ކިތަންމެ ކުޑަ އާމްދަނީއެއް ލިބޭ ވަޒީފާއެއްވިޔަސް އަދާކުރައްވާ، މިކަމުން މުޖުތަމައުގެ އެތައް މައްސަލައެއް ހައްލުވާނެ: ރައީސް ޞާލިޙް
ކިތަންމެ ކުޑަ އާމްދަނީއެއް ލިބޭ ވަޒީފާއެއްވިޔަސް އަދާކުރެއްވުމަށާއި އެކަމުގެ ސަބަބުން މުޖުތަމައުގެ އެތައް މައްސަލައެއް ހައްލުވެގެންދާނެ ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
ރައީސް ޞާލިޙް މިފަދައިން ވިދާޅުވީ މުޖުތަމައަށް ފައިދާ ހުރި މަސައްކަތްތައް ކުރަމުން އަންނަ ޒުވާނުންނަށް ދޭ އެވޯޑު ދިނުމަށް މިރޭ ސޯޝަލް ސެންޓަރުގައި ބޭއްވި ޖަލްސާގައި ވާހަކަފުޅުދައްކަވަމުންނެވެ.
ރައީސް ޞާލީހް ވިދާޅުވީ ވަޒީފާއެއް ނެތި ހުރުމުން ލިބޭ ނުތަނަވަސްކަން ދޫކޮށްލުން މުހިންމު ކަމަށެވެ. އަދި ކިތަންމެ ކުޑަ އާމްދަނީއެއް ލިބޭ ވަޒީފާއަކުންވެސް މުޅި މުޖްތަމައަށް ކުރާނެ ފައިދާ ބޮޑު ކަމަށާއި މިކަމުގެ ސަބަބުން އިޖްތިމާޢީ ގިނަ މައްސަލަތައް ހައްލުވެގެންދާނެ ކަމަށް ރައީސް ވިދާޅުވިއެވެ.
“ކިތަންމެ ކުޑަ އާމްދަނީއެއް ލިބޭ ވަޒީފާއަކުންވެސް އަމިއްލަ ފުދުންތެރިމުގެ ހޯދޭތޯ ބަލަމާ ހިނގާ. އެއީ ޒުވާނުންނަށް ވެސް އަދި މުޅި މުޖްތަމަޢަށް ވެސް ލިބޭނެ ވަރަށް ބޮޑު ފައިދާއަކަށް ވާނެ” ރައީސް ޞާލިހް ވިދާޅުވިއެވެ.
ރައީސް ވިދާޅުވީ މިކަމުގެ ސަބަބުން މުޖްތަމަޢުގައި ޒުވާނުން އެކަހެރިވުން ހުއްޓުވައި ކުށުގެ ވެއްޓާވެސް ދުރުކޮށްދޭނެ ކަމަށެވެ. އަދި އެންމެ މުހިންމު ކަމަކީ އެކަކު އަނެކެއްގެ މާލީ އެހީތެރިކަމަށް ބަރޯސާ ވާންޖެހޭ މިންވަރު ކުޑަވުން ކަމަށްވެސް ރައީސް ޞާލިޙް ވިދާޅުވިއެވެ.
ދިވެހި ކުންފުނި ތަކަކީ ރާއްޖެއާއި ރާއްޖޭގެ ރައްޔިތުންނަށް ހެޔުއެދިގެން އުޅޭބަޔެއްނޫން އެމީހުން އުޅެނީ އެމީހުންގެ އަމިއްލަ މަސްލަހަތުގައި، އެހެންވެ ކުޑަ މުސާރައިގެ ވަޒީފާވެސް ދެނީ ބޭރުމީހުނަށް ދިވެހިންނަށް އަދާކުރެވެން ހުންނަ ވަޒީފާތަށްވެސް، މިއަދު ދިވެހި ގިނަ ކުންފުނި ތަކުގައި ގިނައީ ބިދޭސީން ދޭސީން ނަށްވުރެން ، ދެން ކިހިނަކުން ޤައުމު ތަރައްޤީވާނީ !
ދިވެހި ކުންފުނި ތަކަކީ ރާއްޖެއާއި ރާއްޖޭގެ ރައްޔިތުންނަށް ހެޔުއެދިގެން އުޅޭބަޔެއްނޫން އެމީހުން އުޅެނީ އެމީހުންގެ އަމިއްލަ މަސްލަހަތުގައި، އެހެންވެ ކުޑަ މުސާރައިގެ ވަޒީފާވެސް ދެނީ ބޭރުމީހުނަށް ދިވެހިންނަށް އަދާކުރެވެން ހުންނަ ވަޒީފާތަށްވެސް، މިއަދު ދިވެހި ގިނަ ކުންފުނި ތަކުގައި ގިނައީ ބިދޭސީން ދޭސީން ނަށްވުރެން ، ދެން ކިހިނަކުން ޒުވާނުން ކުޑަ އާމްދަނީގެ ވަޒީފާގައިވެސް ޤައުމު ތަރައްޤީކުރަން ނިކުންނާނީ !
ދިވެހި ކުންފުނި ތަކަކީ ރާއްޖެއާއި ރާއްޖޭގެ ރައްޔިތުންނަށް ހެޔުއެދިގެން އުޅޭބަޔެއްނޫން އެމީހުން ކުންފުނިތަކުގެ ބޮޑުން ބޮޑު މުސާރަ ނަގައިގެން ބޭރުމީހުންގެނެސްގެން އުޅެނީ އެމީހުންގެ އަމިއްލަ މަސްލަހަތުގައި، އެހެންވެ ކުޑަ މުސާރައިގެ ވަޒީފާވެސް ދެނީ ބޭރުމީހުނަށް ދިވެހިންނަށް އަދާކުރެވެން ހުންނަ ވަޒީފާތަށްވެސް، މިއަދު ދިވެހި ގިނަ ކުންފުނި ތަކުގައި ގިނައީ ބިދޭސީން ދޭސީން ނަށްވުރެން ، ދެން ކިހިނަކުން ޒުވާނުން ކުޑަ އާމްދަނީގެ ވަޒީފާގައިވެސް ޤައުމު ތަރައްޤީކުރަން ނިކުންނާނީ !