ރައީސް ނަޝީދު ކުށްވެރިއަކަށް ހަދަން މަސައްކަތް ދަނީ ކުރަމުން: އިންތި
ހަމަލާގެ ޝިކާރަކަށްވެވަޑައިގެންފައި ވަނިކޮށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަަޝީދަކީ ކުށްވެރިޔާއަށް ހެދުމުގެ މަސައްކަތް ރޭވިގެން ކުރަމުން ގެންދާ ކަމަށް މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ (އިންތި) ވިދާޅުވެއްޖެއެވެ.
އިންތި މިހެން ވިދާޅުވީ، ރައީސް ނަޝީދަށް ދިން ބޮމުގެ ހަމަލާއަށް އަހަރެއް ފުރުމާ ގުޅިގެން މިއަދު ނެރުނު ނޫސްބަޔާނެއްގައެވެ.
އެ ބަޔާނުގައި އިންތި ވިދާޅުވީ، 6 މޭ 2021ގެ ޓެރަރިސްޓް ޙަމަލާއަށް މިއަދަށް 1 އަހަރު ފުރޭއިރު ލިބުނު ޙަޤީޤީ ހިތްހަމަޖެހުމެއް، ތަސައްލީއެއް ނެތް ކަމަށެވެ. އަދި އެމަނިކުފާނަށް އޮތް ނުރައްކާ ފިލައި ދިޔަކަމުގެ ޔަޤީންކަމެއް ނެތް ކަމަށާއި، މައްސަލައިގެ ވަށައިގެންވާ ކަންކަން ތަޙްޤީޤުން ހޯދިފައިނުވާ ކަމަށް ވިދާޅުވިއެވެ.
އިންތި ވިދާޅުވީ، ރައީސް ނަޝީދުގެ ފުރާނަފުޅަށް ނުރައްކާ ކުރުވުމަށް ގޮވައިލާ ގޮވުމާއި، އެކަމަށް ދެމުންދާ ހިތްވަރު އެއޮތް ގޮތަށް އެބައޮތް ކަމަށެވެ. އަދި ހަމަލާގެ ޝިކާރަކަށްވެވަޑައިގެންފައި ވަނިކޮށް އިތުރަށް އެ މަނިކުފާނަކީ ކުށްވެރިޔާއަށް ހެދުމުގެ މަސައްކަތް ރޭވިގެން ކުރަމުން ގެންދިޔަ ކަމަށް ވިދާޅުވިއެވެ.
އިންތިގެ ބަޔާނުގައި އިތުރަށް ވިދާޅުވީ، ހަމަލާގެ ބިރުވެރިކަމާއި ސީރިއަސްކަން ކަނޑުވައިލައި، ހަނދާނުން ދޫކޮށްލުމަށް ކުރާކަންކަން ވެސް ހިނގާ ކަމަށެވެ. އަދި އެ ކަމާ ކަންބޮޑުވާ ކަމަށް ވިދާޅުވިއެވެ.
އޮޅިގެންވެސް ތިޔަ ބުނަން އުޅޭ ވާހަކައިގެ ހަގީގަތް ހާމަވެއްޖެ ނަމަ މަ ހާދަ އުފާ ވާނެއޭ…. ބަލަ “ފަތުއަޑު ކިޔާކަހަލަ ސްޓަންޓެއް ޖައްސާނެ ގޮތެއް ހަދަންވީ” މިހެން ބުނި މީހާ އެބުނީ ކީކޭތަ މާލިމީ އިބްރަހިމް ކާރަިގަ. ދީނާ ބެހެން ހަދައިގެން އަންނިގެ ތާއީދު ގެއްލި އިބޫއަށް މީހުން ތާއީދު ކުރަންފެށި ހިސާބުން، އަންނި ސްޓަންޓެއް ޖައްސާފަ އިބޫ ދެކެ މީހުން ނަފްރަތު ކުރުވަން އުޅޭނެ ކަމެއް ނެތް!
އަންނިއެއްނު. ތީނަ އަމިއްލައަށްވެސް ކޮށްފާނެ ސިމްޕަތީ ހޯދަން
އަންނިއަކީ އެތައް ކުށެއް ކޮށްފައިހުރި މީހެއް. ޤާނޫނާ ޚިލާފަށް ފަނޑިޔާރަކު ހައްޔަރުކޮށް، ސުޕްރީމް ކޯޓުގައި ތަޅު އަޅުވައި، ދައުލަތުގެ އެތައް މިލިއަން ރުފިޔާއެއްގެ މުދަލުގައި ހުޅުޖެހުމަށް ވާގިދީ، ރައްޔިތުންގެ އެއަރޕޯޓް ދައުލަތަށް ގެއްލުންވާ ގޮތަށް ބޭރު ބަޔަކަށްދީ، ގައުމުގެ ބައެއް ތަންތަން ބޭރު ގައުމެއްގެ ސިފައިންނަށް ދީ، އިސްލާމް ދީނާ ޚިލާފު އެތައް ވާހަކައެއް ދައްކާފައި ހުރި މީހެއް އެއީ.
