ލަންކާގެ އެންމެ ދަތި ހާލުގައި، އެންމެ ގާތުގައި އިންޑިއާ!

ލަންކާގެ އިޤްތިޞާދީ ދަތި ކަމުގެ ވާހަކަ މިއަދު ދިވެހިންނަކަށް އަލަށް ނޫނެވެ. ލަންކާއަށް އެހީވުމަށް، އަމިއްލަފުޅަށް އެދިގެން ނަމަވެސް ރާއްޖެ މަޖިލީހުގެ ރައީސް ނަޝީދު ލަންކާއަށް ވަޑައިގަތުމާއި، ޓެކްސް ނެގުން މަދުކޮށްފިނަމަ ލަންކާގެ ހާލަތަށް ރާއްޖެ ގޮސްފާނެ ކަމަށް ރާއްޖޭގެ ގަވަރުނަރު ބުނި ޚަބަރާއެކު ދިވެހިންގެ ލޯ ވެސް ލަންކާއަށް މިއަދު މިވަނީ ހުއްޓިފައެވެ. ނަމަވެސް މިއަދު ދައްކަން މިއުޅެނީ މި ވާހަކައެއް ނޫނެވެ. ލަންކާ މިއަދު ވެއްޓިފައިވާ ހާލަތަށް ދިޔަ އޮތް ތަންކޮޅެއް ފަހުގައި ގެނައުމަށް ގަސްދުކޮށް، މިއަދު ލަންކާ އެންމެ ބޭނުންވި ދުވަހު މަދަދު ގާރަކަށްވި ޤައުމުތަކުގެ ވާހަކަ ދައްކާލަން ހިނގާށެވެ.

އިޤްތިޞާދީ ގޮތުން ދެކުނު އޭޝިއާގައި އެންމެ ވަރުގަދަ ޤައުމަކީ އަވައްޓެރި އިންޑިއާއެވެ. އިޤްތިޞާދީ ގޮތުންނާއި އަސްކރީ ގޮތުންނެވެ. ލަންކާއަށް ދިމާވި އިޤްތިޞާދީ ހާލަތުގެ ނާޒާއިޒު ބޭނުންހިފާ، އިންޑިއާއިން ލަންކާގެ ޚާރިޖީ ކަންކަމަށް އަތްގަދަ ކުރާނެ ކަމަށް ވާހަކަ ދެކެވެން ފެށީ މި ސަބަބާހުރެ ކަމަށްވެދާނެއެވެ. ނޫނީ، މިގޮތަށް ވާހަކަ ދެކެވުނީ ލަންކާ މިއަދު އޮތީ ބަނޑަށް ޖެހިފައެވެ. މިނިވަން ލިބުނުފަހުން އިޤްތިޞާދު ނުވެއްޓޭހާ ބޮޑު އަޑި ގަނޑަކަށް ވެއްޓިފައެވެ. އެތަނުގައި ޒަރޫރަތްތައް ފުއްދާނެ ގޮތެއް ނެތެވެ. މުޅި ޤައުމު ދެފައި މައްޗަށް ވެއްޓި އާދޭސް ކުރަނީނެވެ.

މިފަދަ ޚައްސާސް ދަނޑިވަޅެއްގައި ލަންކާގެ އެންމެ ގާތް އެކުވެރިޔަކަށް، އެހީތެރިއަކަށް އޮތީ އިންޑިއާއެވެ. އިންޑިއާއިން ގެންގުޅޭ ނެއިބާ ފަސްޓް ޕޮލިސީ އިން މިއަދު ލަންކާގެ އެތައް ފުރާނައެއް ދަނީ ސަލާމަތް ކުރަމުންނެވެ.

މުހިންމު ގުޅުމެއް، ދައްކައިދިނީ ސާބިތުކަން

ވޭތުވެދިޔަ 15 އަހަރު ދުވަހު އިންޑިއާއާއި ޗައިނާއިން ވަނީ އިންޑިއާ ކަނޑުގައި ސްޓްރެޓެޖިކް ލޮކޭޝަންގެ ސަބަބުން ލަންކާއާއެކު ޑިޕްލޮމެޓިކް އަދި ވިޔަފާރީގެ ގޮތުން ރަނގަޅު ގުޅުމެއް ގާއިމް ކުރުމަށް ވާދަކޮށްފައެވެ.

