ޗާގޯސް މައްސަލަ: ޕީޕީއެމްއިން މިރޭ އިހުތިޖާޖުކުރަން ނުކުންނަނީ
ޗާގޯސް މައްސަލައިގައި ޕީޕީއެމްއިން އިހުތިޖާޖުކުރަން ނިންމައިފިއެވެ.
ޕީޕީއެމްއިން މިއަދު ބޭއްވި ނޫސްވެރިންގެ ބައްދަލުވުމެއްގައި ބުނީ މި އިހުތިޖާޖަކީ އެ ޕާޓީގެ ޔޫތު ވިންގުގެ ހަރަކާތެއް ކަމަށާއި, އެ ހަރަކާތް ކުރިއަށް ދާނީ ޕާޓީގެ އޮފީސް ހިމެނޭ ސަރަހައްދުގައި ކަމަށެވެ.
''އަޅުގަނޑުމެންގެ މި ހަރަކާތަކީ ފޯޅަވަހި މައްސަލައިގައި އަޅުގަނޑުމެން ދިވެހިންނާ އެއްކޮށް ތިބިކަން ހާމަކޮށްދިނުމަށް ބާއްވާ ހަރަކާތެއް.''
''އަޅުގަނޑުމެން މި އެދެނީ އަޅުގަނޑުމެންނާއެކީގަ ދިވެހިން... ޤައުމިއްޔަތު ހުރި ދިވެއްސެއްވެއްޖިއްޔާ އަޅުގަނޑުމެންނާއެކީގަ އަޅުގަޑުމެންގެ މަސައްކަތުގަ ބައިވެރިވެދެއްވުމަށް. އަޅުގަނޑުމެންގެ މި ހަރަކާތް ފެށްޓޭނީ މިރޭ 20:30 ގަ ޕީޕީއެމް އޮފީސް ކުރިމަތިން.''
ޗާގޯސް މައްސަލައިގައި އދ. ގެ ޖެނެރަލް އެސެމްބްލީގައި ރާއްޖެއިން ވަނީ މޮރިޝަސްއާ އެއްކޮޅަށް ވޯޓުލާން ނިންމާފައެވެ. އެ ގޮތުން ގިނަ ބަޔަކު ދަނީ އެކަމާ ކަންބޮޑުވުން ފާޅުކުރަމުންނެވެ.
Ads by STO
