ޕީޕީއެމް މުޒާހަރާގެ ތެރެއިން ހައްޔަރުކުރި 10 މީހުންގެ ތެރެއިން 9 މީހަކު ދޫކޮށްލައިފި
މަސްވެރިންގެ ހައްގުގައި "ލޭނާރު" ގެ ނަމުގައި އިއްޔެ ހަވީރު އިދިކޮޅުން ކުރި އިހްތިޖާޖުގެ ތެރެއިން ހައްޔަރުކުރި 10 މީހުންގެ 9 މީހަކު ދޫކޮށްލައިފިއެވެ.
ޕީޕީއެމުން ވިދާޅުވީ އިއްޔެ ކުރިއަށް ގެންދިޔަ އިހުތިޖާޖުގެ ތެރެއިން ހައްޔަރުކުރި 7 އަންހެނުންނާއި 3 ފިރިހެނުންގެ ތެރެއިން މިއަދު 9 މީހުން ދޫކޮށްލާފައިވާ ކަމަށެވެ.
ބަންދުގައި މިވަގުތު ހުރީ ޕީޕީއެމްގެ ޔޫތު މެންބަރު އަލީ އިޒްހާން ކަމަށާއި އޭނާގެ ބަންދަށް 3 ދުވަސް ޖަހާފައިވާ ކަމަށް ޕީޕީއެމް އިން ވިދާޅުވިއެވެ.
އިދިކޮޅު އިސް ބޭފުޅުންވެސް ބައިވެރިވެވަޑައިގެން އިއްޔެ ކުރިއަށްގެންދިޔަ އެ މުޒާހަރާ ހުއްޓުވުމަށް ފުލުހުން ވަނީ ކަރުނަ ގޭސް ބޭނުންކޮށްފައެވެ. މީގެ އިތުރުން މާރުކޭޓް ކައިރީގައި އެކި ޝުއޫރުތައް ފާޅުކުރުމަށް ފަހު އެމްއެމްއޭ ދިމާލަށް މުޒާހަރާގެ ބައިވެރިން މިސްރާބު ޖެހުމުން އެ ސަރަހައްދުން އިތުރަށް ކުރިއަށް ނުދެވޭނެ ގޮތަށް ފުލުހުން އޮތީ މަގު ބަންދުކޮށްފައެވެ.
"ލޭނާރު" ގެ ނަމުގައި ބޭއްވި އެ މުޒާހަރާގެ ބައިވެރިންގެ މައިގަނޑު ކަންބޮޑުވުމަކީ މި ސަރުކާރުން މަސްވެރިންނަށްވި ވައުދުތައް ނުފުއްދާ މަސްވެރިން ބާކީކޮށްލި ކަމުގެ ޝަކުވާއެވެ.
ޕީޕީއެމުން ވިދާޅުވީ ކުރިއަށް އޮތް ތަނުގައި މިފަދަ ގިނަ މުޒާހަރާތަކެއް ފެނިގެންދާނެކަމަށާއި ވަކިން ޚާއްސަކޮށް ސަރުކާރުން ވެފައިވާ ވައުދުތަކާއި، ނުފުއްދިހުރި ވައުދުތައް ސަރުކާރަށް ހަދާން ކޮށްދިނުމަށް އެއްވުންތައް ބާއްވާނެކަމަށެެވެ.
ޔޯގާ އެއްވުމުގެ ތެރެއިން ހައްޔަރު ކުރި އެންމެނަށް ދައުވާ ކޮށްފަ މިއެއްވުމުގެ ހައްޔަރުކުރި މީހުން ދޫކޮށްލަނީ ދައުވާވެސް ނުކޮށް މީތޯ އިންސާފަކީ !