ތާރީޚީ ފޮތެއްގައި ވެސް މިވަރުގެ އަނިޔާވެރި ސަރުކާރެއްގެ ވާހަކައެއް ނެތް: އަދުރޭ
ތާރީޚީ ފޮތެއްގައި ވެސް މިވަރުގެ އަނިޔާވެރި ސަރުކާރެއްގެ ވާހަކައެއް ނެތްކަމަށް އިދިކޮޅު އިއްތިހާދުގައި ހިމެނޭ ޕީއެންސީގެ ރައީސް ޢަބްދުއްރަޙީމް ޢަބްދުﷲ (އަދުރޭ) ވިދާޅުވެއްޖެއެވެ.
މި ސަރުކާރަށް ހަތަރު އަހަރު ފުރުމާ ގުޅިގެން ދައުލަތުގެ މީޑިއާގައި ދެއްކެވި ވާހަކައިގައި އިކޮނޮމިކް މިނިސްޓަރު ފައްޔާޟް އިސްމާޢީލް ވަނީ އަނިޔާވެރިނުވެ ވެރިކަން ކުރެވޭނެކަން މިދިޔަ ހަތަރު އަހަރަށް ބަލައިލުމުން އެނގިގެން ހިނގައްޖެކަމަށް ވިދާޅުވެފައެވެ.
ފައްޔާޟްގެ ވާހަކަތަކަށް ރައްދު ދެއްވަމުން ޕީޕީއެމްގެ ޖަގަހަ ޖަލްސާގައި ރޭ ވާހަކަ ދައްކަވަމުން އަދުރޭ ވިދާޅުވީ މި ސަރުކާރު އައިފަހުން ރައްޔިތުން ސިއްސުވައިލި އެއް ޚަބަރަކީ އެމްޑީއެންއިން ކިޔާ ޖަމާޢަތަކުން އިސްލާމްދީނަށް ފުރައްސާކޮށް ކީރިތި ރަސޫލާއަށް ހަޖޫޖަހައި ރިޕޯޓު ލިޔުނު މީހުންގެ ތެރެއިން އެއް ބަޔަކު ރާއްޖެއިން ބޭރަށް ފުރުވައިލި ޚަބަރު ކަމަށެވެ.
އަދި އަނެއް ބަޔަކަށް ދައުލަތުގެ އިސް މަޤާމުތަކެއް ދިންކަމަށާއި އޭގެ ބަދަލުގައި މި ފަސްގަނޑުގައި ޝިރުކު ހުއްޓުވަން ނުކުތް މީހުން ހިފާ ހައްޔަރުކޮށް ޓެރަރިޒަމްގެ ދަޢުވާ އުފުލާފައިވާކަން އަދުރޭ ފާހަގަކުރެއްވިއެވެ.
ފައްޔާޒަށް އަޅުގަނޑު ދަންނަވައިލަން ބޭނުންވަނީ ކޮބައިތޯއޭ އަނިޔާވެރިވުމަކީ. އަނިޔާވެރިވުން މަނިކުފާނު ތިޔަ ސިފަކުރައްވަނީ ކޮން ގޮތަކަށްތޯއޭ. މިއަށްވުރެ ބޮޑަށް ރައްޔިތުންނާއި ޤައުމަށް އަނިޔާވެރިވި ސަރުކާރެއް މިހާތަނަށް
މި ރާއްޖޭގެ ތާރީޚު ނުދެކެއޭ. އަޅުގަނޑުމެން މީ ފައްޔާޟަށްވުރެ މާ ދޮށީ މީހުން. މި ރާއްޖޭގެ އެކި ސަރުކާރުތައް އަޅުގަނޑުމެން ދުށީމޭ. އަދި ތާރީޚުގެ ފޮތްތަކުން އަޅުގަނޑުމެން ކިޔަވައިފީމޭ. އެ ފޮތްތަކަކުން ނުފެނެއޭ މިވަރުގެ އަނިޔާވެރި ސަރުކާރެއް. އިބްރާހިމް މުޙައްމަދު ޞާލިޙް ވަރުގެ ޖައްބާރެއް. ޖާހިލެއް. އަނިޔާވެރިއެއް. އެއަށް ވާގިވެރިވާ މީހެކޭ ފައްޔާޟަކީ.
