އައްޑޫ ޑިޓެންޝަން ސެންޓަރުތަކުގައި ހުރި މައްސަލަތައް 241 ކޮމެޓީއަށް

އައްޑޫ ސިޓީގައި ގާއިމްކޮށްފައިވާ ފުލުހުންގެ ޑިޓެންޝަން ސެންޓަރުތަކުގެ ހާލަތު ބަލައި، ރަނގަޅު ކުރަން ހުރި ކަންކަން ރައްޔިތުންގެ މަޖިލީހުގެ ސަލާމަތީ ޚިދުމަތްތަކުގެ ކޮމިޓީން ބަލައިފިއެވެ.

Ads by STELCO

241 ކޮމެޓީގެ މުޤައްރިރު މުޙައްމަދު އަސްލަމް ވިދާޅުވީ އައްޑޫ ސިޓީގައި ފުލުހުންދޭ ޚިދުމަތްތަކާ ގުޅޭގޮތުންނާއި ދިވެހިރާއްޖޭގެ ޖަލުތަކުގެ ޙާލަތު ދެނެގަތުމުގެ ގޮތުން، އައްޑޫ ސިޓީ ކައުންސިލާ ބައްދަލުކޮށްފައިވާ ކަމަށެވެ.

އެގޮތުން އެންމެ ބޮޑު މައްސަލައެއްގެ ގޮތުގައި ފާހަގަވީ ސެންޓަރުތަކުގައާއި، އައްޑޫ ސިޓީގައި ހަރަކާތްތެރިވާ ފުލުހުންނަށް ބޭނުންވާ ވަސީލަތްތައް މަދުވުން ކަމަށް އަސްލަމް ވިދާޅުވިއެވެ.

މީގެ އިތުރުން ބައެއް ސެންޓަރުތަކުގައި ބޮޑެތި ކުށްތަކުގެ ތުހުމަތުގައި ހައްޔަރުކޮށްފައިވާ މީހުންވެސް ބަންދުގައި ތިބިކަން ފާހަގަވެފައިވާކަމަށް އަސްލަމް ވިދާޅުވިއެވެ.

އަސްލަމް ވިދާޅުވީ މީގެ އިތުރުންވެސް ފާހަގަވި ކަންކަން 241 ކޮމެޓީން އެކުލަވާލާ ރިޕޯޓުގައި ހިމަނާނެކަމަށާއި މިކަންކަން އިސްލާހުކުރުމަށް މަސައްކަތްތައް ކުރަމުންދާނެ ކަމަށް އަސްލަމް ވިދާޅުވިއެވެ.