ސަސްޕެންޝަނުގައި ދޮޅު އަހަރު: ސާޖެންޓް އެޓް އާމްސް ވަކިކުރަނީ

ސަސްޕެންޝަނުގައި ހުންނަތާ ދޮޅު އަހަރު ފަހުން ރައްޔިތުން މަޖިލީހުގެ ސާޖެންޓް އެޓް އާމްސް މުޙައްމަދު ޙަލީމް ވަކިކުރުމުގެ މަސައްކަތް ފަށައިފިއެވެ.

Ads by Hajj Corporation

2013 ވަނަ އަހަރު މަޖިލީހުގެ ސާޖެންޓް އެޓް އާމްސް މަޤާމު އުފެއްދީއްސުރެ އެ މަޤާމު އަދާކުރައްވަމުން އަންނަ ޙަލީމް ވަކިކުރުމުގެ މައްސަލަ މިއަދު ވަނީ މަޖިލީހުގައި އެޖެންޑާކޮށްފައެވެ.

މަޖިލީހުން ބަލަމުންދާ މައްސަލައަކާ ގުޅިގެން ޙަލީމް ސަސްޕެންޑްކުރީ މިދިޔަ އަހަރު ޖެނުއަރީގައެވެ. ނަމަވެސް މިހާތަނަށް އެ މައްސަލައާ ބެހޭ ތަފްސީލެއް މަޖިލީހުން ހާމައެއް ނުކުރެއެވެ.

މަޢުލޫމާތު ލިބޭ ގޮތުން ޙަލީމް ސަސްޕެންޑްކުރީ މަޖިލީހުގެ ރައީސާއި ނައިބު ރައީސްގެ ކޮޓަރި ބަގުކުރަން އުޅުނުކަމުގެ ތުހުމަތުގައެވެ.