ދީނީ ޢިލްމުވެރިޔާ ޑރ.ޤަރްޟާވީގެ މައްޗަށް މުޅި ރާއްޖޭގައި މާދަމާ ކަށުނަމާދު ކުރަނީ
މަޝްހޫރު ދީނީ ޢިލްމުވެރިޔާ ޑރ.ޤަރްޟާވީގެ މައްޗަށް ރާއްޖޭގައި މާދަމާ ހުކުރު ނަމާދަށްފަހު ޣައިބަށް ކަށު ނަމާދުކުރަން އިސްލާމިކް މިނިސްޓްރީން ނިންމައިފިއެވެ.
އުމުރުފުޅުން 96 އަހަރުގެ ޤަރްޟާވީ އަވަހާރަވީ މި މަހުގެ 26 ގައި ޤަތަރުގައެވެ.
އިސްލާމިކް މިނިސްޓްރީން ނެރުނު ސާރކިއުލާއެއްގައި ބުނީ ރާއްޖޭގައި މީހުން ދިރިއުޅޭ ހުރިހާ ރަށެއްގައި ވެސް މާދަމާ ހުކުރު ނަމާދަށްފަހު ޤަރްޟާވީގެ މައްޗަށް ކަށު ނަމާދުކުރަން ނިންމާފައިވާތީ ހުކުރު ކުރާ ހުރިހާ މިސްކިތެއްގައި ވެސް އެ އިންތިޒާމު ހަމަޖެއްސުމަށް އެދޭ ކަމަށެވެ.
އިސްލާމްދީނަށް ގިނަގުނަ ޚިދުމަތްތަކެއް ކުރެއްވި އުފަންވެވަޑައިގެންނެވީ 1926 ސެޕްޓެމްބަރު 09 ގައި މިޞްރުގައެވެ. މިޞްރަށް އުފަންވެވަޑައިގެންނެވި ނަމަވެސް ދިރިއުޅުއްވީ ޤަތަރުގައެވެ. ޤަރްޟާވީ ވަނީ 120 އަށްވުރެ ގިނަ ފޮތް އެކުލަވައިލައްވައި ޝާއިޢުކުރައްވާފައެވެ.
ރާއްޖެ ކުރިޔަސް ވާނެ ފައައިދާޔެއް ނޮންނާނެ