ޔާސިރުގެ މަރުގެ ޒިންމާ ދައުލަތުން ނަގަން ޖެހޭނެ: އަލީ ހުސެއިން
ރާއްޖޭގައި ދިރިއުޅެމުން އަންނަނިކޮށް ހައްޔަރުކޮށްފައި ހުއްޓައި މަރުވި ޔަމަނުގެ ރައްޔިތެއް ކަމުގައިވާ ޔާސިރު ޔަހްޔާގެ މަރުގެ ޒިންމާ ދައުލަތުން ނަގަން ޖެހޭނެ ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިން ވިދާޅުވެއްޖެ އެވެ.
ބަނޑުހައިހޫނުކަމުގެ ހަޅުތާލުކޮށް، ހާލު ދެރަވެގެން އައިޖީއެމްއެޗުގައި މިދިޔަ މަހުގެ 21 ވަނަ ދުވަހު އެޑްމިޓްކުރި ޔާސިރު މަރުވެފައިވަނީ މިދިޔަ އާދީއްތަ ދުވަހުއެވެ.
ޔާސިރު ހައްޔަރުކޮށްފައިވަނީ 2017 ވަނަ އަހަރު ކަމަށްވާއިރު، އޭނާ ބަންދުކޮށްފައި ހުރީ ހުޅުމާލޭ ޑިޓެންޝަން ސެންޓަރުގައެވެ. އޭނާ މައްޗަށް ތުހުމަތު ކޮށްފައިވަނީ ޓެރަރިސްޓް ޖަމާއަތަކާ ގުޅިގެން ހަނގުރާމަތަކަށް ރާއްޖެއިން މީހުން ފޮނުވާކަމުގެ ތުހުމަތެވެ.
ގިނަ ތުހުމަތުތަކެއް ޔާސިރުގެ މައްޗަށް ކުރި ނަމަވެސް، ތުހުމަތުކުރާ އެއްވެސް މައްސަލައެއްގައި ދައުލަތުން ޔާސިރުގެ މައްޗަށް އެއްވެސް ދައުވާއެއް އުފުލާފައެއް ނުވެއެވެ.
އެކަމާ ގުޅިގެން އަލީ ހުސެއިން ކުރެއްވި ޓުވީޓެއްގައި ވިދާޅުވީ، ކުރި ދައުވާއެއް ނުވަތަ ހުކުމެއް ނެތި އިންސާނަކު ޖަލެއްގައި ބަންދުކޮށްގެން ގެންގުޅުމަކީ ލާއިންސާނީ ބޮޑު އަނިޔާއެއް ކަމަށެވެ.
"އެފަދަ އަނިޔާއަށް ކެތްނުކުރެވިގެން އުޅެނިކޮށް އޭނާގެ ފުރާނަ ދިއުމުން އެކަމުގެ ޒިންމާ އެ ޖަލު ހިންގާ ދައުލަތަކުން ނަގަންޖެހޭނެ." އަލީ ހުސެއިން ވިދާޅުވިއެވެ.
ސިރަކީ ނުރައްކާތެރި ޓެރަރިސްޓު ޖަމާއަތް ކަމަށްވާ، އަލްގައިދާ ޖަމާއަތުގެ އިސް ދައުރެއް އަދާކުރަމުން އަންނަ އެ ޖަމާއަތުން ހިންގާ މަތީ ފެންވަރުގެ ޓެރަރިސްޓް ތަމްރީނުތައް ފުރިހަމަކޮށްފައިވާ މީހެއް ކަމަށް ދިވެހި ސަރުކާރުން ވަނީ ބުނެފައެވެ.
އަދި ދުނިޔޭގެ އެކި ކަންކޮޅުތަކުގައި އެޖަމާއަތުން ހިންގާ ހަރަކާތްތައް ރާވައި ވިލަރެސް ކުރުމުގެ އިތުރުން ޓެރަރިޒަމާ ގުޅުންހުރި މައްސަލަތަކުގައި ފުލުހުން ތަހުގީގު ކޮށްފއިވާ ދިވެހިންނާ އޭނާ ގުޅުން ބަދަހިކޮށްފައިވާ ކަމަށްވެސް ބުނެފައި ވެއެވެ. ނަމަވެސް ދިވެހި ސަރުކާރުން ކުރަމުންދާ މި ތުހުމަތުތައް ޔާސިރުގެ އާއިލާ އިން ރޭ ވަނީ ދޮގުކޮށްފައެވެ.
ޔާސިރު ވަނީ އޭނާގެ ކަންބޮޑުވުންތައް ހިއްސާކޮށް ރައީސް އިބްރާހިމް މުހައްމަދު ސޯލިހު އަށް ސިޓީއެއްވެސް މީގެ ކުރިން ލިޔެފައެވެ. އަދި އޭނާގެ އަންހެނުން ވަނީ ޔާސިރުގެ ހާލަތު ބަޔާންކޮށް ހިއުމަތް ރައިޓްސް ކޮމިޝަނަށް ވެސް ސިޓީއެއް ފޮނުވާފައެވެ.
Thimeehaa.raahjein.fonuvaanulaa.behehtee.keehkurantha.eynaruhunas nuruhunas.evaruge.nurahkaameehaku.behehteema.kamunudhanee.
zinmaa nagan jehey faraai bunedhen engunee maruveematho thee kaleymenge fenvaru. emeehaa fakeeru thi aharu e jalu therey thelhuvi iru zinmaa kobaitho.thi befulhaa eyru dhuniyega noolhuvaneetho…