ރޮޒައިނާގެ ތަޢުރީފު ނަޝީދަށް: މަޖިލީހުގެ ޖަލްސާ ކުރިއަށް ގެންދެވީ ޤަވާއިދާ އެއްގޮތަށް
ރައްޔިތުން މަޖިލީހުގެ މިއަދުގެ ޖަލްސާ، މަޖިލީހުގެ ރައީސް މުޙައްމަދު ނަޝީދު ކުރިއަށް ގެންދެވީ ޤަވާއިދާ އެއްގޮތަށްކަމަށް ވިދާޅުވެ އައްޑޫ ސިޓީ މީދޫ ދާއިރާގެ މެންބަރު ރޮޒައިނާ އާދަމް (ރޮޒޭ) ރައީސް ނަޝީދަށް ތަޢުރީފް ކުރައްވައިފިއެވެ.
ރޮޒޭ ކުރެއްވި ޓުވީޓެއްގައި ވިދާޅުވީ ރައީސް ނަޝީދު މަޖިލީހުގެ މިއަދުގެ ޖަލްސާގެ ސުވާލު ގަޑި ކުރިއަށް ގެންދެވީ ވަރަށް ރަނގަޅަށް ގަވާއިދާ އެއްގޮތަށް ކަމަށެވެ.
މަރުހަބާ. ހުރިހާ ވަގުތެއްގައި ވެސް ތި ގޮތަށް ގަވާއިދު ހިފަހައްޓަވާނެކަމަށް އުންމީދުކުރަން.
ރޮޒޭ ނަޝީދަށް ތަޢުރީފް ކުރައްވާފައިވާއިރު ރައީސް ނަޝީދު އިއްޔެގެ ޖަލްސާ ކުރިއަށް ގެންދެވި ގޮތާމެދު އޭނާ ހިމެނިވަޑައިގަންނަވާހެން ރައީސް އިބްރާހިމް މުޙައްމަދު ޞާލިޙްގެ ގިނަ މެންބަރުންތަކެއް ނަޝީދާމެދު ނުރުހުން ފާޅުކުރެއްވިއެވެ.
އަދި ނަޝީދު ޖަލްސާ ގެންދަވަނީ ގަވާއިދާ އެއްގޮތަށް ނޫންކަމަށް ވިދާޅުވެ އެ ބޭފުޅުން ރައީސްގެ އަރިހަށް މުލިއާގެއަށް ވެސް ވަޑައިގަތެވެ. ނަމަވެސް ރައީސް އިބްރާހީމް މުޙައްމަދު ޞާލިޙު އެދިވަޑައިގަތީ، ރައީސް ނަޝީދުގެ އިތުބާރު ނެތް މައްސަލަ މަޑުޖައްސައިލުމަށް ކަމަށް ރައީސްއާ ބައްދަލު ކުރެއްވި މެމްބަރުން ވިދާޅުވެފައިވެއެވެ.
ރޮޒޭނާ އަކީ އަނގަ ފީންޏެއް ގެންގުޅޭ މީހެއްތޯ؟ މިހެން އަހަން މިޖެހުނީ ރނަޝީދަށް ރަތްމަހަށް ގޮވާފަ ރނަޝީދަށް ތާރީފު ކޮށް ސަނާ ކިއުމަކީ ރޮޒޭނާގެ ބޯހަމަ ޖެހިގެން ކުރިކަމެއްތޯ ވެސް އަހާލަން އެބަ ޖެހޭ، މިދާވަރުން ވިއްޔާ އަދި ރއިބުރާހީމަށް ވެސް ރަތްމަހަށް ގޮވާދުވަހެއް ފެންނާނެ، މެެހަމަ ބޯ ގޯސއ ވެފަވަ މީހެއް.