މިކަމުގައި ޗައިނާއިން އިންޑިއާއަށް ވުރެ ކުރިއަރާފައިވާ ކަމަށް ދެއްކި ނަމަވެސް، ލަންކާގައި އުފެދުނު އިގްތިސާދީ އަދި ސިޔާސީ ހަލަބޮލިކަމާއެކު އިންޑިއާއިން ބާއްވަމުން އަންނަ ގާތް ގުޅުމުގެ ސަބަބުން މިއަދު މަންޒަރު ވަނީ އަނެއްކޮޅަށް ޖެހިފައެވެ. އިންޑިއާ އިން ގެންގުޅެމުން އަންނަ ޚާރިޖީ ސިޔާސަތައް މުޅި ދުނިޔޭގެ ތައުރީފް ވަނީ އޮހިފައެވެ.

އިންޑިއާއަކީ މީގެ ކުރިން ލަންކާއަށް ބޮޑު ލޯނު ދޫކުރި ގައުމެއް ނޫނެވެ. 2019 ވަނަ އަހަރު ނިމުނުއިރު ލަންކާގެ ބޭރުގެ ދަރަނީގެ %10 އަށް ވުރެ ތަންކޮޅެއް ބޮޑު ހިއްސާއެއް އޮތް ޗައިނާއަށެވެ. އިޤްތިޞާދީ ހާލަތު ދަށްވާން މެދުވެރިވި އެއް ސަބަބަކީ އަނބުރާ ނުދެއްކޭ ވަރަށް ޗައިނާއިން ނަގަމުން ދިޔަ ލޯނުތަކެވެ.

އިގްތިސާދީ ދަތިކަމަށް މިސްރާބު ޖަހާފައިވަނިކޮށް، 2021 ވަނަ އަހަރުގެ ކުރީކޮޅު، ލަންކާގެ ބޭރު ފައިސާގެ ދަތިކަން ހައްލުކުރުމަށް ލަންކާ ސަރުކާރުން ވަނީ 10 ބިލިއަން ޔުއާން (148 މިލިއަން ޑޮލަރު؛ 119 މިލިއަން ޕައުންޑް) ގެ ފައިސާ ބަދަލުކުރުމުގެ ފެސިލިޓީއެއްގައި ވެސް ސޮއިކޮށްފައެވެ.

އެކަމަކު މިހާރު އިންޑިއާ ދަނީ މަޑުމަޑުން ލަންކާއަށް އެހީ ފޯރުކޮށްދޭ އެންމެ ބޮޑު އެއް ގައުމަކަށް މިސްރާބް ޖަހަމުންނެވެ.

ކޮލަމްބޯގެ ބޭރުގެ ދަރަނީގެ ގޮތުގައި 51 ބިލިއަން ޑޮލަރު (39 ބިލިއަން ޕައުންޑް) ލިބިއްޖެ އެވެ. މިއަހަރު މި ދަރަނިތަކަށް ޚިދުމަތް ދިނުމަށް 7 ބިލިއަން ޑޮލަރު (5.4 ބިލިއަން ޕައުންޑް) ދައްކަން ޖެހޭއިރު، ކުރިއަށް އޮތް އަހަރުތަކުގައި ވެސް މިފަދަ އަދަދުތަކެއް ދައްކަން ޖެހޭނެ އެވެ.

ކޮލަމްބޯގެ ބޭރުގެ ދަރަނީގެ ގޮތުގައި 51 ބިލިއަން ޑޮލަރު (39 ބިލިއަން ޕައުންޑް) މިހާރު ވަނީ އަރާފައެވެ. މި އަހަރު މި ދަރަނިތަކުގެ ތެރެއިން 7 ބިލިއަން ޑޮލަރު (5.4 ބިލިއަން ޕައުންޑް) ދައްކަން ޖެހޭއިރު، ކުރިއަށް އޮތް އަހަރުތަކުގައި ވެސް މިފަދަ އަދަދުތަކެއް ދައްކަން ޖެހޭނެއެވެ.

އަދި އެގައުމުން ދަނީ ތެޔޮ ފަދަ މުހިއްމު މުދާ އެތެރެކުރުމަށް ފައިސާ ދެއްކުމަށް ތިން ބިލިއަން ޑޮލަރުގެ އެމަޖެންސީ ލޯނު ވެސް ހޯދަމުންނެވެ.

