ޖޭއެސްސީއިން ބަލަންވީ "ޣައްދާރު" ފަނޑިޔާރުގެ މައްސަލަ: ޝިޔާމް
މާލޭގެ ބައެއް ގެތަކުގައި ދަމައިފައި ހުރި އިންޑިއާ އައުޓް ބެނާތައް ނެގުމަށް ކޯޓު އަމުރު ނެރުއްވި ފަނޑިޔާރަށް އިންޒާރުދިނުމުން އެ މައްސަލަ ބައްލަވައިދެއްވަން ޖޭއެސްސީން ފުލުހުންނަށް ހުށަހެޅުމުން ނައިފަރު ދާއިރާގެ މަޖިލިސް މެންބަރު އަޙްމަދު ޝިޔާމް ފާޑު ވިދާޅުވެއްޖެއެވެ.
ރައީސް ޔާމީންގެ ގެކޮޅުގައްޔާއި ޕީޕީއެމް އޮފީހުގެ އިމާރާތުގައި ދަމައިފައި ހުރި އިންޑިއާ އައުޓް ބެނާ ނަގަން އަމުރު ދެއްވި ޣާޒީ މުޙައްމަދު މިޞްބާޙުގެ ނަން ހަނދާން ނެތިދާނެތީ ޓްވީޓްކޮށްލީ ކަމަށް ބުނެ، "މަޖީދީމަގުގައި ހުރިހާ ޣައްދާރުން ވާޖަހާ ދަމަންވާނެ." ކަމަށް އައްބާސް އާދިލް ރިޒާ ކުރި ޓްވީޓްގައި ބުނެފައިވެއެވެ. އައްބާސްގެ މައްސަލަ ބަލައިދިނުމަށް އެދި ޖޭއެސްސީން މިއަދު ފުލުހުންގެ އިދާރާގައި ވަނީ އެދިފައެވެ.
މިކަމާ ގުޅިގެން މިއަދު ކުރެއްވި ޓްވީޓެއްގައި ޝިޔާމް ވިދާޅުވީ، ޖޭއެސްސީން މައްސަލަ ބަލަންވީ ޣައިރު ޤާނޫނީ އަމުރު ނެރުއްވި ފަނޑިޔާރު މައްސަލަ ކަމަށެވެ. ނަމަވެސް މިއަދު ފެންނަނީ އެކަން ގޯހޭ ވިދާޅުވި މީހާގެ މައްސަލަ ބަލާ ތަން ކަމަށް ޝިޔާމް ވިދާޅުވިއެވެ.
"ޣައްދާރުންގެ ވެރިކަން ދަމަހައްޓަން ކުރާ ޣައިރު ޤާނޫނީ އަމުރުތައް ތަންފީޒުކުރަން ޙުކުމް ނެރުއްވި ފަނޑިޔާރު މަނިކުފާނުގެ މައްސަލަ ޖޭއެސްސީއިން ބައްލަވަންވީމަ އެކަން ނުކޮށް، ޖޭއެސްސީއިން މި އެދެނީ އެ "ޣައްދާރު" މަނިކުފާނު ކުރެއްވި ގޮތް ގޯހޭ ވިދާޅުވި ފަރާތުގެ މައްސަލަ ބަލަން" އިންޑިއާ އައުޓް ހޭޝްޓެގް ޖައްސަވައި ޝިޔާމް ވިދާޅުވިއެވެ.
ބަލާ ފާސްކުރުމާ، ތަން ތަން ބަލާ ފާސްކުރުމާ، ޤާނޫނުގައި، އަދި ޤަވާއިދުގައި ވަކި ވަގުތެއް ކަނޑައަޅާފައި ނެތްކަން ބިލު ޤާނޫނަކަށް ހެއްދެވުމަށް ބަޓަނަށް ފިއްތަވާލެއްވެވި އިއްޒަތްތެރު މެމްބަރަށް އެނގިވަޑައި ނުގަތީމާ އުފެދޭ ސުވާލުތައް ހާދަހާވާ ގިނައޭ.