އިންޒާރު ދިނުމަށް ފަހު ރައީސް ޔާމީން ހައްޔަރުކުރަން ގޮވައިލައި ގެކޮޅު ކައިރިއަށް!
ރައީސް ޔާމީން އަބްދުލްޤައްޔޫމް "ސައިޒް"ކުރާނެ ކަމަށް ބުނެ އިންޒާރު ދިނުމަށް ފަހު، މޯލްޑިވްސް ޔޫތް ފޯސްގެ ނަމުގައި ހަރަކާތްތެރިވަމުން އަންނަ ބަޔަކު ރައީސް ޔާމީން ދިރިއުޅުއްވާ ގެކޮޅު ކައިިރީގައި މުޒާހަރާކޮށްފިއެވެ.
މި މުޒާހަރާކޮށްފައި ވަނީ މިއަދުގެ ހަވީރުގެ ވަގުތެއްގައެވެ. މުޒާހަރާގައި ގިނައިން ފެނިގެން ގޮސްފައި ވަނީ، ކުރީގެ ނައިބު ރައީސް އަޙްމަދު އަދީބުއާ ގާތް މީހުންނެވެ.
މުޒާހަރާކޮށްފައި ވަނީ ރައީސް ޔާމީން އިސްވެ ހުންނަވާ ކުރިޔަށް ގެންދަވާ "އިންޑިއާ އައުޓް" ކެންޕެއިނަކީ ޤައުމީ ސަލާމަތަށް ނުރައްކަލެއް ކަމަށް ބުނެއެވެ. މުޒާހަރާގެ ބައިވެރިން ވަނީ ރައީސް ޔާމީން އަލުން އަނބުރާ ޖަލަށް ގެންދިއުމަށް ގޮވައިލައިފައެވެ.
ރައީސް ޔާމީންގެ ގެކޮޅު ކުރި މައްޗަށް ބަޔަކު އެއްވުމާ ގުޅިގެން، ރައީސް ޔާމީނަށް ތާއީދު ކުރާ ފަރާތްތަކުން އެ ސަރަހައްދަށް ވަނީ އެއްވެފައެވެ. އެއްވި މީހުން ބުނެފައި ވަނީ މުޒާހަރާގެ ބައިވެރިންނަކީ އިންޑިއާ ހައިކޮމިޝަނުން ފޮނުވި ބައެއް ކަމަށެވެ. އެ ސަރަހައްދަށް ރައީސް ޔާމީންގެ ސަޕޯޓަރުން އެއްވާން ފެށުމުން މުޒާހަރާގެ ބައިވެރިންވަނީ އެ ސަރަަހައްދު ދޫކޮށް ގޮސްފައެވެ.
ތީތޯޮ ސަރުކާރުގެެ ސައިޒަކީ