މަންމައަށް ގުޅައި "ހޭއަރުވާލާނެ" ކަމަށް ބުނި މީހަކު ޖަލަށް
އަމިއްލަ މަންމަ އަށް ބިރު ދައްކައި "ހޭއަރުވާލާނެ" ކަމުގެ އިންޒާރު ދިން ދަރިފުޅު އެއް އަހަރު ދުވަހަށް ޖަލަށް ލުމަށް ކްރިމިނަލް ކޯޓުން އިއްޔެ ހުކުމް ކޮށްފިއެވެ.
މި ހުކުމް ކޮށްފައިވަނީ މ.ދޮރަގަލި، މާލެ. އަޙްމަދު ރިޔާޒުގެ މައްޗަށެވެ. ރިޔާސްގެ މައްޗަށް މިދައުވާ ކޮށްފައިވަނީ، އެނާގެ މަންމަ ކ.މާލެ މ.ޒެމްކިޔާ ، ފާތިމަތު ވަޙީދާ އަށް ބަހުގެ ހަމަލާ ނުދިނުމަށާއި، ނަފްސާނީ ގޮތުން އަނިޔާ ނުކުރުމަށާއި، ބިރު
ނުދެއްކުމަށާއި، ފާރަ ނުލުމަށާއި، މުދަލަށް ގެއްލުން ނުދިނުމަށާއި، ވަޙީދާ ދިރިއުޅޭ ގެއަށް ކަނޑަޑައެޅިގެން ސާފު ބަހުން ވަޙީދާގެ ހުއްދަ ލިބިގެން މެނުވީ ނުވަނުމަށް އަމުރުކޮށްފައި ވަނިކޮށް، އެ އަމުރުގެ މުއްދަތު 12 މަސް ދުވަހަށް އިތުރުކޮށްފައިވަނިކޮށް، ވަހީދާ އަށް ފޯނުން ގުޅައި ފައިސާ ދިނުމަށާއި ދިރިއުޅެމުންދާ ގެއަށް ވެއްދުމަށާއި، އެހެންނޫނީ ހޭއަރުވާލާނެކަމަށް، ބުނެ ބިރުދައްކާ އިންޒާރުދީފައިވާތީއެވެ.
ގެވެށި އަނިޔާ ހުއްޓުވުމުގެ ގާނޫނުގެ ދަށުން ނެރޭ އެފަދަ އަމުރުތަކާ ހިލާފުވުމަކީ އެ ގާނޫނުގައި އޮންނަ ގޮތުން ޖިނާއީ ކުށެކެވެ. އަދި އެ ކުށުގެ އަދަބަކަށް ގާނޫނުގައި އޮންނަނީ 30،000ރ. އިން ޖޫރިމަނާ ކުރުން ނުވަތަ އެއް އަހަރު ދުވަހަށް ޖަލަށް ލުމެވެ.
އަދަބާ ގުޅޭ ގޮތުން ރިޔާޒްއާ ސުވާލު ކުރުމުން އޭނާ ވަނީ ޝަރުތުކޮށްފައި ނަމަވެސް ބަންދުން ދޫކޮށްލުމަށް އެދިފައެވެ.
މި ދައުވާއާ ގުޅިގެން އެނާ ނުވަ މަހާއި ހަތަރު ދުވަސް ބަންދުގައި ހޭދަކޮށްފައިވާތީ އަދަބެއްގެ ގޮތުގައި އެއް އަހަރުގެ ޖަލު ހުކުމް ކަނޑައަޅައި، އެއިން ދެން ތަންފީޒުކުރަން ޖެހޭ މުއްދަތަކީ ދެ މަހާއި 26 ދުވަސް ކަމަށް ގާޒީ ވަނީ ހުކުމްކޮށްފައެވެ.
މައިން ބަފައިން ނަކީ ދަރިން ދުނިޔެ އައުމުގެ ސަބަބެއްކަމުގައި ﷲ ލެއްވި ލޯއްބާއި ކުލުނާއި އަޅާލުމާއި އޯގާތެރި ފަރާތް މުސްކުޅިވީމަ އިހުސާންތެރި ވުމައި ހެޔުދުޢާ ކުރުމުގެ ބަދަލުގައި ނިކަމެތިކޮށް ހިތުމަކީ ވަރަށް ބޮޑު ފާފައެއް، ﷲ އަޅަމެންގެ ދަރިންނަށް ހިދާޔަތާއި މައިންބަފައިންނަށް ހެޔޮކޮށް ހިތުމުގެ ތައުފީޤް ދެއްވާށި !