ވޯލްޑް ބޭންކުން 600 މިލިއަން ޑޮލަރު ލޯނު ދިނުމަށް އެއްބަސްވެފައިވާއިރު، އިންޑިއާއިން ވަނީ 1.9 ބިލިއަން ޑޮލަރު ކޮމިޓްވެ، އިމްޕޯޓް ކުރުމަށް އިތުރު 1.5 ބިލިއަން ޑޮލަރު ލޯނު ދޭން ވަނީ ނިންމާފައެވެ.

މީގެ އިތުރުން ދިއްލީން ވަނީ 65،000 ޓަނުގެ ގަސް ގާނާއާއި އާއި 400،000 ޓަނުގެ ތެޔޮ ވެސް ލަންކާއަށް ފޯރުކޮށްދީފައެވެ. އަދި މެއި މަހުގެ ފަހުކޮޅު އިތުރު ތެޔޮ ޝިޕްމަންޓް ކުރާނެ ކަމަށް ބެލެވެ އެވެ.

މީގެ އިތުރުން، މިމަހު 22 ވަނަ ދުވަހު އިންޑިއާއިން ވަނީ 2 ބިލިޔަން ރުޕީސްގެ ސާމާނު ފޯރުކޮށްދީފައެވެ. އެއީ، 9,000 ޓަނުގެ ހަނޑުލާއި، 50 ޓަނުގެ ކިރާއި ޓަނުގެ ބޭހެވެ.

ޗައިނާއިން އަތް އުރާލައިގެން؟

މިއަދު ލަންކާ ވެއްޓިފައިވާ އިޤްތިޞާދީ ވަޅުގަނޑުގެ އެއް ސަބަބަކީ ޗައިނާއެވެ.

މަހިންދާ ރާޖަޕަކްސާ 2005 ވަނަ އަހަރު ރައީސްކަމާ ހަވާލުވުމަށް ފަހު ޗައިނާއާއެކު ވަރަށް ގާތް ގުޅުންތަކެއް ވަނީ ބާއްވާފައެވެ.

މިގޮތުން ގިނަ އިންފްރާސްޓްރަކްޗާ މަޝްރޫއުތައް - އޭގެ ތެރޭގައި އެތައް ބިލިއަން ޑޮލަރުގެ ހަމްބަންޓޯޓާ ބަނދަރާއި ކޮލަމްބޯ-ގަލް އެކްސްޕްރެސްވޭ ހިމެނޭ ގޮތަށް - ޗައިނާއާ ހަވާލުކުރި އެވެ.

ޗައިނާގެ ރައީސް ޝީ ޖިންޕިންގް 2014 ވަނަ އަހަރު ކޮލަމްބޯއަށް ކުރެއްވި ފުރަތަމަ ދަތުރުފުޅަކީ ވެސް އެ ދެ ޤައުމުގެ ގުޅުމުގެ ރަމްޒެކެވެ.

ލަންކާއިން ޗައިނާއަށް 6.5 ބިލިއަން ޑޮލަރު ދައްކަންޖެހޭއިރު، އެ ދަރަނި އަދާކުރަން ޖެހޭ ގޮތް އަލުން މަޝްވަރާތައް ދަނީ ކުރަމުންނެވެ.

މީގެ ކުރިން ޗައިނާއިން ވަނީ ޔުއާން އަށް ރުޕީސް ބަދަލުކޮށްގެން ލަންކާގެ ބޭރު ފައިސާގެ ރިޒާވް ވަރުގަދަ ކުރުމަށް އެއްބަސްވެފައެވެ. ނަމަވެސް އޭގެ ފަހުން ކޮލަމްބޯ އިން ންޓަނޭޝަނަލް މަނިޓަރީ ފަންޑު (އައިއެމްއެފް) އެހީއަށް އެދުމުން ޗައިނާއިން ވަނީ އެކަމާ ނުރުުހުން ފާޅުކޮށްފައެވެ. އިޤްތިޞާދީ ބޮޑު އަދަވަޅެއްގައި މިއަދު ލަންކާ އޮތްއިރު، ޗައިނާއިން އޮތީ އަތް އުރާލައިގެންނެވެ.