހޭ ހަރަކާތެއް ކަމަށް ގައުމީ ސަލާމަތާ ބެހޭ މަޖިލީހުން ނިންމައިފައިވާ ކަމަށް އެ ގަރާރުގައި ވިދާޅުވެފައިވެއެވެ.
އަދި އެކަން ތަންފީޒުކުރަން ކަމާ ބެހޭ އިދާރާތަކަށް އެ ގަރާރުގައި ރައީސް ޞާލިޙް ވަނީ އަންގަވައިފައެވެ.
އިންޑިޔާއާނުލާނޫޅެވެންޏާާ އެސޮރުމެންގެެ ގޫފޮހެންކަންނޭނެގެެ ދެންއެންމެފަހުންތިބެންޖެހޭނީީ ކިހާދެރަކަެއްތަ
ތިގަރާރުން ދޭހަވަނީ ދިވެހިރާއްޖެ އަޅުވެތިވެފައިވާ މިންވަރު.
ބަލަގަ ތިވަރ ބޮޑުނުރައްކަލެއްް ގައުމީސަލާމަތައް ކުރާކަމެއް ވީޔާ ތިކަން ކުރާބަޔަކުު ކީއްވެތަަ ހަތްޔަރު ކުރަން ނުކެރެނީ ކީއްވެތަ.. ފިނޑި ސަރުކާރެއް