ރާއްޖެ ބަނގުރޫޓުވުމުގެ މަގަށް ދާއިރު ރިޔާސަތުގައި އިނުން ވާނީ ލަދުވެތި ކަމަކަށް: ނަޝީދު
ރާއްޖެ ބަނގުރޫޓުވުމުގެ މަގަށްދާ ހާލަތެއްގައި ރައްޔިތުންގެ މަޖިލީހުގެ ރިޔާސަތުގައި އިންނަވަން ޖެހިވަޑައިގެންފިނަމަ, އެކަން ވާނީ އެ މަނިކުފާނަށް ވަރަށް ލަދުވެތިކަމަކަށް ކަމަށް މަޖިލީހުގެ ރައީސް މުޙައްމަދު ނަޝީދު މިއަދު ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާގައި ނަޝީދު ވިދާޅުވީ ސްރީލަންކާ ސަރުކާރާއި ގާނާ ސަރުކާރާއެކު ވެސް އެ މަނިކުފާނު މަސައްކަތް ކުރައްވާފައިވާނެ ކަމަށާއި އެ ދެ ޤައުމު ވެސް ދިޔައީ ބަނގުރޫޓުގެ މަގަށް ކަމަށެވެ. އަދި ރާއްޖެ އެ މަގަށްދާއިރު މަޖިލީހުގެ ރިޔާސަތުގައި މަޖިލީހުގެ ރިޔާސަތުގައި އިންނަވަން ޖެހިވަޑައިގެންފިނަމަ އެކަން ވާނީ އެ މަނިކުފާނަށް ވަރަށް ލަދުވެތިކަމަކަށް ކަމަށެވެ.
އަޅުގަނޑުމެން އެ މަގަށްދާއިރު މި ރިޔާސަތުގައި އަޅުގަނޑު އިނދެއްޖެނަމަ އަޅުގަނޑު ދަންނަވާނީ އެއީ އަޅުގަނޑަށް ވެސް ވަރަށް ބޮޑު ލަދުވެތި ކަމަކަށޭ ވެގެންދާނީ. ހަމަ އެއްގޮތަކަށް ވެސް އަޅުގަނޑުމެން ދިޔަ ދީގެން ނުވާނެ. އަޅުގަނޑުމެން މި ވަގުތު ޚާއްސަ ގޮތެއްގައި ދައުލަތުގެ މާލިއްޔަތު ހުރި ގޮތް ސާފުކުރުން ވަރަށް ބޭނުންތެރި. އަދި އެ މަޢުލޫމާތު ޢާންމުކޮށް އެންގުން ވެސް ވަރަށް ބޭނުންތެރި.
ރައީސް ނަޝީދު ވިދާޅުވީ މެންބަރުންގެ ވިސްނުން ބަހައްޓަވަންވީ މި ވަގުތު ރާއްޖޭގެ ފޮރިން ކަރަންސީ ރިޒާވް ހުރި މިންވަރު ދެނެގަތުމަށް ކަމަށެވެ.
އަދި މި ހަފުތާއާއި ކުރިއަށް އޮތް ހަފުތާގައި ދައުލަތުން ދައްކާން ހުރީ ކޮން ފައިސާއެއްތޯއާއި ތެލަށް އަދި ކާޑަށް ދައްކާން ހުރި ފައިސާ ރިޒާވްގައި އެބަހުރިތޯ ދެނެގަންނަންޖެހޭ ކަމަށާއި އެ މަނިކުފާނުގެ ކަންބޮޑުވުމަކީ އެ ކަންކަމާ ދޭތެރޭ ޝައްކު އުފެދޭތީ ކަމަށެވެ.
ރަގަަނޅުގޮތަކީ ރިޔާސަތުގަނީދެ އިސްތިއުފާދެއްވުން