ފޭކު ޑޮލަރުން ފޯނެއް ގަންނަން އުޅުނު މީހަކު ހައްޔަރުކޮށްފި

ފޭކު ޑޮލަރުތަކެއް ހިފައިގެން ފޯނެއް ގަންނަން އުޅުނު މީހަކު ހައްޔަރުކޮށްފިއެވެ.

Ads by MPL

ރޭގެ ވަގުތެއްގައި ހައްޔަރުކޮށްފައިވަނީ 21 އަހަރުގެ ދިވެހި ފިރިހެނެކެވެ. ފުލުހުން މިއަދު ވިދާޅުވީ މަކަރާއި ހީލަތުން އޭނާ ފޯނެއް ގަންނަން މަސައްކަތް ކުރީ ސައްހަ ނޫން ޑޮލަރުތަކެއް ބޭނުންކޮށްގެން ކަމަށެވެ.

އޭނާ ހައްޔަރުކުރީ މާލެއިންނެވެ. ނަމަވެސް އޭނާ ފޯނު ގަންނަން ގޮސް އުޅުނީ ކޮން ފިހާރައަކަށް ކަމެއް ފުލުހުން ހާމައެއް ނުކުރައްވައެވެ.

އޭނާގެ ބަންދާމެދު ގޮތެއް ނިންމަން ކޯޓަށް ހާޒިރުކުރުމުން ވަނީ ބަންދަށް 15 ދުވަސް ދީފައެވެ.