ކުއްވެރިއަކު ވާނީ ހަމަ ކުއްވެރިއަކަށް
ފަންޑު ކުރިނަމަ ކުރީ އަމިއްލައަށް ކަމަށް ބުރަވެވޭ 2 ސަބަބު:
1. ދީނަށް ހަޖޫޖެހި މައްސަލާގަ އަންނި ދެކެ ގައުމުގެ މެޖޯރިޓީ މުޅިން ފޫހި ވެއްޖެކަން އަންނިއަށް އެނގުމުން، ހަމްދަރުދީ ހޯދުމަށްޓަކައި ގާތް ރަހުމަތްތެރިއެއްގެ ގާތު ފަތުއަޑު ކިޔާވަރުގެ މިޝަންއެއްކުޅެން/ ސްޓަންޓެއް ޖައްސަން އެބަޖެހޭ ކަމަށް އަންނި ބުނުން.
2. އަފްރާޝީމް މަރާލީ ދީނީގޮތުން ހަރުކަށި ފިކުރުގެ ބައެއްކަމަށާ އެއީ ފަންޑުކުރި ސިޔާސީ ކޭސްއެއް ނޫން ކަމަށް އަންނި ބޭރުގެ މީޑިއާތަކަށް އަރައި ވާހަކަ ދައްކާފައިވާތި، އަދި އަންނިއަށް ދިން އެޓޭކަކީ ދީނީ ހަރުކަށި ބަޔަކު އަންނި މަރާލަން ދިން ޓެރަރިޒަމްގެ ހަމަލާއެއް ކަމަށް އަންނި ބުނެފައިވުމުން ، ދެން ފަހެ، އެމާނަކުރާ ދީނީ ހަރުކަށި މީހުންނަކީ ﷲގެ މަދަދަށް އެދި ޖިހާދު ކުރުމުގެ ނިޔަތުގަ ހަމަލާދޭ މީހުންނެވެ. އާޚިރަތަށް ޓަކައެވެ. ފައިސާއަށްޓަކައި ދުނިޔަވީ ފައިދާއަށް ކަންތައްކުރާ ބައެއް ނޫނެވެ. ހަމައެހެންމެ އެމްޑީޕީގެ މެމްބަރުންނަށް އަންނި އަކީ ވެރިކަމަށް ކުފޫ ހަމަނުވާ މީހެއްކަން ކަށަވަރުވެ އެމީހުންގެ ތާއީދު އިބޫއަށް އޮތުމުންނާ، އަންނި ބޭނުންވެގެން މިދިޔަ ދައުރުގަ އެޕާޓީން ނިންމި ގައުމީ މަޖިލީހުގެ ގަރާރުން މިފަހަރު އިބޫ ކުރިމަތިލާނަމަ ރިޔާސީ ޓިކެޓް ލިބުމުގެ ދޮރު އަންނިއަށް މުޅިން ބަންދުވާތީ، އަންނި އަކީ ސިޔާސީ އޮޑީގައި މާމުހިއްމު މީހެއް ނޫނެވެ. ވީމާ ސިޔާސީ މައިދާނުގަ އަންނި ކަހަަލަ ބޭކާރު މީހަކު މަރާލަން ފަންޑު ކުރާނީ މޮޔައެކެވެ. ވީމާ ފަންޑު ކުރާނެ އެފަދަ މީހަކު ނެތެވެ.
ވީމާ ދަންނަވަމެވެ. ރައްޔިތުންގެ ފައިސާ ބޭކާރު ކޮށްލަން އިތުރު ތަހުގީގު ޓީމުތައް ގެނެސް ޚަރަދުތައް ކުރުމުގެ ބަދަލުގަ، ކޯޓުގަ ހުރި ތިޔަފަދަ މައްސަލަތައް އަވަހަށް ނިންމާށެވެ. ތިޔަށްވުރެ މާދުވަސްވީ، މާނުރައްކާތެރި މައްސަލަތައްވެސް އެތިބީ ވަޅުޖެހިފައެވެ. ނުވަތަ ކުރިޔަށް ދަނީ ފިރުކެމުންނެވެ. އިންސާފަކީ ކޮންމެ އަޅަކަށްވެސް ލިބެންޖެހޭނެ އެއްޗެކެވެ.