މީދޫ ދާއިރާ އޮތީ ރައީސް ޞާލިޙާ އެއްކޮށް: ރޮޒައިނާ
އައްޑޫ މީދޫ ދާއިރާގެ ރައްޔިތުން ތިބީ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙާ އެކީގައި ކަމަށާއި ދާއިރާގެ ރައްޔިތުން ރައީސްގެ ތަރައްޤީ ބަލައިގަންނަކަމަށް އެ ދާއިރާގެ މެންބަރު ރޮޒައިނާ އާދަމް ވިދާޅުވެއްޖެއެވެ.
ރޮޒައިނާ ކުރެއްވި ޓުވީޓެއްގައި ވިދާޅުވީ ދާއިރާއަށް ކުރެއްވި ދަތުރު ނިންމަވައިލެއްވުމުން އެނގިވަޑައިގަތީ ރައްޔިތުން ތިބީ ރައީސް ޞާލިޙާ އެކީގައި ކަމަށް ކަމަށެވެ. ދާއިރާގެ ކުރިއެރުމަށް ރައީސް ޞާލިޙް ކޮށްދެއްވާ ކަންކަން ރައްޔިތުން ބަލައިގަންނަ ކަމަށް ވެސް ރޮޒައިނާ ވިދާޅުވިއެވެ.
އަދި މިވަރު ސަރުކާރެއް އަދި މިހައިތަނަށް ނާންނަ ކަމަށް ދާއިރާ ރައްޔިތުން ގަބޫލުކުރާ ކަމަށް ރޮޒައިނާ ވިދާޅުވިއެވެ.
މި ސަރުކާރުން މަރަދޫވފޭދޫގައި ކުރިއަށް ގެންދާ ގިނަ ޕްރޮޖެކްޓްތައް ފާހަގަކުރައްވައި ރޮޒައިނާ ވަނީ ދެން ރައީސް ޞާލިޙް ނުހޮވަންވީ ކީއްވެތޯ ވެސް ސުވާލު ކުރައްވައިފައެވެ.
ހުޅުމީދޫ ވަކި ސިޓީއެއްގެ ގޮތުގައި އޮވެގެން އެތަން ރަގަޅަށް ތަރައްޤީ ވާނީ ! އައްޑޫސިޓީ އަވަށެއްގެ ގޮތުގައި އޮވެގެން އެތަނެއް ތަރައްޤީ ނުވާނެ !