އީރާން ޓީމުން ޤައުމީ ސަލާމް ނުކީ މިހެންވެ!

ވޯލްޑް ކަޕްގައި އިންގްލެންޑާ ދެކޮޅަށް ކުޅުނު މެޗުގެ ކުރިން ކުޅޭ ޤައުމީ ސަލާމުގައި އެ ޤައުމުގެ ޤައުމީ ސްކޮޑުން ބައިވެރިނުވެ، ހިމޭން އިޙްތިޖާޖެއްކޮށްފިއެވެ.

Ads by STELCO

Ads by Sosun Fihaara

އީރާނުން ޤައުމީ ސަލާމް ކިޔަން ދެކޮޅު ހެދީ އަމިއްލަ ޤައުމުގައި ސަރުކާރާ ދެކޮޅު މުޒާހަރާތަކަށް ތާޢީދުކުރާކަން ހާމަކޮށެވެ.

ޤައުމީ ސަލާމުގެ ތެރެއިން ބައެއް ސަޕޯޓަރުން ހަޅޭއްލަވައި އަޑުގަދަ ކުރިއިރު އަނެއް ބަޔަކު ވަނީ "ވުމަން، ލައިފް، ފްރީޑަމް" ލިޔެފައިވާ ނިޝާންތައް ހިފަހައްޓައިފައެވެ.

އީރާނުގެ ކޯޗު ކާލޯސް ކުއިރޯޒް ވަނީ އޭނާގެ ކުޅުންތެރިންނަށް "އިޙުތިޖާޖު ކުރުމުގެ މިނިވަންކަން" އޮންނާނެ ކަމަށް ބުނެފައެވެ.

މިދިޔަ ސެޕްޓެމްބަރު މަހު މަހްސާ އަމީނީ ފުލުހުންގެ ބެލުމުގެ ދަށުގައި ހުއްޓައި، މަރުވުމާ ގުޅިގެން އީރާނުގައި ކުރަމުންދާ މުޒާހަރާތަކާ ދެކޮޅަށް ވަރުގަދަ ފިޔަވަޅުތަކެއް ވަނީ އަޅައިފައެވެ.

އީރާންގައި މުޒާހަރާ ކުރަމުން އަންނަނީ، އިސްތަށިގަނޑު ނިވާކުރުމުގެ އުސޫލާ ޚިލާފުވެގެން އުމުރުން 22 އަހަރުގެ އަމީނީ މޯރަލިޓީ ފުލުހުންގެ ބެލުމުގެ ދަށަށް ގެންގޮސްފައިވާ ހުއްޓާ މަރުވި މައްސަލައިގައެވެ.

އެއާއެކު އެޤައުމުގައި މުޒާހަރާތައް ވަނީ ފެށިފައެވެ.

އީރާނުގެ ސަލާމަތީ ބާރުތަކުން ހިންގި ހަމަނުޖެހުންތަކުގައި މިހާތަނަށް 400 އަށް ވުރެ ގިނަ މީހުން މަރުވެ 16،800 މީހުން ހައްޔަރުކޮށްފައިވާ ކަމަށް އިންސާނީ ހައްޤުތަކަށް މަސައްކަތް ކުރާ ފަރާތްތަކުން ބުނެއެވެ. އީރާނުގެ ސަރުކާރުން ބުނާ ގޮތުގައި، އެ މުޒާހަރާތަކަކީ ހުޅަނގުން ބާރު ދީގެން ސަރުކާރަށް ޕްރެޝަރު ކުރަން ކުރާ މުޒާހަރާ ތަކެކެވެ. ސަރުކާރުން ބާރުގެ ބޭނުން ކޮށްގެންވެސް އާންމު ރައްޔިތުން ހުއްޓުވަނީ އެހެންވެގެން ކަމަށްވެސް ވަނީ ބުނެފައެވެ.

ފުޓްބޯޅަ ކުޅެމުން ދިޔަ ވަގުތު ވެސް އީރާންގެ ސަޕޯޓަކުން ވަނީ ސަރުކާރާ ދެކޮޅަށް އަޑު އުފުލައިފައެވެ. ސަޕޯޓަރުން "ބޭ-ޝަރަފް" އޭ ކިޔާ އަޑު ވެސް އިވެމުން ދިޔަ އިރު، އޭގެ މާނައަކީ ފާރިސީ ބަހުން އިހާނެތި ކަމެކެވެ. މިއީ އީރާނުގެ ސަލާމަތީ ބާރުތަކާ ދެކޮޅަށް މުޒާހަރާގެ ބައިވެރިން ބޭނުންކޮށްފައިވާ ޚާއްސަ ލަފުޒެކެވެ.

އިއްޔެގެ މެޗު އީރާން ކުޅެފައިވަނީ އިނގިރޭސިވިލާތާއި ދެކޮޅަށެވެ. މެޗުން ބަލިވީ 6-2ގެ ތަފާތު ބޮޑު ނަތީޖާއަކުންނެވެ.