ޗާގޯސް މައްސަލައިގެ ހަގީގަތް އެނގިތިބެ ދޮގުވާހަކަތައް ފަތުރާ ބައިބައިވުން އުފެއްދުމަކީ ހިތާމަހުރިކަމެއް: ރައީސް
ސިޔާސީ މަގްސަދެއް ހާސިލް ކުރުމަށް ޗާގޯސް މައްސަލައިގެ ހަގީގަތް އެނގި ތިބެ ކަނޑައެޅިގެން ދޮގު ވާހަކަތައް ފެތުރުމަކީ ވަރަށް ދެރަ މައްސަލައެއް ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ވިދާޅުވެއްޖެއެވެ.
ރައީސް ޞާލިޙް މިފަދައިން ވިދާޅުވީ ދިވެހިރާއްޖެ އިސްލާމްވި ދުވަހުގެ މުނާސަބާ ފާހަގަކުރުމުގެ ގޮތުން މިރޭ ބޭއްވި ޖަލްސާ ޝަރަފުވެރިކޮށްދެއްވައި ވާހަކަފުޅު ދައްކަވަމުންނެވެ.
ރައީސް ވިދާޅުވީ ދިވެހިރާއްޖޭގެ ކަނޑުގެ ސަރަޙައްދާއި ޗާގޯސްގެ ކަނޑުގެ ސަރަޙައްދު ކަނޑައެޅުމުގައި އޮތް، ފުށުއަރާ ސަރަޙައްދުގެ މައްސަލަ އަކީ ޙައްލެއް ނުހޯދި އޮންނަތާ ގިނަ އަހަރުތަކެއް ވެފައިވާ މައްސައެއް ކަމަށެވެ.
އަދި އެ މައްސަލަ ޙައްލުކުރުމަށް މީގެ 30 އަހަރު ކުރިން 1992 ވަނަ އަހަރު އޭރުގެ ދިވެހި ސަރުކާރުން އިނގިރޭސި ސަރުކާރާ އެކުގައި މަސައްކަތްކޮށް އޭރު އެއްބަސްވެފައި ވަނީ ފުށުއަރާ ސަރަޙައްދު ދެ ޤައުމަށް ހަމަހަމަވާ ގޮތަށް ބަހައިލުމަށް ކަމަށާއި އޭގެ ފަހުން، 2011 ވަނަ އަހަރު، އޭރުގެ ދިވެހި ސަރުކާރުން މޮރިޝަސް ސަރުކާރާ އެކުގައި މި މައްސަލަ ޙައްލުކުރުމަށް މަޝްވަރާ ކޮށް، އޭރު އެއްބަސްވެފައިވަނީ ދެ ޤައުމުގެ ދެމެދުގައި ވާހަކަ ދައްކައިގެން، ފުށުއަރާ ސަރަޙައްދުގެ މައްސަލަ ހައްލުކުރުމަށް ކަމަށެވެ.
ރައީސް ވިދާޅުވީ މި ސަރުކާރުން މިމައްސަލައިގައި މަސައްކަތް ކުރަމުން އަންނަނީ، ބައިނަލްއަޤުވާމީ ޓްރައިބިއުނަލެއްގައިކަމާއި ވަކި ސަރުކާރާކާއެކު ނޫން ކަމަށާއި މޮރިޝަސް ސަރުކާރުން އިޓްލޮސްއަށް ހުށަހަޅާފައި އޮތް މައްސަލައިގައިވެސް، ސަރުކާރުން މިހާރުވެސް ދަމަހައްޓަމުން އަންނަނީ، ދިވެހިރާއްޖޭގެ އެންމެ މަތީ މަޞްލަޙަތު ދިފާޢުކުރުމުގެ ސިޔާސަތު ކަމަށެވެ.
“މި މައްސަލައިގައިވެސް އަދި ޚާރިޖީ ދާއިރާއާ ގުޅޭ އެހެން ކަމެއްގައިވެސް، ރާއްޖޭގެ ސިޔާދަތީ މިނިވަންކަމަށް ގެއްލުމެއް ލިބޭ ފަދަ ނިންމުމެއް ނިންމައި، އަދި އެފަދަ ކަމަކަށް ޖާގަވެސް ނުދޭނެ” ރައީސް ވިދާޅުވިއެވެ.
މީގެ އިތުރުން މި މައްސަލައިގައިވެސް ވަކި މީހެއް ނުވަތަ ވަކިބައެއްގެ އަމިއްލަ ބޭނުމަކަށް، ނުވަތަ ސިޔާސީ މަޤްޞަދެއް ޙާޞިލުކުރުމަށް، އަދި ކަމުގެ ޙަޤީޤަތް އެނގި ތިބެ، ކަނޑައެޅިގެން ދޮގު ވާހަކަތައް ފަތުރައިގެން ރައްޔިތުންގެ މެދުގައި ބައިބައިވުމާއި ބިރުވެރިކަން އުފައްދަން ބަޔަކު މަސައްކަތް ކުރާ ކަމަށް ރައީސް ވިދާޅުވިއެވެ.
ބަލަ ފޯޅޮވަހި އެއީ ކޮންބަޔެއްގެ ސިޔާދަތު އޮތްތަނެއްތޯ ؟ ގޯތި ނުލިބެނީސް ގޯތީގެ ވަށައި ފާރުރޭވިދާނެތޯ ؟ ބައިކުރަން ޖެހޭ އެއްޗަކީ ކޮބައިތޯ ؟ ބައިކުރަން ޖެހޭ އެއްޗެއްނެތި ބައިކުރަން އުޅެނީ ކޯޗެއްތޯ ؟
އާއްމުފަރުދުންް އެދައްކާވާހަކަަ ތައްް ދޮގެއްތޯނުވަތަަ ތެދެއްތޯޯ ހާމަކޮއްދިނުމައްް ނާގޯށިި ސިޓީި ރައްޔިތުންގެެ މަޖިލީހައްް ފޮނުވާންވީނުު އެއިރުންް ތިކަންތައްގަޑުު ހިގާދިޔަގޮތްް ސާފުވާނެެ އެންމެނައްް އެހެންނޫނީވިއްޔާާ ގަބޫލުކުރެވެނީީ އެމީހުންގެެ އަތުންބޮޑުު ޢަދަދެއްގެެ ފައިސާނަގާާ އޭގެެ ބޭނުންކޮއްް ގައުމުވިއްކާލީކަމައްް ޔޯލަޔޯލަަ ކާލިކާލިި ކިޔާނެެ ނޫނީހާމަކުރޭޭ ލިޔެކިޔުންތައްް އެހެންނޫނީީވިއްޔާާ ތިއުޅެނީީ ގަދަޔައްކައިގެންް