ޕީޕީއެމް އޮފީހުގައި ނަގައިފައި ހުރި އިންޑިއާ އައުޓް ބެނާ ނަގައިފި
ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)އޮފީހުގައި ނަގައިފައި ހުރި "އިންޑިއާ އައުޓް"ބެނާ ފުލުހުން ނަގައިފިއެވެ.
ޕީޕީއެމްގެ ތަރުޖަމާނު ހީނާ ވަލީދު ވިދާޅުވީ ފުލުހުން ބެނާ ނެގުމަށް ޕީޕީއެމް އޮފީހަށް ވަނީ ކޯޓް އަމުރެއް ވެސް ނެތި ކަމަށެވެ.
އިދިކޮޅުން ހިންގާ އިންޑިއާ އައުޓް ހަރަކާތުގެ ދަށުން ހަރުކުރި ބެނާއެއް މީގެ ކުރީން ވެސް ފުލުހުން ވަނީ ނަގައިފައެވެ. އަދި މާލޭގެ އެކި ސަރަހައްދުތަކުގައި ހަރުކޮށްފައިވާ ބެނާތައް ވެސް ފުލުހުން އަންނަނީ ނަގަމުންނެވެ.
މި ކަމާ ގުޅިގެން ޕީޕީއެމްގެ ހަރަކާތުގެ ކޮމިޓީގެ ޗެއަރމަން މުޙައްމަދު އިސްމާޢީލް މީޑިއާތަކަށް ވިދާޅުވެފައި ވަނީ އިންޑިއާ އައުޓް ހަރަކާތް ހުއްޓުވުމަށް ސަރުކާރުން ކުރަމުން އަންނަ މަސައްކަތުގެ ސަބަބުން އެކަން ނުހުއްޓުވޭނެ ކަމަށާއި އެ މަސައްކަތް ބާރަށް ކުރިއަށް ގެންދަވާނެ ކަމަށެވެ.
އިންޑިއާ އައުޓް ކެންޕެއިންގެ ދަށުން ހިންގާ ހަރަކާތްތައް ހުއްޓުވުމުގެ ގޮތުން ރައީސް ޞާލިޙް ވަނީ ރިޔާސީ ޤަރާރެއް ވެސް ނެރުއްވައިފައެވެ.
ދެންތިބެނާ ފުލުސްއޮފީހުގަ ދަމާ.