''ފެލާލައިފި'' ނަމުގައި އިދިކޮޅުގެ ޚާއްސަ ޖަލްސާއެއް މި މަހުގެ 23 ގައި
ފެލާލައިފި'' ނަމުގައި އިދިކޮޅު ޕްރޮގްރެސިވް ކޮންގްރެސް ކޯލިޝަނުން ޚާއްސަ ޖަލްސާއެއް ބާއްވަން ނިންމައިފިއެވެ.
އިދިކޮޅު ކޯލިޝަނުން މިއަދު ބޭއްވި ނޫސްވެރިންގެ ބައްދަލުވުމުގައި ޕީޕީއެމްގެ ތަރުޖަމާނު ހީނާ ވަލީދު ވިދާޅުވީ އެ ކޯލިޝަންގެ ސިޔާސީ ހަރަކާތްތައް ވަރުގަދަކުރުމަށް ނިންމާފައިވާ ކަމަށާއި އެ ގޮތުން 23 ޑިސެމްބަރުވާ ހުކުރު ދުވަހުގެރޭ 20:30 ގައި ވަރަށް ޚާއްސަ ޖަލްސާއެއް ބާއްވަން ހަމަޖެހިފައިވާ ކަމަށެވެ.
މި ޖަލްސާއަށް މި ކިޔާ ނަމަކީ ''ފެލާލައިފި''. މި ނަން ޚާއްސަވާ ސަބަބަކީ މިހާރު މި އޮތް ދިވެހި ސަރުކާރަކީ ރައްޔިތުން ފެލާލައިގެން ވެރިކަން ކުރާ ސަރުކާރަކަށްވާތީ.
''ފެލާލައިފި'' މި ނަމުން ޖަލްސާއަށް ނަން ދެވުނު ސަބަބުތައް ހީނާ ވަނީ ވިދާޅުވެފައެވެ.
ހީނާ ވިދާޅުވީ ޑޮލަރުގެ އަގު މަތިވެ ތަކެތީގެ އަގު ބޮޑުވެއްޖެ ކަމަށާއި އަދި އަންނަ އަހަރުން ފެށިގެން ރައްޔިތުންގެ އަތުން ނަގާ ޓެކްސް ބޮޑުކުރަން ބިލެއް ވެސް ފާސްކޮށްފި ކަމަށެވެ.
ޖޫރިމަނާގެ ގޮތުގައި ވެސް އެކި ގޮތްގޮތުން ރައްޔިތުން ''ފެލަމުން'' ދާ ކަމަށާއި ދައުލަތުގެ މާލިއްޔާގައި ހުސްކޮށްލައި މުޅިން ''ދޮވެލައިފައިވާ'' ކަމަށް ވެސް ހީނާ ވިދާޅުވިއެވެ.
ހީނާ ވިދާޅުވީ ވެރިކަމަށް ހުންނެވީ ފަތުރުވެރިއެކޭ ބުންޏަސް ދޮގަކަށް ނުވާނެ ކަމަށާއި އެ ގެންދަވަނީ ތިން އިރު ދުނިޔެ ވަށާ ބުރުޖައްސަވަމުން ކަމަށެވެ.
“ފެލާލައިފި” މިނަމުގައި ޖަލްސާއެއް ބޭއްވިޔަކަނުދޭނެ އިބޫގެ ނާގާބިލް ސަރުކާރަކުން އެބައިމީހުންނަކަށް ހަޖަމެއްނުކުރެވޭނެ އަދި އިބޫގެ ސަރުކާރުން ކިޔާއެއްޗެއްދޯ އިމެއްނެއްވަރަށް މިނިވަންކަންވެސް ދީފައޮތްކަމަށް އެމިނިވަންކަންވެސް ދީފައޮތީ ފަސްޓްލޭޑީ ފަޒުނާއަށޭ އެވެސް ފާޚާނާތެރޭގަ ފަޒުނާ ބޭނުންކޮންމެ ކަމެއްކުރުމަށް ފާޚާނާއިންބޭރުގަ ފަޒުނާއަށްވެސް މަނާވާނެ