އައްޑޫގައި ފުލުހުންގެ ރީޖަނަލް ހެޑްކުއާޓަރެއް ހަދަނީ
އައްޑޫ ސިޓީގައި ފުލުހުންގެ ރީޖަނަލް ހެޑްކުއާޓަރސްއެއް ހަދަން ނިންމައި އެ މަސައްކަތް ކުރާނެ ބަޔަކު ހޯދަން އިއުލާނުކޮށްފިއެވެ.
ފިނޭންސް މިނިސްޓްރީން ވިދާޅުވީ މޯލްޑިވްސް ޕޮލިސް ސަރވިސްގެ އެދިލެއްވުމުގެ މަތިންއައްޑޫ ސިޓީގައި ރީޖަނަލް ހެޑްކުއާޓަރ ޢިމާރާތް ކުރުމުގެ މަސައްކަތްކޮށްދޭނެ ފަރާތެއް ހޯދުމަށް ބޭނުންވާ ކަމަށެވެ.
އަދި މި މަސައްކަތަށް ބިޑު ހުށަހެޅުމުގެ ފުރުސަތު މިކަމަށް ޝަރުޠު ހަމަވާ ފަރާތްތަކަށް ހުޅުވައިލާ ކަމަށާއި، އެ ފުރުސަތު އަންނަ މަހުގެ އަށްވަނަ ދުވަހުގެ ނިޔަަލަށް އޮންނާނެ ކަމަށް އިޢުލާނުގައިވެއެވެ.
މި މަޝްރޫޢުގެ ބިޑް ސެކިޔުރިޓީގެ ގޮތުގައި 200,000 ހުށަހަޅަން ޖެހޭނެއެވެ. ބިޑް ސެކިޔުރިޓީގެ މުއްދަތަކީ ބިޑް ހުޅުވާ ތާރީޚުން ފެށިގެން 148 ދުވަހެވެ.
ބިޑުތައް ހުޅުވުން އޮންނާނީ 13 ޑިސެންބަރު 2022 ވާ އަންގާރަ ދުވަހުގެ 11:00 ގައި އެ މިނިސްޓްރީގެ ނެޝަނަލް ޓެންޑަރގެ ޖަލްސާކުރާ މާލަމުގައިކަމަށް ފިނޭންސް މިނިސްޓްރީގެ އިއުލާނުގައިވެއެވެ.