މިދިޔަ ހަތަރު އަހަރުގައި ފެނިގެންދިޔައީ ޑިމޮކްރަސީގެ ރީތި މިސާލެއް ކަމަށް ފައްޔާޟް ވިދާޅުވެފައިވާތީ އެކަމަށް ރައްދު ދެއްވައި ދެއްކެވި ވާހަކައިގައި އަދުރޭ ވިދާޅުވީ ޑިމޮކްރަސީގެ އެންމެ އަސާސީ އެއް ސިފައަކީ މަޝްވަރާ ކުރުން ކަމަށެވެ. ނަމަވެސް މަޝްވަރާގެ ޖާގަ މި ސަރުކާރުން ދިނީ ކިހާވަރަކަށްތޯއާއި މަޝްވަރާ ކުރީ ކޮންކަމަކާތޯ އަދުރޭ ސުވާލު ކުރެއްވިއެވެ.
އަދުރޭ ވަނީ އުތުރުތިލަފަޅު އިންޑިއާއަށް ވިއްކައިލިއިރު ރައްޔިތުންނާ މަޝްވަރާ ކުރިތޯއާއި އޭގެފަހުން ހަނިމާދޫ އިންޑިއާއަށް ވިއްކައިލިއިރު މަޝްވަރާ ކުރިތޯއާއި ފޯޅަވަހި ވިއްކައިލިއިރު މަޝްވަރާ ކުރިތޯ ވެސް ސުވާލު ކުރައްވައިފައެވެ.
އަޅުގަޑު ބުނެލަން ބޭނުންވަނީ ޔާމީން ތަރައްގީ ގެނަޔަސް ޔާމީން ކުރިވަރުގެ ނުލަފާވެރިކަމެއް މިވީހާތަނަން ކުރި ރައީސަކު އަދިނެތް
1 . މުހައްމަދު ޖަމީލު ނައިބް ރައީސަކަށް ހުއްޓާ ކުރިއަށްއޮތް އިންތިޚާބުގަ ރައިސް ކަމަށް ކުރިމަތި ލާނެ ކަމަށް ބުނުމުން އޭނަ ބޭރު ކޮށްލި ގޮތް
2. ކާނަލް ނާޒިމް މިނިސްޓްރީތައް ހިންގާލި ގޮތުން ރައްޔިތުންގެ ލޯބިލިބުމުން އޭނަ ފްރޭމް ކޮށްފަ ބޭލި ގޮތް
3.ރައްޔިތުންގެ މަޖިލީހުން އޭނަ ބުނިގޮތަށް ކަންތައް ނުކުރުމުން ގޮޑިތައް ގެއްލުވާލި ގޮތް
4.ފަޑިޔާރުން ކުރި ހުކުމަކާއި ގުޅިގެން ފުރާޅުން ޓިނު ނަގާފަ ޖަލައްލި ގޮތް
5. ވަޒީފާ ތަކުގަ ތިބި މީހުން އޭނަގެ ކެމްޕެއިންނަށް ދާން މަޖުބޫރު ކޮށް ވަޒަިފާ ތަކުން ކެޑުވުން
6. ރަށްރަށުގެ ތަރައްގީ އަށް ކަޑައެޅި ނިމިފައި ހުރި ކަންތައް އެމްޕީ ދެކެ ރުޅިއައިމަ ކެންސަލް ކޮށްފަ
7. ސިޔާސީ ގޮތުން އޭނައާއި ވާދަކޮށްފާނެ ހެން ހީވަންޏާ އެމީހަކު ޖަލަށް
8. ރާއްޖޭގެ ތާރީޚްގަ އެންމެ ގިނަ ސިޔާސީ މީހުން ޖަލަށްލީ ޔާމީންގެ ވެރި ކަމުގަ
9 .ގެއަށްވައްދާ ފައިސާ އަކީ ހަލާލުއެއްޗެއްތޯ ނުބަލާ ހަރާމްފައިސާ ބޭނުންކުރަން ފެށީ
10 .އެއްބަފާ ބޭބެ ޖަލަށްލީ